ԻրանՀայաստան - ԱրցախՔաղաքական
Արաղչին ու Միրզոյեանը քննարկել են «Թրամփի երթուղին»
«ԱԼԻՔ» – Հանրապետութեան նախագահի հայաստանեան ուղեւորութեան շրջանակում, երէկ՝ օգոստոսի 19-ին, ԱԳ նախարար Սէյէդ Աբբաս Արաղչին հանդիպել է ՀՀ ԱԳ նախարար Արարատ Միրզոյեանի հետ:
Ինչպէս հաղորդում են ՀՀ ԱԳՆ-ից՝ գործընկերները կարեւորել են երկու երկրների միջեւ ռազմավարական գործընկերութեան զարգացման համատեքստում ձեռքբերւած պայմանաւորւածութիւնները եւ քննարկել այդ ուղղութեամբ իրականացւելիք աշխատանքները:
Ի շարունակութիւն ղեկավարների մակարդակով կայացած քննարկման՝ Հայաստանի եւ Իրանի ԱԳ նախարարներն անդրադարձ են կատարել նաեւ տարածաշրջանային հաղորդակցութիւնների ապաշրջափակման միջոցով ընձեռնւող հնարաւորութիւններին եւ այս հարցում ձեւաւորւած փոխըմբռնմանը:
