Չինաստանը կոչ է անում Մերձաւոր Արեւելքում անվտանգութեան նոր համակարգ ձեւաւորել

Պեկինը ռազմական ուժի կիրառումը համարում է անարդիւնաւէտ եւ առաջնահերթութիւն տալիս քաղաքական երկխօսութեանը։
Չինաստանի Մերձաւոր Արեւլքի հարցերով յատուկ ներկայացուցիչը Թեհրանում իրանցի բարձրաստիճան պաշտօնեաների հետ հանդիպումների ընթացքում առաջարկել է ձեւաւորել տարածաշրջանային անվտանգութեան նոր համակարգ, հիմնւած համատեղ անվտանգութեան, համագործակցութեան եւ կայունութեան սկզբունքների վրայ։
Չինաստանի արտաքին գործերի նախարարութեան հաղորդագրութեան համաձայն չինացի ներկայացուցիչը շեշտել է, որ ռազմական ուժի կիրառումը չի կարող լուծել տարածաշրջանային խնդիրները, եւ կոչ արել հակամարտութիւնները կարգաւորել քաղաքական երկխօսութեամբ, յարգելով բոլոր երկրների ինքնիշխանութիւնն ու անվտանգութիւնը։
Իրանական կողմը ողջունել է Չինաստանի նախաձեռնութիւնները, վերահաստատել երկկողմ համագործակցութեան ընդլայնման պատրաստակամութիւնը եւ ընդգծել, որ վճռականօրէն պաշտպանելու է Իրանի ինքնիշխանութիւնն ու տարածքային ամբողջականութիւնը։ Թեհրանը նաեւ պատրաստակամութիւն է յայտնել Չինաստանի եւ այլ խաղաղասէր ուժերի հետ ջանքեր գործադրել տարածաշրջանում խաղաղութեան վերականգնման ուղղութեամբ։



