Հա

Մարզական

Չորեքշաբթի, 11 Յունւարի 2017 14:20

Շումախերի բուժման նպատակով 3 տարում ծախսւել է 16 միլիոն եւրօ

Ֆորմուլա-1-ի եօթակի չեմպիոն Միխայէլ Շումախերի բուժման նպատակներով նրա ընտանիքը երեք տարում ծախսել է 16 միլիոն եւրօ:

«sport.news.am» - Ֆորմուլա-1-ի եօթակի չեմպիոն Միխայէլ Շումախերի բուժման նպատակներով նրա ընտանիքը երեք տարում ծախսել է 16 միլիոն եւրօ: 

2013 թ. դեկտեմբերին ֆրանսիական Ալպերում ուղեղի ծանր վնասւածք ստանալուց եւ կոմայում յայտնւելուց յետոյ տնային պայմաններում վերականգնումը շարունակող Միխայէլ Շումախերի բուժման շաբաթական ծախսը 191 հազար եւրօ է: 

2014 թ. սեպտեմբերին Շումախերը հիւանդանոցից տեղափոխւել է Շւէյցարիայում գտնւող իր առանձնատուն, որտեղ կահաւորւել է փոքր կլինիկայ 15 մասնագէտների ներգրաւմամբ։ 

Այս ընթացքում Շումախերի ընտանիքը վաճառել է անձնական ինքնաթիռը, Նորւեգիայում գտնւող առանձնատունը։ Շումախերի առողջական վիճակը գաղտնի է պահւում։ Սպասւում է, որ առաջիկայում նրա բուժման տարեկան ծախսերը կըկազմեն մօտ 10 միլիոն եւրօ: Ապաքինման վերաբերեալ կանխատեսումները լաւատեսական չեն: Ֆորմուլա 1-ի եօթակի չեմպիոնի անձնական կարողութիւնը մօտ 700 միլիոն եւրօ է:

Յարակից Հրապարակումներ

Ամենաշատ ընթերցւած

Քւէարկութիւն

Արժանի՞ էր արդեօք Ռոնալդուն տարւայ լաւագոյն ֆուտբոլիստի կոչմանը:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։