Հա

Հասարակական

16/12/2012 - 11:24

altՀԱՏԻՍ

Ամէն ինչի մեկնարկը որոշիչ է: Խօսքի, գործի, նոյնիսկ բոլոր մնայուն ընկերութիւնները սկիզբ են դրւում լաւ մեկնարկի վրայ:

Մեկնարկ, որի ուշացման պատճառով՝ կարող է նոյնիսկ ողջ յօդւածը ուշանալ եւ, բնականաբար տապալւել: Երեւի հէնց այս պատճառով է, որ սիւնակիս այս շաբաթւայ անդրադարձը եղաւ մէկ այլ մեկնարկի, ընդորում լաւ, «10 օր Իրանի լուսանկարիչների հետ» անւան տակ ցուցահանդէսների եւ թեմատիկ դասախօսութիւնների մասին: Փառատօնի պէս կազմակերպւած այս միջոցառումը մեկնարկել է երեքշաբթի, դեկտեմբերի 11-ին «Խանէյէ հոնարմանդան»-ում (Արւեստագէտների տանը):
Սա գուցէ հետաքրքրի «Մի լուսանկարի պատմութիւն» էջին հետեւող ընթերցողներին եւս:
Լուսանկարչութեան թեման բաց պահելով՝ շարունակենք, որ մեկնարկել է նաեւ ֆոտոլրագրութեան ամենահեղինակաւոր մրցոյթներից մէկը՝ «World press photo» մրցոյթը: Յայտագրւելու համար կամ առհասարակ յաւելեալ տեղեկութեան համար կարող էք այցելել նոյն հիմնարկութեան կայքէջ:
Մեկնարկել են նաեւ երկու այլ հեղինակաւոր մրցոյթներ՝ «Nikon»-ի եւ «Sony»-ի ամենամեայ «Ֆոտօ կոնտեստ»-ները: Յաւելեալ տեղեկութիւնների համար գրել մեզ՝ «Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։» հասցէով:
Յուսանք, որ նման տեղեկութիւնների փոխանակմամբ նոր էջ բացւի իրանահայ լուսանկարիչներին առաւել նպատակաուղղւած եւ ակտիւ տեսնելու գծով:
Իսկ մէկ այլ ուրախալի երեւոյթի մասին. շտապենք տեղեկացնել, որ շատ շուտով «Շիդ» անւանումը կրող ֆոտոմրցոյթին մասնակցելու յայտագրման մեկնարկն է տրւելու, որի մրցավարական կազմի անդամ է նշանակւել նաեւ Ալֆրէդ Եաղուբզադէն:
Այնպէս որ՝ հետեւէք մեր տեղեկատւութեանը:
Իսկ այս օրերի ամենահետաքրքիր ժամանցային  զբաղմունքի՝ «Աշխարհի վերջի» մասին «Աշխարհի վերջից» յետոյ կը խօսենք...
Յուսանք, որ ֆանտազիան հերիքի եւ այս բոլորը  դարձնենք ուրախ յիշողութիւն եւ ժամանց...

 

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։