Հա

Մարզական

06/05/2018 - 12:10

«Մխիթարեանն ունի այն ամէնը, ինչ չունի Օզիլը»․ բրիտանական մամուլի վերլուծութիւնը

Կիսապաշտպաններ Օզիլի ու Մխիթարեանի խաղի վերլուծութեան արդիւնքում հեղինակները հանգել են այն կարծիքին, որ Օզիլը բաականին զիջում է Մխիթարեանին:

«alikonline.ir» - «Ատլետիկօ Մադրիդ»-ի դէմ խաղում «Արսենալ»-ը որոշեց փլեյմէյքերի պարտականութիւնները տալ Մեսութ Օզիլին, ինչը թակարդ դարձաւ թիմի համար։ Այս մասին ըստ «Sputnik» Արմենիայի՝ գրում է «Paininthearsenal.com» պարբերականը։ Յօդւածի հեղինակ Ջոշ Սիփին միանշանակ եզրակացնում է՝ Մխիթարեանը դա աւելի լաւ կանէր։

Սիփին գրում է, որ Մխիթարեանը խաղի ընթացքում արեց հէնց այն, ինչ պէտք է անէր ու ինչ հասցրեց ամբողջ խաղի ընթացքում 14 հպումների ժամանակ։

Յիշեցնենք՝ Հայաստանի հաւաքականի աւագն ու «Զինագործներ»-ի կիսապաշտպանը որպէս փոխարինող դաշտ է դուրս եկել խաղի 68-րդ րոպէին։

«Հէնց Մխիթարեանը դաշտ դուրս եկաւ, նա էներգիա տւեց։ Նա վտանգ ստեղծեց, անմիջական վտանգ, որն Օզիլը չէր ապահովում»,- նշում է հեղինակը։

Թէեւ Սիփին ընդգծում է, որ Մեսութ Օզիլն այդպիսին է, ու բոլորը վաղուց սովոր են դրան։ Հեղինակի գնահատմամբ՝ Մեսութը մակընթացութեան եւ տեղատւութեան խաղացող է․ երբեմն նա կարող է թաքնւել ու լաւ պահի սպասել՝ ամէն ինչ հաշւարկելու ու իր ներդրումն ունենալու համար։

Սակայն Սիփին գրում է, որ «Ատլետիկօ»-ի հետ խաղում այդպիսի պահ չկար։

«Մխիթարեանն այդպիսին չէ, ու մենք դա տեսնում ենք։ Երբեմն նա հապճեպօրէն է խաղում, ու դա իր խնդիրն է, սակայն երբ քեզ պէտք է մի մարդ, որը արագ որոշումներ կը կայացնի, նրանից լաւը չկայ։ Դա Օզիլը չէ»,- նշւած է յօդւածում։

Լոնդոնեան «Արսենալ»-ը երկու խաղերի արդիւնքում զիջեց «Ատլետիկօ Մադրիդ»-ին ու դուրս մնաց Եւրոպայի լիգայից։

Յաւելենք, որ յօդւածը հրապարակած պարբերականի անւանումը՝ «Paininthearsenal»-ը, թարգմանւում է որպէս «Ցաւը Արսենալում»։ Դա ըստ էութեան ակումբի երկրպագուների միաւորում է, որոնք սակայն իրենց հրապարակումներում բաւականին հեգնական տօնով են ներկայացնում սիրելի թիմի խաղն ու երբեմն ծաղրում են նրանց։

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։