Հա

Օրակարգ

13/09/2016 - 12:50

Պարտաւորեցնող միջոցառումներին ընդառաջ

Այսօր «Արարատ» մարզաւանում մեկնարկելու են 48-րդ շրջանի Համահայկական խաղերը, որոնք նւիրւած են «Ալիք» օրաթերթի 85-ամեակին:
Հ.Մ.Ա.Կ.-ի նախաձեռնած այս խաղերը, անկասկած, յաջողւած նախագիծ է, որն առաջին հերթին կոչւած է պահպանելու եւ ի ցոյց դնելու իրանահայ համայնքի սպորտային կենսունակութիւնն ու կարողականութիւնը:

ԱՐԱՄ ՇԱՀՆԱԶԱՐԵԱՆ


Այսօր «Արարատ» մարզաւանում մեկնարկելու են 48-րդ շրջանի Համահայկական խաղերը, որոնք նւիրւած են «Ալիք» օրաթերթի 85-ամեակին:
Հ.Մ.Ա.Կ.-ի նախաձեռնած այս խաղերը, անկասկած, յաջողւած նախագիծ է, որն առաջին հերթին կոչւած է պահպանելու եւ ի ցոյց դնելու իրանահայ համայնքի սպորտային կենսունակութիւնն ու կարողականութիւնը:
Համահայկական խաղերն առողջ մարմնում‘ առողջ ոգի ճանաչւած կարգախօսի մարմնաւորողն են եղել, որոնք քարոզել են առողջ ապրելակերպն ու իւրայատուկ ցատկահարթակ են հանդիսացել իրանահայ մարզիկ-մարզուհիների համար՝ ցուցադրելու իրենց կարողութիւններն ու նւաճելու սպորտային բարձրունքները:
Քանի քանիսն են տարբեր մարզաձեւերում, Իրանի ազգային հաւաքականներում հանդէս եկած (եւ եկող), չեմպիոնական տարբեր կոչումներ նւաճած այն մարզիկ-մարզուհիները, որոնք իրենց սպորտային մկրտութիւնը ստացել են հէնց Համահայկական խաղերում:
Հէնց առաջին շրջանից սկսեալ, Համահայկական խաղերը նաեւ վերածւել են համայնքային կարեւոր նշանակութեան այն միջոցառմանը, որն ամէն տարի համախմբել է իրանահայ համայնքի տարբեր շրջանների ներկայացուցիչներին, տարիների ընթացքում հնարաւորութիւն տալով հազարաւոր երիտասարդների նոր կապեր հաստատելով՝ ծանօթանալ եւ մտերմանալ միմեանց հետ:
Սփիւռքեան պայմաններում, Համահայկական խաղերն իրարայաջորդ սերունդների մօտ սերմանել ու արմատաւորել են հայրենասիրութիւնը, հայ մարդուն եւ հայ մարզիկին բնորոշ մարդկային ու բարոյա-հոգեբանական բարձր յատկանիշերը:
Հայաստանի վերանկախացումից ի վեր, մինչ Մայր Հայրենիքում կազմակերպւող Համահայկական համաշխարհային խաղերը, Հ.Մ.Ա.Կ.-ի նախաձեռնութեամբ կազմակերպւած Համահայկական խաղերն ընդունել են նաեւ նոր գործառոյթ՝ վերածւելով Հայրենիքը-Սփիւռքի հետ կամրջող իւրայատուկ միջոցառման:
Բազմաթիւ են եղել Հայաստանից, Արցախից, Լիբանանից, Սիրիայից, Իրաքից, Վրաստանից սպորտային այն խմբերը, որոնք այս տարիների ընթացքում մասնակցել են Համահայկական խաղերին:
48-րդ շրջանի Համահայկական խաղերը եւս բացառութիւն չեն: Մասնակիցների թւում են Հայաստանից, Արցախից եւ Վրաստանից ժամանած սպորտային պատւիրակութիւնները: Իսկ ամենակարեւորը. այս տարւայ այս տարւայ խաղերի բացման արարողութիւնը նշանաւորւելու է Հայաստանի Օլիմպիական կոմիտէի նախագահ Գագիկ Ծառուկեանի մասնակցութեամբ, որն ինչ խօսք աւելի է ոգեւորելու եւ խրախուսելու խաղերի մասնակիցներին ու կազմակերպիչներին՝ վերածւելով յաւելեալ խթանի, որն անկասկած նպաստելու է մեր համայնքի սպորտային կեանքի բարգաւաճմանը:
Ոչ պակաս նշանակութիւն ունի նաեւ «Ալիք»-ի 85-ամեակի տօնակատարութեան առիթով հայաշխարհի մամուլի ներկայացուցիչների ժամանումն Իրան, որը մարմնաւորելու է Հայկական աշխարհի մեդիա հատւածի համախմբումն ու կարող է նոր նախագծերի, քարոզչական-լրատւական թարմ մտքերի գէներացման առիթ դառնալ:
Անշուշտ տօնական երանգաւորումով յագեցած այս միջոցառումներն ապագայում պարտաւորեցնող են լինելու իրանահայ խոշորագոյն մարզամշակութային կազմակերպութեան եւ միակ օրաթերթի համար:
Մենք պարտաւոր ենք ամբողջութեամբ կլանելու, նիւթականի վերածելու եւ իրանահայութեանը վերադարձնելու դրական էներգիայի այն հսկայական պաշարը, որն առաջիկայ օրերում տիրական է լինելու ողջ համայնքում:
Դա մեր՝ թէ՛ «Ալիք»-ի, եւ թէ՛ «Արարատ»-ի առաքելութիւնն է, որը պէտք է լիարժէք ու պատւով կատարենք:

Յարակից լուրեր

  • Իրան-ԱՄՆ յարաբերութիւններ. Կը կայանա՞յ արդեօք քաղաքականութեան շրջափոխում
    Իրան-ԱՄՆ յարաբերութիւններ. Կը կայանա՞յ արդեօք քաղաքականութեան շրջափոխում

    Ֆրանսիայի միջնորդութեամբ, Ռոհանի-Թրամփ հաւանական հանդիպման, եւ դրա արդիւնքում Իրան-ԱՄՆ յարաբերութիւններում հնարաւոր դրական տեղաշարժի վերաբերեալ ոգեւորութիւնը շատ արագ մարեց, Իրանի նախագահ Ռոհանիի եւ ԱԳ նախարար Զարիֆի յայտարարութիւնների եւ մեկնաբանութիւնների ֆոնին:

  • Հ. Մ. «Արարատ» Կ.-ի Շիրազի մասնաճիւղում օրհնւեց Իրանի 51-րդ Համահայկական խաղերի ջահը
    Հ. Մ. «Արարատ» Կ.-ի Շիրազի մասնաճիւղում օրհնւեց Իրանի 51-րդ Համահայկական խաղերի ջահը

    Ուրբաթ օգոստոսի 23-ի առաւօտեան Հ.Մ.Ա.Կ.-ի Շիրազի մասնաճիւղում, Ս. Մարիամ Աստւածածին եկեղեցում Շահինշահրից ժամանած Տ. Սահակի ձեռամբ կատարւեց Իրանի 51-րդ Համահայկական խաղերի ջահի օրհնութիւնը շիրազահայ համայնքի ու «Արարատ»-ի անդամների մասնակցութեամբ։

  • Կը յաջողի՞ արդեօք դիւանագիտութիւնը
    Կը յաջողի՞ արդեօք դիւանագիտութիւնը

    Իրանի ԱԳ նախարար Մոհամմադ Ջաւադ Զարիֆի անակնկալ ուղեւորութիւնը Բիարից, ամբողջովին ստւերեց ֆրանսիական այս գողտրիկ բնակավայրում ընթացող G7-ի գագաթնաժողովի երկրորդ օրւայ քննարկումներն, ապացուցելով, որ Իրանը եւ Իրանի հետ կապւած իրադարձութիւնները «Մեծ եօթնեակ»-ի քննարկումների առանցքն են կազմում:

  • Սեւրի երկրորդ շնչառութեանը սպասելիս
    Սեւրի երկրորդ շնչառութեանը սպասելիս

    Սեւրի պայմանագիրը դարձաւ 99 տարեկան:

    1920 թւականի օգոստոսի 10-ին Փարիզի արւարձանում՝ Սեւրում, Անտանտի երկրների եւ Օսմանեան կայսրութեան կողմից ստորագրւեց հաշտութեան պայմանագիր, որը պաշտօնապէս հաստատում էր կայսրութեան բաժանումը Եւրոպայի եւ Մերձաւոր Արեւելքի միջեւ:

  • Իրան-ԱՄՆ պրոքսի դիմակայութիւն. ինչպէս պէտք է վարւի Հայաստանը
    Իրան-ԱՄՆ պրոքսի դիմակայութիւն. ինչպէս պէտք է վարւի Հայաստանը

    Իրան-ԱՄՆ պրոքսի դիմակայութեան` վերընթաց կորագծով զարգացումը որոշակի բարդութիւններ է ստեղծել կողմերի հետ յարաբերութիւններ պահպանող երկրների, այդ թւում՝ Հայաստանի համար:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։