Սիրիայի հարաւում ռազմական գործողութիւնները դադարեցնելու համաձայնութիւն է ձեռք բերւել

«ԱԼԻՔ» – Սիրիայի զինւած ուժերի եւ երկրի հարաւի զինւած խմբաւորումների միջեւ համաձայնութիւն է ձեռք բերւել ռազմական գործողութիւնները դադարեցնելու վերաբերեալ։ ինչպէս փոխանցում է ռուսական «ՌԻԱ Նովոստի»-ն, այս մասին յայտարարել է Սիրայի ներքին գործերի նախարարութիւնը։

«Համաձայնութիւն է ձեռք բերւել ալ Սուվէյդա նահանգում հրադադարի կէտերի եւ անվտանգութեան ապահովման վերաբերեալ»,- ասւում է յայտարարութեան մէջ։

Համաձայնագիրը նախատեսում է Սիրիայի իշխանութիւնների եւ դրուզ շէյխերի միջեւ համատեղ յանձնաժողովի ստեղծում՝ ալ Սուվէյդաում համաձայնագրի իրականացումը վերահսկելու համար։