Հա

Մարզական

Երեքշաբթի, 03 Յուլիսի 2012 11:59

Իրանի ժայռամագլցման առաջնութիւնը եւ հայ բալիկների փայլուն յաջողութիւնները

Սրանից ընդամէնը մի քանի ամիս առաջ էր, երբ «Սիփան» միութեան ժայռամագլցման խմբի արձանագրած յաջողութիւնների գծով հանդիպեցինք խմբի պատասխանատու Ռուբիկ Յովհաննիսեանին: Ասուլիսի ընթացքում նա նշեց. «Սա դեռ սկիզբն է»:
Իսկ ուրբաթ, յունիսի 29-ին, երբ Իրանի ժայռամագլցման պատանեկան օղակի մրցաշարում այդ յաջողութիւնը համալրւեց Էլենի Խուդաբախշեանի ոսկէ մեդալով, պարզ դարձաւ, որ այսուհետեւ կարելի է սպասել եւս այլ առիթներով ուրախ լուրերի:

alt

Մրցոյթը մեկնարկեց 7-ից 11 եւ 11-ից 13 տարեկանների տարիքային խմբերում:
altՔաշան, Ղազւին, Թեհրան եւ յարակից շրջանների քաղաքներից մասնակցող խմբերի կողքին՝ իրենց ուժերը փորձեցին «Սիփան»-ի եւ «Րաֆֆի»-ի պատանիները:
Աղջկանց 7-ից 11 տարեկանների օղակում «Սիփան»-ից Էլենի Խուդաբախշեանը իր փայլուն ելոյթով արժանացաւ ոսկէ մեդալի: Նոյն օղակում «Րաֆֆի»-ից Մանիֆա Իսմայիլեանը եւս յաջող ելքով աւարտին հասցրեց մրցոյթը եւ արժանացաւ բրոնզէ մեդալի:
Իսկ տղայոց 7-ից 11 տարիքային խմբում «Սիփան»-ից Թեդի Նազարեանը եւ Շանթ Իսաղուլեանը, մարզիչ Մասուդ Զէյնալիի գլխաւորութեամբ, թէժ պայքարի դուրս գալով՝ եւս յաջող ելքով աւարտեցին իրենց ելոյթները եւ յայտնւելով լաւագոյն հնգեակում՝ զբաղեցրին 4-րդ եւ 5-րդ տեղերը:
altՀարկ է նշել, որ տւեալ մարզաձեւով «Սիփան»-ի խումբն արդէն կանոնաւոր փորձեր է ձեռնարկել շուրջ 10 ամիս առաջ, իսկ «Րաֆֆի»-ն բոլորովին վերջերս է սկսել իր աշխատանքները՝ այս ոլորտում: Եւ հաշւի առնելով հայկական միութիւնների գրանցած յաջողութիւնները՝ փաստացի կերպով կարելի է մտածել տւեալ մարզաձեւում առաջադիմութիւնների եւ յաջողութիւնների շարունակականութեան գծով միութիւնների միջեւ մրցոյթներ նախաձեռնելու եւ այն աւանդ դարձնելու մասին:
Այստեղ ծագած մեծ հարցը «Արարատ»-ի խմբի բացակայութիւնն էր՝ տւեալ ոլորտում՝ որպէս հայկական միութիւնների ամենացենզաւորն ու փորձառուն: Համագործակցութեան ոլորտ, որը կարող է նաեւ ճանապարհ բացել դէպի Իրանի հաւաքական...

Կադրից դուրս

altՈչ թէ լրագրողի, այլ հէնց ծնողի հայեացքից կուզենայի չանտեսւէին երկու կարեւոր խնդիրներ. առաջինը այն, որ մարզիչը պէտք է չնչին պատասխանատւութեան զգացում ունենալով՝ այդքան կարեւոր մրցաշարում ներկայ գտնւի իր սաների կողքին, քանի որ նա ծանօթ լինելով իր մարզիկի ունակութեանը՝ կարող է ճիշտ ուղղութիւններ տալով՝ նրան հեռու պահել վտանգաւոր իրավիճակներից: Մի բան, որ, ցաւօք, ականատեսը եղանք «Րաֆֆի»-ի պատանիներից մէկի դէպքում, երբ նրա վտանգաւոր թռիչքը վերածւեց ծանր հարւածի, ինչը, բարեբախտաբար, անփորձանք ելք ունեցաւ:
Երկրորդ՝ որոշ հայ ծնողների պահւածքի համար մէկ-մէկ պատասխան ենք տալիս «հայի» արժանապատւութեան հաշւին:
Հաւաքւած երեխաների միջավայրում այսպէս ասած «ծխախոտի չարաշահումը» գրեթէ բոլորի կողմից չմարսւող ուշադրութեան կենտրոնում էր յայտնւել, էլ չասենք՝ ուրախութիւնից դրդւած իւրայատուկ «բառապաշարով» ընդգծւելը...

 

Ամենաշատ ընթերցւած

Քւէարկութիւն

Ինչպէ՞ս էք վերաբերւում Երուսաղէմը որպէս Իսրայէլի մայրաքաղաք ճանաչելու Թրամփի որոշմանը:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։