Հա

Մարզական

10/03/2018

Սերժ Սարգսեան. «Յաւակնորդի կոչման համար պայքարում են լաւագոյններից լաւագոյնները»

Գերմանիայի մայրաքաղաք Բեռլինում տեղի ունեցած շախմատի աշխարհի չեմպիոնի յաւակնորդների մրցաշարի բացման արարողութիւնում ելոյթ է ունեցել Հայաստանի նախագահ, Հայաստանի շախմատի ֆեդերացիայի ղեկավար Սերժ Սարգսեանը:

«alikonline.ir» - Գերմանիայի մայրաքաղաք Բեռլինում տեղի ունեցած շախմատի աշխարհի չեմպիոնի յաւակնորդների մրցաշարի բացման արարողութիւնում ելոյթ է ունեցել Հայաստանի նախագահ, Հայաստանի շախմատի ֆեդերացիայի ղեկավար Սերժ Սարգսեանը:

«Այսօր մեծ իրադարձութիւն է համաշխարհային շախմատի համար, մեկնարկում է յաւակնորդների մրցաշարը, որին անհամբեր սպասում են միլիոնաւոր երկրպագուներ: Սա մի առանձնայատուկ հանգրւան է այստեղ գտնւող շախմատային հսկաների համար, ովքեր ժամեր անց ձեռնամուխ կը լինեն տիտանական մրցաշարի, աշխարհի չեմպիոն Մագնուս Կարլսէնի հետ մրցամարտի իրաւունք վաստակելու համար:

Հպարտ եմ, նաեւ երախտապարտ եմ մրցաշարի կազմակերպիչներին, որ այս մրցաշարի առաջին խորհրդանշական քայլի հնարաւորութիւնը տրւած է ինձ, որպէս լաւագոյն գնահատական այն ներդրման, որն ունեցել է մեր երկիրը շախմատի զարգացման եւ հանրայնացման գործում:

Չնայած Հայաստանն իր չափերով եւ բնակչութեամբ աշխարհի մեծ երկրներից չէ, բայց շատերն այն համարում են շախմատային գերտերութիւն, քանզի փոքրիկ Հայաստանի ազգային հաւաքականը, որի կազմում է նաեւ ներկայիս յաւակնորդ Լեւոն Արոնեանը, վերջին մի քանի տարիների ընթացքում երեք անգամ նւաճել է օլիմպիական եւ մէկ անգամ՝ աշխարհի չեմպիոնի կոչումը:

Շախմատն այն եզակի խաղն է, որն անցել է ժամանակի փորձութիւնը: Այն շատ նման է կեանքին, որտեղ վերջնական արդիւնքը մեծապէս կախւած է կատարւած քայլերից, իսկ խաղի աւարտից յետոյ բոլոր խաղաքարերը տեղադրւում են նոյն տուփի մէջ:

Թերեւս դա է պատճառը, որ դարեր շարունակ մարդկութիւնը սիրում եւ խաղում է շախմատ, յայտնաբերում է դրա նորանոր թաքնւած կողմերը, փորձում բացայայտել այս իմաստուն խաղի անվերջ գաղտնիքներն ու խորութիւնը:

Շախմատը խաղ է, բայց նաեւ արւեստ եւ գիտութիւն: Այն մարդուն սովորեցնում է մտքի ճշգրիտ հաշւարկի, ստեղծագործելու, ազնիւ պայքարի մշակոյթը:Այն պարտադրում է խորապէս յարգել խաղընկերոջը:

Գիտակցելով շախմատի դրական ազդեցութիւնը երեխաների տրամաբանութեան, ճկունութեան, ստեղծագործական մտքի զարգացման վրայ, Հայաստանը դարձաւ աշխարհում առաջին երկիրը, որ շախմատն ընդգրկեց հանրակրթական ծրագրում:

Ուրախությամբ կարող եմ փաստել, որ մեր հասարակությունը դա մեծ ոգեւորութտամբ ընդունեց եւ արդէն զգացւում են դրական արդիւնքները: Իհարկէ, ուրախ ենք, որ «Շախմատը դպրոցներում» ծրագիրը տարածում է գտնում նաեւ այլ երկրներում:

Այս տարի Հայաստանում բացւեց աշխարհում առաջին շախմատային գիտահետազօտական ինստիտուտը: Յուսով ենք, որ ինստիտուտում շախմատի հիմնախնդիրների շուրջ տարւող աշխատանքներն ու ուսումնասիրութիւնները ի յայտ կը բերեն շախմատի դեռեւս չբացայայտւած կողմերը:

Յարգելի բարեկամներ, Շախմատի միջազգային ֆեդերացիան, որն այսօր միաւորում է 189 երկիր, լինելով կարեւորագոյն շախմատային մարմին, կրում է մեծ պատասխանատւութիւն շախմատի զարգացման եւ տարածման գործում:

Ցանկանում եմ շնորհակալութիւն յայտնել ՖԻԴԷ-ին Հայաստանի շախմատի ֆեդերացիայի հետ շարունակական եւ արդիւնաւէտ համագործակցութեան համար եւ մաղթել նորանոր յաջողութիւններ:

Շնորհակալութիւն եմ յայտնում նաեւ Բեռլինի քաղաքապետարանին եւ կազմակերպիչներին այս շախմատային տոնը պարգեւելու համար: Մրցաշարի բարձր մակարդակով անցկացումը մեծ ներդրում եւ խթան կը լինի շախմատի զարգացման գործում ամբողջ աշխարհում:

Յարգելի շախմատիստներ, այս մրցաշարն իր բնոյթով իւրօրինակ է: Յաւակնորդի կոչման համար պայքարում են լաւագոյններից լաւագոյնները: Այստեղ առաջին եւ երկրորդ տեղերի տարբերութիւը յսկայական է, քանի որ յաղթողը կը շարունակի պայքարը շախմատային թագի համար: Սակայն մրցաշարին մասնակցելն արդէն մեծագոյն պատիւ է ամէն շախմատիստի համար եւ խօսում է շախմատային մեծ վարպետութեան մասին: Շատերի համար երազանք եւ կեանքի նպատակ է այս ութ ընտրեալների շարքում յայտնւելը: Ձեզնից իւրաքանչյուրն այս տեղը վաստակել է երկարատեւ եւ համառ պայքարի արդիւնքում՝ յաղթահարելով դժւարին ընտրական փուլեր: Վստահ եմ, որ այս մրցաշարը լինելու է լարւած, բայց նաեւ հետաքրքիր, եւ մենք ականատես ենք լինելու բազմաթիւ գեղեցիկ եւ բովանդակալից պարտիաների:

Գտնւելով աշխարհահռչակ շախմատիստ, աշխարհի երկրորդ չեմպիոն էմանուէլ Լասկերի հայրենիքում, ցանկանում եմ խօսքս աւարտել նրա խորհրդով: Եթէ տեսնում էք լաւ քայլ, փնտրէք աւելի լաւը:

Բոլոր յաւակնորդներին մաղթում եմ յաջողութիւն, եւ թող յաղթի ուժեղագոյնը: Շնորհակալ եմ»,- ասել է Սերժ Սարգսեանը:

Հայաստանի նախագահը նաեւ առաջին խորհրդանշական քայլով մեկնարկ կը տայ առաջին տուրին, որը մարտի 10-ին է, Երեւանի ժամանակով 18:00-ին:

Առաջին տուրում հայկական շախմատի առաջատար Լեւոն Արոնեանը սպիտակներով կը մրցի չինացի Դին Լիրէնի հետ, որին պարտութեան է մատնել 2017թ. աշխարհի գաւաթի խաղարկութեան եզրափակիչում:

Միւս պարտիաներում կը մրցեն ռուսաստանցիներ Վլադիմիր Կրամնիկն ու Ալեքսանդր Գրիշչուկը, ռուսաստանցի Սերգէյ Կարեակինն ու ադրբեջանցի Շաքրիեար Մամեդեարովը եւ ամերիկացիներ Ֆաբիանօ Կարուանան ու Վեսլի Սոն:

Յարակից լուրեր

  • Շախմատային խաղաքար` ուսապարկի մէջ. ինչ ընդհանուր բան կայ Սերժ Սարգսեանի ու Փաշինեանի միջեւ
    Շախմատային խաղաքար` ուսապարկի մէջ. ինչ ընդհանուր բան կայ Սերժ Սարգսեանի ու Փաշինեանի միջեւ

    Շախմատային այս խաղում ինչպիսի՞ն է իրական արդիւնքը, որտեղ սպիտակ խաղաքարերը տրւել են փողոցային ապստամբին ու նրա աւելի քան երկու հարիւր հազար հետեւորդներին, իսկ սեւերով խաղում է գրոսմայստերը, որի ուժեղ կողմը էնդշպիլն է:

  • ՀՀԿ-ն առանց նախապայմանների պատրաստ է բոլոր կողմերի հետ քննարկել ցանկացած հարց. հանդիպել են
    ՀՀԿ-ն առանց նախապայմանների պատրաստ է բոլոր կողմերի հետ քննարկել ցանկացած հարց. հանդիպել են

    Ապրիլի 25-ին տեղի ունեցաւ Ազգային ժողովի ՀՀԿ խմբակցութեան անդամների հանդիպումը պաշտօնաթող վարչապետ Սերժ Սարգսեանի եւ ՀՀ վարչապետի պաշտօնակատար Կարէն Կարապետեանի հետ: 

  • Ինչը եւ ովքեր ստիպեցին հեռանալ
    Ինչը եւ ովքեր ստիպեցին հեռանալ

    Մեր աղբիւրները ներկայացնում են վերջին օրերի խրոնիկան։ Տեւական ժամանակ յատուկ ծառայութիւնների եւ ոստիկանութեան ղեկավարները «փափուկ բարձ» են դրել Սերժ Սարգսեանի գլխի տակ, թէ՝ խնդիր չկայ, բողոքողների քանակը մեծ չի, «էսա ինքնիրան կը մարի», հանգստացրել են, թէ՝ տիրապետում ենք իրավիճակը եւ այլն։ Յետոյ երբ բանը բանից անցել է, համոզել են Սերժ Սարգսեանին, որ «խնդիրը Նիկոլն է»՝ Նիկոլին մեկուսացնենք, մի օրում կը ճնշենք, կաւարտւի։

  • Սերժ Սարգսեանը հրաժարական է տւել
    Սերժ Սարգսեանը հրաժարական է տւել

    ՀՀ վարչապետ Սերժ Սարգսեանը հրաժարական է տւել։ Հրաժարականը ներկայացւած է պաշտօնական կայքում։

  • Արամ Սարգսեանը զանգել է Սերժ Սարգսեանին, յորդորել
    Արամ Սարգսեանը զանգել է Սերժ Սարգսեանին, յորդորել

    «Ես Վազգէն Սարգսեանի վաստակը չունեմ, որ այդ վաստակով ինչ-որ բան ասեմ, բայց ես Արամ Սարգսեանը լինելով նաեւ Վազգէն Սարգսեանի եղբայրն եմ եւ այո՛ չեմ կարող՝ ո՛չ այս ժողովրդի կողքին չլինել, ո՛չ էլ պետութեան ու պետականութեան»,- «Առաջին լրատւական»-ի հետ զրոյցում ասել է ՀՀ ԱԺ «Ելք» խմբակցութեան պատգամաւոր Արամ Զաւէնի Սարգսեանը։

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։