Հա

Մարզական

20/11/2018 - 08:30

ՈՒԵՖԱ-ի Ազգերի լիգա. Հայաստանը դուրս մնաց յետագայ պայքարից. Լիխտենշտէյն-Հայաստան՝ 2:2

Հայաստանի ազգային հաւաքականը ոչ-ոքի արդիւնքով աւարտեց իր ելոյթները ՈՒԵՖԱ-ի ազգերի լիգայում՝ դուրս մնալով յետագայ պայքարից:

«alikonline.ir» - Հայաստանի ազգային հաւաքականը ոչ-ոքի արդիւնքով աւարտեց իր ելոյթները ՈՒԵՖԱ-ի ազգերի լիգայում՝ դուրս մնալով յետագայ պայքարից:

Երէկ՝ նոյեմբերի 19-ին կայացան D լիգայի 4-րդ խմբի վերջին տուրի հանդիպումները: Վադուցում Հայաստանի հաւաքականը հիւրընկալւել էր Լիխտենշտէյնի ընտրանուն:

Հանդիպման հաշիւը 9-րդ րոպէին բացեց գերմանական երկրորտ Բունդեսլիգայում հանդէս եկող «Եան Ռեգենսբուրգ»-ի յարձակւող Սարգիս Ադամեանը, որն իր առաջին գոլը խփեց Հայաստանի ազգային հաւաքականի կազմում: Առաջին խաղակէսի աւարտից մէկ րոպէ առաջ Լիխտենշտէյնի հաւաքականին յաջողւեց հաշւում վերականգնել հաւասարութիւնը: Հեռահար հարւածով, գեղեցիկ գոլի հեղինակ դարձաւ իտալական «Էմպոլի»-ի կիսապաշտպան Մարսէլ Բուխէլը:

Երկրորդ խաղակէսի հէնց սկզբում, 47-րդ րոպէին Հայաստանի հաւաքականի պաշտպան Վարազդատ Յարոյեանի մանկական սխալից յետոյ, Լիխետնշտէյնի հաւաքականին յաջողւեց հաշւում առաջ անցնել: Գոլի հեղինակ դարձաւ ամերիկեան «Չիկագօ Ֆայր»-ի կիսապաշտպան Նիկոլաս Հասլէրը: Հայաստանի հաւաքականին միայն խաղաւարտից 5 րոպէ առաջ յաջողւեց խոյս տալ պարտութիւնից: 85-րդ րոպէին գոլի հեղինակ դարձաւ փոխարինման դուրս եկած Ալեքսանդր Կարապետեանը:

2:2՝ եւ Հայաստանի հաւաքականը 10 միաւորով մնաց երկրորդ տեղում: Ջիբրալթարը վաստակեց 6, Լիխտենշտէյնը՝ 4 միաւոր: 4-րդ խմբում առաջին հորիզոնականով յաջորդ փուլ դուրս եկաւ Մակեդոնիայի ընտրանին, որը 4:0 հաշւով պարտութեան մատնեց Ջիբրալթարին: Մակեդոնացիները վաստակեցին 15 միաւոր:

Ի դէպ նշենք, որ Լիխտենշտէյնի դէմ խաղում Հայաստանի հաւաքականի աւագ Հենրիխ Մխիթարեանը 80-րդ հանդիպումն անցկացրեց ազգային թիմում:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։