Հա
10/06/2017 - 17:30

Թերեզա Մէյի ճակատագրական սխալը

Յունիսի 7-ին Մեծ Բրիտանիայում կայացած արտահերթ խորհրդարանական ընտրութիւնները միանշանակօրէն ծանր պարտութիւն էին իշխող՝ «Պահպանողական» կուսակցութեան, եւ նրա առաջնորդ, գործող վարչապետ Թերեզա Մէյի համար: 

ԱՐԱՄ ՇԱՀՆԱԶԱՐԵԱՆ

 

Յունիսի 7-ին Մեծ Բրիտանիայում կայացած արտահերթ խորհրդարանական ընտրութիւնները միանշանակօրէն ծանր պարտութիւն էին իշխող՝ «Պահպանողական» կուսակցութեան, եւ նրա առաջնորդ, գործող վարչապետ Թերեզա Մէյի համար:

Թէեւ պահպանողականներին յաջողւեց ընտրութիւնների արդիւնքում պահպանել առաջատարի դիրքերը, այդուհանդերձ, նրանք կորցրեցին խորհրդարանական մեծամասնութիւնը, ինչն էլ, փորձագէտների կարծիքով՝ հաւասարազօր էր պարտութեան:

Իրականում, պահպանողականների ձախողումը հիմնականում պայմանաւորւած էր վարչապետ Թերեզա Մէյի անձի, եւ նրա թոյլ տւած ճակատագրական սխալի հետ:

Ներքաղաքական դաշտում եւ «Brexit»-ի հետ կապւած ԵՄ-ի հետ բանակցութիւններում սեփական դիրքերն ամրապնդելու նպատակով, տիկ. Մէյը խաղադրոյքը կատարեց արտահերթ ընտրութիւնների մարտավարութեան վրայ, առանց հաշւի առնելու առկայ քաղաքական իրողութիւններն ու բրիտանական հասարակութեան մօտ տրամադրութիւնները:

Ֆուտբոլային լեզւով ասաց, վարչապետ Մէյի այս քայլը նման էր ինքնագոլի: Նա թոյլ տւեց ճակատագրական նոյն այն սխալը, ինչը 2016 թւականին «Brexit»-ի հանրաքւէի հետ կապւած թոյլ էր տւել պահպանողական նախկին վարչապետ Դէյւիդ Կամերոնը: Արդիւնքում, ստացւեց այնպէս, որ ոչ միայն չամրապնդւեցին վարչապետ Մէյի քաղաքական դիրքերը, այլ, ընդհակառակը, հողը սահեց նրա եւ «պահպանողական» կուսակցութեան ոտքերի տակից:

Փորձագէտները հակւած են պահպանողականների ճակատագրական այս ձախողումը հիմնականում պայմանաւորել Թերեզա Մէյի անձով:

Ընտրութեանը հետեւած ժամերին, երբ արդէն յստակ էր, թէ ինչ արդիւնքներ են գրանցւել, «BBC»-ի ուղիղ եթերում վերլուծելով վարչապետ Մէյի եւ պահպանողականների ձախողման պատճառները, բրիտանացի փորձագէտներից մէկն ասաց. «Թերեզա Մէյը ճակատագրական սխալ թոյլ տւեց: Նա մոռացել էր, այն իրողութեան մասին, որ ինքը Մարգարետ Թաչերը չէ: Այլ, ընդամէնը քաղաքական գործիչ է, որը պատահականօրէն է յայտնւել վարչապետի պաշտօնում:

Նա այդ պաշտօնը զբաղեցրել է միայն այն պատճառով, որ «Brexit»-ի արշաւի ղեկավար Բորիս Ջանսոնը հրաժարւեց ընդունել պաշտօնը, իսկ պահպանողականները Մէյից բացի, չունէին որեւէ այլ թեկնածու»:

Եթէ դիտարկենք վերջին եկու օրերի բրիտանական մամուլի հրապարակումները, ապա կը տեսնենք, թէ այս կարծիքը կարմիր թելի պէս անցնում է յունիսի 8-ի ընտրութիւնների հետ կապւած գրեթէ բոլոր վերլուծականներում:

Անգլիացի լրագրողները յիշեցնում են, որ մինչ «Brexit»-ը Թերեզա Մէյը համրւում էր դրա ընդդիմախօսներից, սակայն, վարչապետի պաշտօնն զբաղեցնելուց յետոյ, նա դարձաւ դրա «ամենասկզբունքային» պաշտպաներից մէկը:

Թէեւ իր զբաղեցրած պաշտօնի պատճառով Թերեզա Մէյը ստիպւած էր ղեկավարել «Brexit»-ի իրագործման ընթացքն, այդուհանդերձ, դիրքորոշման նման կտրուկ փոփոխութիւնը միանշանակ չնկալւեց քաղաքացիների կողմից: Նրանք դա պայմանաւորեցին վարչապետ Մէյի պատեհապաշտութեամբ եւ անկայուն նկարագրով, ինչն էլ իր որոշիչ ազդեցութիւնն ունեցաւ խորհրդարանական արտահերթ ընտրութիւնների ժամանակ:

Ինչեւէ արդէն յստակ է, որ վարչապետ Մէյին եւ «Պահպանողական» կուսակցութեանը սպասւում են մարախլապատ Ալբիոնի եղանակին նման օրեր: Խորհրդարանական մեծամասնութիւն ձեւաւորելու համար նրանք ստիպւած են ապաւինելու պոպոլիստական հայեացքներով աչքի ընկնող հիւսիսիռլանդական «Դեմոկրատական միութիւն» կուսակցութեան աջակցութեանը, ինչն էլ փորձագէտների կարծիքով՝ մեղմ ասաց այնքան էլ յուսադրող ապագայ չի ենթադրում:

Դեռ աւելին՝ ընտրութիւնների արդիւնքների վերլուծութիւնն ապացուցում է, որ «Պահպանողական» կուսակցութեան համար վրայ են հասնում քաղաքական տեղատւութեան ժամանակներ:

Բերենք միայն մի օրինակ. մայրաքաղաք Լոնդոնի ամենահարուստ շրջանը՝ Քենզինկտոնը մշտապէս քւէարկել է պահպանողականների օգտին: Յունիսի 8-ի ընտրութիւնների ամենամեծ սենսացիաներից մէկն էլ այն էր, որ Քենզինկտոնի քւէատուփերն ստացան այսպէս կոչւած «կարմիր» երանգաւորում: Քենզինկտոնցիները նախապատւութիւնը տւեցին լէյբորիստներին:

Թէեւ պահպանողականները վերահաշւարկի պահանջ են ներկայացրել, սակայն, դա էլ չի փոխում հարցի էութիւնը: Վերահաշւարկի յաջող ընթացքի դէպքում էլ պատգամը յտակ է. արիստոկրատներն էլ արդէն, աստիճանաբար, մէջքով են թեքւում դէպի պահպանողականները:

Յարակից լուրեր

  • Հրանտ Մարգարեան. «Կարելի է շատ զոհեր տալ, կարելի է տարածքներ կորցնել, բայց դրանք կարող են կործանիչ չլինել, եթէ մենք չենք հաշտւում պարտութեան հետ»
    Հրանտ Մարգարեան. «Կարելի է շատ զոհեր տալ, կարելի է տարածքներ կորցնել, բայց դրանք կարող են կործանիչ չլինել, եթէ մենք չենք հաշտւում պարտութեան հետ»

    Երիտասարդական աւիւնով առաջ սլացող 131-ամեայ Հայ Յեղափոխական Դաշնակցութեան ամեակը նշւեց երէկ՝ դեկտ. 25-ին, երեկոյեան Հ. Ուս. «Չհարմահալ» միութեան «Յ. Թումանեան» սրահում:

  • Անկախութիւնը՝ որպէս անսակարկ արժէք
    Անկախութիւնը՝ որպէս անսակարկ արժէք

    Անկախութիւնը որեւէ երկրի, այդ թւում՝ Հայաստանի գոյութեան, տարածաշրջանում ու աշխարհում իր պատմական առաքելութեան իրականացման առհաւատչեան է։ Այն մեր ժողովրդի դարաւոր երազանքի իրականացումն է, զարգացման հեռանկարներ ամրագրող բացարձակ ուժը եւ արժէքը։

  • Առանց նահանջի՝ նահանջ. Հայաստանը զրկւում է իր բոլոր մանդատներից
    Առանց նահանջի՝ նահանջ. Հայաստանը զրկւում է իր բոլոր մանդատներից

    Այն, որ հրաշքներ պէտք չէր ակնկալել Սոչիում նախատեսւած Պուտին-Փաշինեան-Ալիեւ եռակողմ ձեւաչափով հանդիպումից, գիտէինք բոլորս: Դեռ աւելին, գիտէինք նաեւ, որ հանդիպման արդիւքները վատ են լինելու մեզ համար:

  • Հոգեբանական ընկճախտը, մաքսակէտային զիջումն ու «Զանգեզուրի» միջանցքը
    Հոգեբանական ընկճախտը, մաքսակէտային զիջումն ու «Զանգեզուրի» միջանցքը

    Սիւնիքում Գորիս-Կապան ճանապարհին 2021 թ. նոյեմբերի 11-ից յայտարարւած ադրբեջանական, այսպէս կոչւած, սահմանային ու մաքսային վերահսկողութիւնը, եւ դրան հետեւած իրադարձութիւնները մէկ անգամ եւս փաստեցին, որ 44-օրեայ պատերազմը տարածաշրջանում ամբողջութեամբ փոխել է ուժերի յարաբերակցութիւնը։

  • Մեծն Բրիտանիոյ յապաղումը
    Մեծն Բրիտանիոյ յապաղումը

    Մեծն Բրիտանիան միտ ալ, իր նիւթական եւ քաղաքական հաշիւները նկատի ունենալով (մեր բառարանին մէջ անոր տուած են «մութ» որակումը), աւանդականօրէն համակրանք ցոյց չէ տուած Հայաստանին եւ հետեւողականօրէն արհամարհած է Հայ Դատը։ Նորագոյն ցայտուն օրինակը դրսեւորուեցաւ տարի մը առաջ, 44-օրեայ պատերազմի օրերուն, անոր որդեգրած դիրքորոշումներով, մինչեւ իսկ Մ․Ա․Կ․-էն ներս։ Այլ ցուցանիշներ էին, պատերազմի նախօրեակին, ազերիներու կազմակերպած հաւաքներն ու ցոյցերը Լոնտոնի մէջ Հայաստանի դեսպանատան առջեւ, որոնք պարզ ու պատահական դէպքեր չէին։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։