Հա

Մարզական

Կիրակի, 05 Մարտի 2017 09:10

Առանց Մխիթարեանի «Մանչեսթեր Իւնայթեդ»-ը չկարողացաւ յաղթել

Անգլիայի առաջնութեան 27-րդ տուրում «Մանչեսթեր Իւնայթեդ»-ը սեփական յարկի տակ չկարողացավ յաղթել «Բորնմուտ»-ին: Հայաստանի ֆուտբոլի ազգային հաւաքականի եւ մանկունեանցիների կիսապաշտպան Հենրիխ Մխիթարեանը վնասւածքի պատճառով յայտաւորւած չէր այս հանդիպմանը:

«alikonline.ir» - Անգլիայի առաջնութեան 27-րդ տուրում «Մանչեսթեր Իւնայթեդ»-ը սեփական յարկի տակ չկարողացավ յաղթել «Բորնմուտ»-ին: Հայաստանի ֆուտբոլի ազգային հաւաքականի եւ մանկունեանցիների կիսապաշտպան Հենրիխ Մխիթարեանը վնասւածքի պատճառով յայտաւորւած չէր այս հանդիպմանը: Տեղեկացնում է «panorama.am»-ը:

Հաշիւը 23-րդ րոպէին բացեցին դաշտի տէրերը: Աչքի ընկավ Մարկոս Ռոխօն, սակայն հիւրերի պաշտպան Ջոշուա Կինգը 40-րդ րոպէին 11 մետրանոց հարւածով կարողացաւ վերականգնել հաշւի հաւասարակշռութիւնը: Առաջին խաղակէսի վերջին րոպէին հիւրերը մնացին 10 հոգով: 2-րդ դեղին քարտն ստացաւ եւ խաղադաշտից հեռացւեց Էնդրիւ Սուրմանը:

72-րդ րոպեէին մանկունեանցիները կարող էին առաջ անցնել հաշւի մէջ, սակայն շւեդ յարձակւող Զլատան Իբրահիմովիչը չկարողացաւ իրացնել 11 մետրանոց հարւածը: Ի դէպ` վերջին անգամ Իբրան ազգային առաջնութիւններում 11 մետրանոցից վրիպել էր 2015 թւականի սեպտեմբերին:

Այսպիսով` խաղն աւարտւեց ոչ-ոքի` 1:1 հաշւով, եւ «Մանչեսթեր Իւնայթեդ»-ը 27 խաղերից յետոյ վաստակած 49 միաւորով շարունակում է ընթանալ մրցաշարային աղիւսակի 6-րդ հորիզոնականում:

Յարակից Հրապարակումներ

Ամենաշատ ընթերցւած

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։