Հա

Մարզական

12/01/2019 - 14:20

Աւելի քան 600 աշակերտների մասնակցութեամբ՝ բոցավառւեց 43-րդ Համադպրոցական խաղերի ջահը

Հինգշաբթի, յունւարի 10-ին, «Արարատ» մարզաւանի «Սասունցի Դաւիթ» սրահում բացումը կատարւեց 43-րդ Համադպրոցական խաղերի:

«ԱԼԻՔ», Կ. Դ. - Հինգշաբթի, յունւարի 10-ին, «Արարատ» մարզաւանի «Սասունցի Դաւիթ» սրահում բացումը կատարւեց 43-րդ Համադպրոցական խաղերի:

Խաղերի կրակը Իրանի ժայռամագլցման եւ թենիսի ազգային հաւաքականների կազմում հանդէս եկող ջահակիրներ՝ Շանթ Իսաղուլեանի եւ Մինէ Մարտիրոսեանի ձեռամբ մուտք գործեց բացման հանդիսութեան դահլիճ, որտեղ Սրբազան Հօր ձեռամբ օրհնւելուց յետոյ, բոցավառւեց խաղերը խորհրդանշող ջահը:

17 դպրոցներից (12-ը հայկական, իսկ մէկը ոչ-հայկական դպրոցներ յաճախող աշակերտների), ինչպէս նաեւ 4 մանկապարտէզներից մասնակցող 415 տղայ եւ 197 աղջիկ աշակերտների մասնակցութեամբ խաղերը ընթացք են առնելու ֆուտբոլ, բասկետբոլ, թեթեւ ատլետ (տասնամարտ), շախմատ, թենիս, պինգ-պոնգ, ժայռամագլցում, հեծանւավազք մարձազեւերում:

Բացումը զուգորդւած էր գեղարւեստական, մարզական կատարումներով եւ խօսքերով:

Մարզական միութեան վարչութեան խօսքը փոխանցեց փոխնախագահ Հարմիկ Սարգսեանը, իսկ Հ.Մ.Ա.Կ.-ի Կենտրոնական վարչութեան խօսքը՝ փոխնախագահ Ժանետ Թարվերդեանը:

Կատարւեց աշակերտների տողանցքը, որին յաջորդեց երդման արարողութիւնը: Մարզիկների եւ մրցավարների երդումը կատարեցին՝ Դայանա Յակոբեանը եւ Գեղարդ Թահմասեանը:

Օրհնանքի խօսքով ելոյթ ունեցաւ Սրբազան Հայրը, աշակերտութեանը մաղթելով առողջ մրցակցութիւն եւ մտքի պայծառութիւն:

Հանդիսութիւնը շարունակւեց գեղարւեստական ելոյթներով ու ասմունքային, ինչպէս նաեւ աշակերտական «Նարեկ» երգչախմբի կատարումներով:

Յատկանշական է, որ խաղերը շարունակւելու են հինգշաբթի եւ ուրբաթ օրերը: Իսկ 43-րդ շրջանի ջահը մարելու է իրանական գարնանային արձակուրդներից առաջ:

Հանդիսաւոր բացման ծրագիրը եզրափակւեց միասնական քոչարիով, որին մասնակցեցին Հ.Մ.Ա.Կ.-ի, «Ակունք», «Զարթօնք», «Սիփան», «Կակաչ», «Նայիրի» եւ «Նռանի» պարախմբերը:

Բացման հանդիսաւոր արարողութեան մանրամասնութիւնների մասին տես «Ալիք» օրաթերթի վաղւայ համարում:

Յարակից լուրեր

  • Հ. Մ. «Արարատ» կազմակերպութեան 37-րդ Միջմասնաճիւղային խաղերը` Գեարդաբադի մասնաճիւղում
    Հ. Մ. «Արարատ» կազմակերպութեան 37-րդ Միջմասնաճիւղային խաղերը` Գեարդաբադի մասնաճիւղում

    Հ.Մ.Ա.Կ.-ի 37-րդ Միջմասնաճիւղային խաղերի բացման հանդիսութիւնը տեղի ունեցաւ Գեարդաբադի «Արարատ»-ի կենտրոնատեղիում՝ երկուշաբթի, յուլիսի 8-ի ժամը 20:00-ին:

  • Առաջնորդարանի այցելուներ
    Առաջնորդարանի այցելուներ

    Երկուշաբթի, յունիսի 24-ին, թեմիս առաջնորդ գերշ. Տ. Սեպուհ Ս. արք. Սարգսեանն առաջնորդարանի իր գրասենեակում ընդունեց Հ.Մ.Ա.Կ.-ի Կենտրոնական Վարչութեան նախագահ՝ պրն.՝ Հարմիկ Զովէլեանին եւ նոյն վարչութեան փոխնախագահ՝ պրն. Ալեքս Կարապետեանին:

  • Հ. Մ. «Արարատ» Կ.-ի Մարզական միութեան նախաձեռնած 43-րդ Համադպրոցական խաղերի մասին
    Հ. Մ. «Արարատ» Կ.-ի Մարզական միութեան նախաձեռնած 43-րդ Համադպրոցական խաղերի մասին

    Հինգշաբթի, փետրւարի 15-ին «Արարատ»-ի Հանրութեան հետ կապը հանդիպեց 43-րդ Համադպրոցական խաղերի պատասխանատու՝ ընկեր Անետ Միրբէգեանին:

    Տեղի ունեցաւ մտերմիկ զրոյց, որի ամբողջութիւնը ստորեւ կը ներկայացնենք ընթերցողին:

  • Իր աշխատանքներն սկսեց Հ.Մ.Ա.Կ.-ի 28-րդ Պատգամաւորական ժողովը
    Իր աշխատանքներն սկսեց Հ.Մ.Ա.Կ.-ի 28-րդ Պատգամաւորական ժողովը

    Երէկ երեկոյեան փետրւարի 19-ին, «Արարատ» մարզաւանի «Վաչիկ Ղարաբէգեան» սրահում կազմակերպութեան հիմնով կատարւեց Պատգամաւորական ժողովի պաշտօնական բացումը, որի ժամանակաւոր դիւանի ընտրութիւնից յետոյ, գործող Կենտրոնական վարչութեան նախագահ ճրտգ. Գէորգ Վարդանը համապարփակ զեկոյց ներկայացրեց կազմակերպութեան զանազան միութիւնների եւ մասնաճիւղերի ներքին եւ արտաքին մասշտաբով ծաւալած երկամեայ աշխատանքների մասին, ընդգծելով որ բոլոր աշխատանքների նպատակը մէկն է՝ հայեցի, ազգային ոգով դաստիարակել հայ նոր սերնդին, եւ միշտ վեր դասել ազգային շահերը:

  • 43-րդ Համադպրոցական խաղեր
    43-րդ Համադպրոցական խաղեր

    Հ. Մ. «Արարատ» Կ.-ի Մարզական միութեան վարչութեան հաստատումով կեանքի կոչւեց 43-րդ Համադպրոցական խաղերի յանձնախումբը հետեւեալ անձնակազմով:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։