Հա

Մարզական

Կիրակի, 07 Մայիսի 2017 09:50

Հայազգի արշաւորդուհի Թելմա Ալթունը Հայաստանից Արցախ կանցնի երեք օրում

Հայազգի արշաւորդուհու նախաձեռնութեան հիմնական առաքելութիւնը դրամահաւաքի կազմակերպումն է «Համահայկական արշաւային երթուղի» նախագծի համար, որի գլխաւոր նպատակն է Հայաստանում զարգացնել արկածային, արշաւային տուրիզմի ենթակառուցւածքները:

«alikonline.ir» - Հայազգի լեռնագնաց, արշաւորդուհի Թելմա Ալթունը պատրաստւում է Հայաստանից ոտքով շուրջ 280 կիլոմետր կտրել դէպի Արցախ։ «Ասպարէզ» պարբերականի հաղորդմամբ, երկու երեխաների մայր, 42-ամեայ Թելմա Ղազարեան Ալթունը նախկինում բազմիցս է մասնակցել արշաւների` հայկական եռագոյնը ձեռքին, մինչդեռ առաջին անգամ է ճանապարհ կտրելու հայրենիքում։ 

Թելմայի արշաւը մեկնարկելու է յունիսին Վարդենիս քաղաքից, որտեղից նա Ճանապարհ կոչւող արշաւային երթուղով անցնելու է Արցախի Հանրապետութեան Հադրութ քաղաք։ Նշւում է, թէ արշաւի ընթացքում նախատեսւած են կանգառներ մի քանի քաղաքներում ու գիւղերում, որտեղ նա մտադիր է շփւել տեղաբնակների հետ, իսկ ողջ երթուղին Ալթունը մտադիր է աւարտել երեք օրում։

Հայազգի արշաւորդուհու նախաձեռնութեան հիմնական առաքելութիւնը դրամահաւաքի կազմակերպումն է «Համահայկական արշաւային երթուղի» նախագծի համար, որի գլխաւոր նպատակն է Հայաստանում զարգացնել արկածային, արշաւային տուրիզմի ենթակառուցւածքները, գծանշել, քարտէզագրել Հայաստանի բոլոր արշաւային երթուղիներն ու ստեղծել դրանք պատկերող օնլայն քարտէզ:

«Ժամանակն է, որպէսզի պարտքս տամ հայրենիքիս»,- թերթի հետ զրոյցում ասել է Թելման ու աւելացրել. «Բազմաթիւ երթուղիներ եմ անցել ամբողջ աշխարհով, բացի հայրենիքիցս։ Ժամանակն է վերջապէս քրտինք ու արցունք թափել նաեւ հայրենի հողի համար»։

Յարակից Հրապարակումներ

Ամենաշատ ընթերցւած

Քւէարկութիւն

Ո՞ր թիմը կը յաղթի Կոնֆեդերացիաների գաւաթի մրցաշարում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։