
ԻՅՊԿ-ն յայտարարել է, որ Հորմոզի նեղուցում եւս երկու նաւթատար է հրդեհւել ծովային ականների հետ բախման հետեւանքով։ Այսպիսով, վերջին մէկ օրւայ ընթացքում նեղուցում հրդեհւած նաւթատարների թիւը հասել է վեցի։
ԻՅՊԿ-ի հաղորդագրութեան համաձայն նաւերը փորձել են անցնել նեղուցի հարաւային երթուղով, որտեղ ԱՄՆ-ի անմիջական ազդեցութիւնն է զգացւում՝ ԱՄՆ ռազմական ինքնաթիռների աջակցութեամբ։
Հաղորդագրութիւնում նաեւ նշւել է, որ պայթիւնների հետեւանքով առաջացած նաւթային աղտոտումը տարածւել է Հորմոզի նեղուցի ափամերձ հատւածներում։ ԻՅՊԿ-ն միջադէպը կապել է ԱՄՆ-ի սահմանած ծովային շրջափակման եւ իրանական կանոնակարգերի խախտման հետ, նաւթային ընկերութիւններին զգուշացնելով չօգտւել նեղուցի հարաւային երթուղուց։



