Հա

Մարզական

Շաբաթ, 11 Նոյեմբերի 2017 08:20

Իտալիան՝ Աշխարհի առաջնութիւնը կորցնելու վտանգի առջեւ

Նոյեմբերի 9-ի եւ 10-ի օրերը ֆուտբոլային էին ողջ աշխարհում: Ուշադրութեան կենտրոնում 2018 թւականի Աշխարհի առաջնութեան անցումային փուլի հանդիպումներն էին:

«alikonline.ir» - Նոյեմբերի 9-ի եւ 10-ի օրերը ֆուտբոլային էին ողջ աշխարհում: Ուշադրութեան կենտրոնում 2018 թւականի Աշխարհի առաջնութեան անցումային փուլի հանդիպումներն էին:

Եւրոպական գօտում կենտրոնական դիմակայութիւնն անշուշտ Ստոկհոլմում կայացած Շւեդիա-Իտալիա հանդիպումն էր, որի ընթացքում տան տէրերը 1:0 հաշւով տարան կարեւոր յաղթանակ՝ Իտալիային կանգնեցնելով Աշխարհի առաջնութեան ուղեգրից զրկւելու վտանգի առջեւ: Հանդիպման միակ գնդակը 61-րդ րոպէին խփեց Եակոբ Իւհանսոնը:

Եւորպական գօտու միւս խաղերում գրանցւեցին հետեւեալ արդիւնքները.

Հիւսիսային Իռլանդիա - Շւէյցարիա՝ 0:1

Խորւաթիա - Յունաստան՝ 4:1

Այսօր կը կայանայ Դանիա-Իռլանդիա հանդիպումը:

Կենտրոնական Ամերիկա-Ասիա գօտու անցումային փուլի առաջին հանդիպումը խաղաղ ելք ունեցաւ: Հոնդուրասն ու Աւստրալիան խաղացին ոչ ոքի՝ 0:0:

Այս պահին (նոյ. 11-ժամը՝ 8:10) ընթացքի մէջ է Հարաւային Ամերիկա-Ովկիաններ գօտու անցումային փուլի առաջին հանդիպումը. Պերուն հիւրընկալել է Նոր Զելանդիային: Մինչ 70-րդ րոպէն հանդիպման հաշիւը դեռ չի բացւել:

2018 թւականի Աշխարհի առաջնութեան անցումային փուլի հանդիպումներից բացի, անցեալ 2 օրերի ընթացքում տեղի ունեցան նաեւ մի շարք ընկերական հանդիպումներ, որոնցից կենտրոնականը Լոնդոնում կայացած Անգլիա-Գերմանիա հանդիպումն էր, որն էլ աւարտւեց ոչ ոքի՝ 0:0 հաշւով:

Ընկերական հանդիպումների շարքում Իրանը 2:1 հաշւով պարտութեան մատնեց Պանամայի ընտրանուն: Գոլերիի հեղինակ դարձան Աշքան Դեժագէն եւ Սաման Ղոդուսը:

Հայաստանի հաւաքականն էլ Երեւանում խոշոր՝ 4:1 հաշւով պարտութեան մատնեց Բելառուսիայի ընտրանուն:

Յարակից Հրապարակումներ

Ամենաշատ ընթերցւած

Քւէարկութիւն

Արժանի՞ էր արդեօք Ռոնալդուն տարւայ լաւագոյն ֆուտբոլիստի կոչմանը:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։