Հա

Մարզական

25/01/2018 - 08:00

Ազգերի լիգա. Հայաստանը ուժերը կը չափի Մակեդոնիայի, Լիխտենշտէյնի եւ Ջիբրալթարի հետ

Շւէյցարիայի Լօզան քաղաքում յունւարի 24-ին տեղի ունեցաւ ՈՒԵՖԱ-ի Ազգերի լիգայի խմբային փուլի վիճակահանութիւնը:

«alikonline.ir» - Շւէյցարիայի Լօզան քաղաքում յունւարի 24-ին տեղի ունեցաւ ՈՒԵՖԱ-ի Ազգերի լիգայի խմբային փուլի վիճակահանութիւնը: Տեղեկացնում է «news.am»-ը:

ՈՒԵՖԱ-ի ամենացածր վարկանիշով թիմերի հետ վերջին՝ D դիւիզիոնում ընդգրւած ֆուտբոլի Հայաստանի ազգային հաւաքականը յայտնւեց չորրորդ խմբում, որտեղ կը մրցի Մակեդոնիայի, Լիխտենշտէյնի եւ Ջիբրալթարի թիմերի հետ:

Ազգերի լիգայում հանդէս են գալու 55 եւրոպական հաւաքականներ, որոնք բաժանւել են 4 դիւիզիոնների (A, B, C, D): Խմբերը կազմւել են 3 ու 4 թիմերով: Խմբային փուլի հանդիպումները (տնային ու արտագնայ) կը կայանան 2018 թւականի սեպտեմբեր - նոյեմբեր ամիսներին, իսկ յաղթողը յայտնի կը դառնայ 2019-ի յունիսին:

А դիւիզիոն

Խումբ 1. Գերմանիա, Ֆրանսիա, Հոլանդիա:

Խումբ 2. Բելգիա, Շւէյցարիա, Իսլանդիա:

Խումբ 3. Պորտուգալիա, Իտալիա, Լեհաստան:

Խումբ 4. Իսպանիա, Անգլիա, Խորւաթիա:

B դիւիզիոն

Խումբ 1. Սլովակիա, Ուկրայինա, Չեխիա:

Խումբ 2. Ռուսաստան, Շւեդիա, Թուրքիա:

Խումբ 3. Աւստրիա, Բոսնիա-Հերցեգովինա, Հիւսիսային Իռլանդիա:

Խումբ 4. Վելս, Իռլանդիա, Դանիա:

С դիւիզիոն

Խումբ 1. Շոտլանդիա, Ալբանիա, Իսրայէլ:

Խումբ 2. Հունգարիա, Յունաստան, Ֆինլանդիա, Էստոնիա:

Խումբ 3. Սլովենիա, Նորւեգիա, Բուլղարիա, Կիպրոս:

Խումբ 4. Ռումինիա, Սերբիա, Չեռնոգորիա, Լիտւա:

D դիւիզիոն

Խումբ 1. Վրաստան, Լատւիա, Ղազախստան, Անդորրա:

Խումբ 2. Բելառուսիա, Լիւքսեմբուրգ, Մոլդովա, Սան Մարինօ:

Խումբ 3. Ադրբեջան, Ֆարերեան կղզիներ, Մալթա, Կոսովօ:

Խումբ 4. Մակեդոնիա, Հայաստան, Լիխտենշտէյն, Ջիբրալթար:

ՈւԵՖԱ-ի Գործկոմի որոշմամբ՝ վիճակահանութեան ժամանակ Հայաստանի ու Ադրբեջանի եւ Ուկրայինայի ու Ռուսաստանի հաւաքականները չէին կարող յայտնւել նոյն ենթախմբերում։

Յիշեցնենք, որ Ազգերի լիգայում վիճարկւելու են Եւրօ-2020-ի եզրափակիչ փուլի 4 ուղեգրեր: Այդ ուղեգրերի համար անցումային խաղերում կը պայքարեն Ազգերի լիգայի 16 խմբերի յաղթողները: Անցումային խաղերն անցկացւելու են դիւիզիոնների ներսում: Դա նշանակում է, որ Եւրօ-2020-ի ուղեգիր է նւաճելու իւրաքանչիւր դիւիզիոնից մէկական հաւաքական: Եթէ անցումային խաղերի իրաւունք ստացած հաւաքականն արդթն ապահովել է Եւրօ-2020-ի ուղեգիր, ապա նրան կը փոխարինի այդ դիւիզիոնի յաջորդ ամենաբարձր վարկանիշով թիմը: Եթէ դիւիզիոնում չհաւաքւեն անցումային խաղերի համար 4 թիմեր, ապա մասնակցիների ընտրութիւնը կը կատարւի ըստ վարկանիշների:

Այս փուլում A դիւիզիոնի խմբերի յաղթողները 2019-ի յունիսին կը մասնակցեն «Չորս լաւագոյնների եզրափակիչին»: А, В եւ С դիւիզիոնների վատագոյն թիմերը ցած կիջնեն, իսկ նրանց կը փոխարինեն В, С ու D դիւիզիոնների խմբերի յաղթողները:

Ազգերի լիգայի պատճառով Եւրօ-2020-ի ընտրական փուլը կը մեկնարկի 2019 թւականի մարտին:

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։