ԱտրպատականՀամայնք

Ատրպատականի հայոց թեմի առաջնորդը ընդունեց Թաւրիզի Քաղաքապետին եւ խորհրդի անդամներին

Ատրպատական, ազգային առաջնորդարան, Թաւրիզ – Երկուշաբթի, նոյեմբերի 16-ի երեկոյեան ժամը 7:00-ին, Ատրպատականի հայոց թեմի առաջնորդ՝ Տ. Գրիգոր արք. Չիֆթճեանը, Ազգային առաջնորդարանի «Էմիլ Յակոբեան» դահլիճում ընդունեց պաշտօնական այցելութիւնը, Թաւրիզի քաղաքապետ Եաղուբ Հուշեարի, որին ընկերակցում էին Քաղաքապետական խորհրդի նախագահ Հաջ. Բերգի, եւ բարձրաստիճան պատասխանատուներ, ինչպէս նաեւ Փոքրամասնութեան գրասենեակի պատասխանատուն:

Սրբազան հօր կողքին էին Թեմական խորհրդի անդամները՝ ատենապետ Գագիկ Ջորջեանը, Ալէն Սայեադեանը, Վարդան Կարապետեանը, Հենրիկ Աբրահամեանը եւ Քաթրին Դիլանեանը: Ողջունելով ներկաներին, առաջնորդ Սրբազանը ուղղակիօրէն բացատրեց Թաւրիզի պայմաններում Թեմի ունեցած հնարաւորութիւնները, դարաւոր քաղաքի բարեզարդման գործում հայ համայնքի ունեցած կարեւոր դերակատարութեան մասին: Սրբազանը շեշտեց յատկապէս քաղաքի հնամենի փողոցներում, Թեմին պատկանող հողամասերի շուտափոյթ օգտագործման անհրաժեշտութիւնը:

Թաւրիզի քաղաքապետը եւ նրա ընկերակից մասնագէտները ուղեգիծ ճշտեցին, եւ ազգապատկան կալւածների շահագործման մասին մանրամասն բացատրութիւններ տւեցին, որոնք քաղաքապետարանի արխիւներից բերել էին իրենց հետ:

Թեմական խորհրդի ատենապետը եւս իր բարի գալստեան խօսքը ուղղեց, իսկ Ալէն Սայեադեանը բառացի մեկնաբանութիւններ տւեց յուսալի ապագայի մասին: Սրբազան հայրը պաշտօնական հիւրերին յայտնեց, որ Թեմական խորհուրդը արդէն իսկ շինարարական մասնակի, եւ ապա ամբողջական ծրագիր մշակել է քաղաքում Թեմապատկան կալւածների գծով, որոնք համադրւելու են քաղաքապետարանի հետ:

Related Articles

Back to top button