Չեխիայի խորհրդարանական ընտրութիւններում յաղթել է ռուսամէտ ընդդիմադիր ANO կուսակցութիւն
«ԱԼԻՔ» – Չեխիայի խորհրդարանական ընտրութիւններում յաղթել է նախկին վարչապետ, ռուսամէտ քաղաքական գործիչ Անդրէյ Բաբիշի գլխաւորած ANO կուսակցութիւնը:
Ընտրութիւնների արդիւնքների ամփոփումից յետոյ, Անդրէյ Բաբիշի ANO կուսակցութիւնը ստացելէ ձայների 37.8%-ը: Գործող վարչապետ Պեոտր Ֆիալայի «Միասին» իշխող դաշինքը ստացել է ձայների 23.36%-ը: Ուլտրաաջ SPD կուսակցութիւնը, որը համարւում է ANO-ի հաւանական դաշնակիցը, ստացել է ձայների 8.2%-ը:
Անդրէյ Բաբիշը 2017-2021 թթ. զբաղեցրել է վարչապետի պաշտօնը: Այս ընտրութիւնների արդիւնքներով՝ նա վերադառնում է քաղաքական բեմ։ Բաբիշը բազմիցս դէմ է արտայայտւել Կիեւին օգնութիւն տրամադրելուն՝ քննադատելով ցենտրիստ կառավարութեանը:
Բրիւսէլում աւելի վաղ մտահոգութիւն էին յայտնել, որ ընդդիմութեան յաղթանակի պատճառով Չեխիան կարող է ամբողջութեամբ դադարեցնել Ուկրաինային աջակցելը եւ դառնալ երրորդ «հակաեւրոպական քարոզիչը» Սլովակիայից ու Հունգարիայից յետոյ։
Նա նաեւ կտրականապէս բացառել է ԵՄ-ին կամ ՆԱՏՕ-ին անդամակցութեան վերաբերեալ հանրաքւէի անցկացումը, որը Սոցիալ-դեմոկրատական կուսակցութեան (ՍԴԿ) համար քաղաքականութեան հիմնական առաջնահերթութիւն է։
