Հա

Հասարակական

Կիրակի, 09 Դեկտեմբերի 2012 11:12

ՌԱԴԻՕ ԲԱՌ - * * *

altՀԱՏԻՍ

Գլորւող տարին եթէ ոչ էութեամբ, գոնէ անւանապէս գրքի ու գրականութեան տարի էր: Այսպէս կոչւած «ընթերցող խաւ» երեւոյթի օրէցօր նւազող շարքերը չհաշւառած՝ գոնէ հնարաւոր կը լինի լաւատեսօրէն մեկնաբանել թափւած ջանքերը տարին Հայ գրքի տարի կամ նոյնիսկ Երեւանը գրքի համաշխարհային մայրաքաղաք հռչակելու փաստը:

Իհարկէ որ իրատեսական հողի վրայ այս ցուցակը կարելի է համալրել նաեւ Ազատ Մաթեանի, Ալֆրէդ Հաւանի, Ալմինի,... նոր հրատարակած գրքերի առիթներով կատարւած շնորհանդէսները, նոյնիսկ արդէն այս էլ քանի տարի Հայաստանի գրողների միութեան կողմից խոստացւած, բայց եւ այնպէս՝ անկատար մնացած ու չհրատարակւած Տիգրան Պօղոսեանի հատորը եւ գուցէ էլի գրքեր ու հեղինակներ, որոնք վրիպել են գրչի աչքից:
Չի կարելի պատահական համարել նաեւ Իրանահայ գրողների միութեան 50-ամեակի նշման  փաստը, որի մասին եթէ անկեղծ լինենք, պէտք է ասել, որ այսօր եթէ այն դեռ շարունակում է գոյատեւել շարունակում է միայն անցեալից քերթւած հետքերին թիկնելով... Խօսքը անտեղի կերկարի, եթէ այն լարած մնայ միայն բողոքելու ալիքի վրայ:
Այս փաստի կողքին էլ, արդէն պէտք է յիշել «Վերնատուն» անւան տակ կազմակերպւած ու գնալով աւանդոյթ դարձող գրական հաւաքները:
Չերկարեմ՝ միանգամից նշելով, որ կը ցանկանայի համոզիչ պատճառներ տեսնել զուգահեռներ ստեղծելու գաղափարի իրականացման գծով: Ինչեւէ, այստեղ 50-ամեայ փորձառութիւնից գոյացած հեղինակութիւնը պէտք է իր գրագէտ ասելիքն ունենայ...
Միաժամանակ, չմոռանանք, որ մարդիկ ազատ են որոշելու սեփական անելիքն ու ցուցաբերած մասնակցութեան տեսակը՝ անկախ այսպէս ասած ծագող զուգահեռների փաստից: Այստեղ մի այնպիսի կառոյցից, ինչպիսին ԻԳՄ-ն է, առնւազն իր 50-ամեայ անցեալի համաձայն՝ սպասելիքը կայ, որ դրսեւորի ունակութիւն, եթէ ոչ ստւերելու, գոնէ կազմակերպողի դերում յայտնւելու իւրաքանչիւր գրական իրադարձութեան ուղղութեամբ: Թեմայի շուրջ աւելին բացւելը կարող է այլ բան նշանակել: Աւելացնենք, որ պէտք է մտածել սայլի մասին, այլապէս՝ կողմերից իւրաքանչիւրը կախւած մնալով սայլի մի անիւից՝ իր շուրջ հաւաքւածին եւս ինքնապտոյտի կը մատնի...
Թեման ծաւալւելու դինամիկ ունակութիւն ունի...

 

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։

Joomla-ի վրիպազերծման կառավարակետ

Աշխատաշրջան

Հարցումների հսկման արդյունքները

Հիշողության օգտագործում

ՏԲ-ի հարցումներ