Տիգրան Աբրահամեան. «Փաշինեանի կողմից մամուլի նկատմամբ վերաբերմունքը, այն էլ՝ որպէս նախկին լրագրող, պարզապէս նողկալի է»
«ԱԼԻՔ» – ՀՀԿ խորհրդի անդամ, ԱԺ «Պատիւ ունեմ» խմբակցութեան քարտուղար Տիգրան Աբրահամեանի կարծիքով՝ «Առաւօտ» օրաթերթի նկատմամբ իշխանութեան դրսեւորած վարքը, մամուլի նկատմամբ քինախնդրութեան եւ ազատ խօսքի նկատմամբ անարգման դրսեւորում է:
««Առաւօտ» թերթի նկատմամբ իշխանութեան դրսեւորած վարքը, հաւաքական առումով, մամուլի նկատմամբ քինախնդրութեան եւ ազատ խօսքի նկատմամբ անարգման դրսեւորում է:
3 տասնամեակ, բոլոր իշխանութիւններն էլ ԶԼՄ-ների հետ տարբեր որակի եւ բարդութեան յարաբերութիւններ են ունեցել, սակայն գործող կառավարչի վերաբերմունքը, այն էլ` որպէս նախկին լրագրող, պարզապէս նողկալի է:
Տարբեր առիթներով եւ անառիթ մամուլի ազատութիւնից եւ դրա կարեւոր դերից բարձրագոչ յայտարարութիւն անողները Մամուլի շէնքը «մաքրում» են մամուլից, որի հիմքում ազատ խօսքի նկատմամբ ունեցած ատելութիւնն ու ներքին վախերն է»,- ֆէյսբուքեան իր էջում գրել է նա:
