Թեհրանը յայտարարում է, որ հաւաքագրել է ապացոյցները եւ ձեւաւորել իրաւաբանների խումբ՝ Մինաբի դպրոցի դէմ յարձակման պատասխանատուներին դատական պատասխանատւութեան ենթարկելու համար։
Իրանը հետամուտ է լինելու Մինաբի «Շաջարէ Թայեբէ» դպրոցի ռմբակոծութեան գործին նաեւ օտարերկրեայ դատարաններում։ Այս մասին հոկտեմբերի 11-ին յայտարարել է Իրանի արտաքին գործերի նախարարութեան իրաւական եւ միջազգային հարցերով տեղակալ Քազեմ Ղարիբաբադին, Մինաբի դպրոց կատարած այցի ժամանակ:
Նրա փոխանցմամբ՝ այս յանցագործութեան վերաբերեալ փաստաթղթերն ու ապացոյցներն ուղարկւել են Թեհրան, իսկ գործի դատական հետապնդման համար ձեւաւորւել է իրաւաբանների եւ փաստաբանների խումբ։ Ղարիբաբադին նշել է, որ Իրանի նախագահը յատուկ կարեւորել է գործի իրաւական հետապնդումը, իսկ որոշ օտարերկրեայ երկրներ եւս քայլեր են ձեռնարկել դատական քննութեան ուղղութեամբ։
Նա յայտնել է, որ 40-օրեայ պատերազմի հետ կապւած դատական գործերը եւս ընթացքի մէջ են։
Ղարիբաբադին նաեւ անդրադարձել է Հորմոզի նեղուցի կարգավիճակին՝ ընդգծելով, որ Իրանը մինչեւ ԱՄՆ-ի պարտաւորութիւնների կատարումը իրեն պատրաւորւած չի զգում նեղուցը վերաբացելու հարցում:
Հարեւան երկրներին նա կրկին զգուշացրել է իրենց տարածքներն Իրանի դէմ յարձակումների համար չտրամադրելու մասին։
Կասպից ծովի ջրի մակարդակի նւազման հարցը եւս եղել է նրա ուշադրութեան կենտրոնում, որի մասին նշել է, որ ափամերձ հինգ երկրները մշակում են համատեղ ճանապարհային քարտէզ։
