Հա

Հասարակական

05/01/2014 - 09:50

ՌԱԴԻՕ ԲԱՌ - Փոքրատառով մի զրոյց՝ տօնական օրերին յաջորդած յօրանջելու փոխարէն

Տօնական արձակուրդին յաջորդած աշխատանքային օրերի մասին խօսելն աւելորդ է, կամ ինչպէս յաճախ արեւելեան մօտեցումներով կարգերն են յուշում՝ կեանքը հիասքանչ է... Թելը բռնած քայլենք առաջ: Պատկերացրէք Հիւսիսային Կորէայում տօնական օրերին յաջորդած աշխատանքային օրերն են հասել, եւ մարդիկ (առանց բացառութեամբ բոլորը) մինչեւ ականջները ցցւած ժպիտով դուրս են եկել խոնարհւելու Քիմի հսկայական արձանի առջեւ:

ՀԱՏԻՍ

Տօնական արձակուրդին յաջորդած աշխատանքային օրերի մասին խօսելն աւելորդ է, կամ ինչպէս յաճախ արեւելեան մօտեցումներով կարգերն են յուշում՝ կեանքը հիասքանչ է... Թելը բռնած քայլենք առաջ: Պատկերացրէք Հիւսիսային Կորէայում տօնական օրերին յաջորդած աշխատանքային օրերն են հասել, եւ մարդիկ (առանց բացառութեամբ բոլորը) մինչեւ ականջները ցցւած ժպիտով դուրս են եկել խոնարհւելու Քիմի հսկայական արձանի առջեւ: Այստեղ շների կերը չդառնալու համար ուրախանալուց պէտք է զգուշօրէն հաշւի առնել նաեւ պինդ ու թոյլ ծափերի նրբութիւնները:
Խառնւածքով պատկերւածից պակաս նրբութիւններով կարող է լինել ասենք չինացիների աշխարհը, որտեղ ինքը արձակուրդ բառը խնդրայարոյց երեւոյթ կը լինի երեւի: Չէ որ միլիարդուկէս մրջիւնի պէս աշխատող մարդու ոնց հեռու պահես իրենց այդքան սիրած աշխատանքից:
Իսկ Իրանում, որտեղ տեղացիներին յարիր սրամտութիւնն է եռում, արձակուրդները լաւագոյն առիթներն են մտային թռիչքը խառնել առօրեայ «N» քանակութեամբ հոգսերին եւ արտադրել «N» քանակութեամբ SMS-ային հումորներ:
Եւ այսպէս մինչեւ սիւնակիս յատակի շօշափելը շարունակելով թեման՝ փորձենք որոշակի փոփոխութիւններով յիշել դրանց միջից ամենատպաւորիչներից մէկը, որը կրում էր «ՔԱՂԱՔԱԳԻՏԱԿԱՆ ԲԱՌԱՐԱՆ» անւանումը:
Եւ այսպէս.
ԿՈՄԻՆԻԶՄ - Դուք ունէք թւով երկու կով, այդ դէպքում պէտք է դրանց յանձնէք պետութեանը, որպէսզի նա դրանցից մէկով կերակրի նաեւ միւսներին, իսկ միւսի մասին, ձեզ չկապւող գործերին չպէտք է խառնւել:
ԴԵՄՈԿՐԱՏԻԱ - Դուք պէտք է հաշւի նստէք տան անդամների, ի մասնաւորի՝ կովերի ունեցած կարծիքների հետ, որպէսզի պարզ դառնայ, որ կարելի է կթել նրանց թէ՝ ոչ:
ՍՈՑԻԱԼԻԶՄ - Դուք կթում էք ձեր կովերին, իսկ գոյացած կաթը կիսում նրանց հետ:
ՄՈՐԱԼԻԶՄ - Դուք բոլորդ նոյնն էք, եւ չի թոյլատրւում սեփականութիւն համարւող անուններով վիրաւորելու միմեանց:
ՏՈՏԱԼԻՏԱՐԻԶՄ - Դուք այլեւս կով չունէ՛ք:
ԻՄԻԳՐԱՑԻԱ - Դուք երկու կով ունէք: Չպէտք է մտահոգւել նրանց քանակական աճի կարողականութեամբ: Կթելուց յետոյ՝ ցանկացած պահի կարող էք մթերել նրանց:
ՄԱՐԴՈՒ ԻՐԱՒՈՒՆՔՆԵՐ - Դուք երկու կով ունէք, երանի ձեզ...
ԵՒՐՈՄԻՈՒԹԻՒՆ - Դուք երկու կով ունէք, բայց ով է նրանց կովի տեղ դնում ո՛ր:
ԵՒՐԱՍԻԱ - Դուք երկու կով ունէք, երազելն էլ լաւ բան է:
ՖԱՇԻԶՄ - Դուք երկու կով ունէք, մէկի կաթը կթում էք՝ տալիս էք միւսին:
ԱՊԱՐՏԱՅԴ - Դուք երկու կով ունէք, տալիս էք սեւին սատկացնում էք:
ՀԻՆԴՈՒԻԶՄ - Դուք երկու կով ունէք, ի՜նչ բարի մարդ էք:
«ԱԼ ՂԱՅԻԴԱ» - Դուք երկու կով ունէք, մենք պատրաստ ենք ցանկացած պահի դրանց վիզը կտրել:
ԱՐԱԲԱԿԱՆ ԳԱՐՈՒՆ - Դուք երկու կով ունէք, գուցէ հնարաւոր լինի ինչ որ բան անել...
ՄԻՐՕՐ - Մենք ենք մեր ...
ԺՈՒՌՆԱԼԻԶՄ - Դուք երկու կով ունէք, նրանց պէս էլ փորձում էք փողոցը հատել...
Ցուցակի նկուղային շարքը կարելի կը լինի շարունակել սիւնակիս յատակից այն կողմ՝ ձեր թեւ առած երեւակայութեան սահմաններում:

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։