Առաջիկայ վճռորոշ ընտրութիւնների կարեւոր գործօնները

ՎԱՀԷ ՅՈՎՀԱՆՆԻՍԵԱՆ

«Այլընտրանքային նախագծեր խումբ»

 

Ակնյայտօրէն մենք մտնումք են բարդ մի փուլ, տարբեր հնարաւոր սցենարներով, ու շատ կարեւոր է արձանագրել առկայ ելակէտային պայմանները.

1. Բոլորը պատրաստւում են ընտրութիւնների (եւ ճիշտ են անում)

2. Շատերին չի յաջողւելու գտնել մասնակցութեան օպտիմալ ձեւաչափը

3. Է՛լ աւելի շատերին չի յաջողւելու գտնել ճիշտ բովանդակութիւնը

4. Գործող իշխանութիւնն ունի վերարտադրւելու գրեթէ զրոյական հնարաւորութիւն

5. Հակաիշխանական համակարգի կոպիտ սխալները կարող են երկրի համար պատմական պարտութեան պատճառ դառնալ:

Չպարտւելու եւ դրանով Հայաստանը խորը պարտութեան չտանելու համար հակաիշխանական համակարգաստեղծ ուժերը պարտաւոր են.

ա. Չպատրաստւել «նախորդ ընտրութիւններին», չպատրաստւել «նախկին Հայաստանը» կառավարելուն

բ. Բարդ, անխուսափելի հանրային հարցադրումներին գտնել հնարաւորին չափ ազնիւ պատասխաններ

գ. Փակել «նախկին» հասկացութիւնը

դ. Ֆիքսել նախընտրական համակեցութեան կանոններ

ե. Պատրաստ լինել ամենաանհաւանական դաշինքներին եւ պայմանաւորւածութիւններին (բոլորը պէտք է պատրաստ լինեն ինչ-որ բան զիջելու)։

զ. Միշտ յիշել, որ այս իշխանութիւնը շատ բաների է ունակ։

Կայ յայտնի ձեւակերպում. չարիքի յաղթանակի համար երբեմն բաւարար է պարկեշտ մարդկանց անտարբերութիւնը։ Ուրեմն պէտք է ստեղծել հնարաւորութիւն, որպէսզի պարկեշտ մարդիկ համատարած ներգրաււեն այս ընտրութիւններին։ Սա, թերեւս, ամենակարեւոր գործն է։