Հա

Օրակարգ

27/08/2019 - 14:37

«G7»-ից՝ «Ռոստոմ» դպրոց...

Համաշխարհային խլացուցիչ լրահոսը ողողւած է «G7»-ի, Լիբանանի, Սիրիայի եւ Իրաքի դէմ իսրայէլական նոր արկածախնդրութիւնների, նոյն Սիրիայի դէմ թուրքական բանակայինների նոր ոտնձգութիւնների… եւ իհարկէ՝ իրանական միջուկային թղթածրարի ու դրանից բխող հակադարձ դիւանագիտական աճպարարութիւնների մասին գերքաղաքականացւած հաղորդումներով…

Դ. Մ.

 

Համաշխարհային խլացուցիչ լրահոսը ողողւած է «G7»-ի, Լիբանանի, Սիրիայի եւ Իրաքի դէմ իսրայէլական նոր արկածախնդրութիւնների, նոյն Սիրիայի դէմ թուրքական բանակայինների նոր ոտնձգութիւնների… եւ իհարկէ՝ իրանական միջուկային թղթածրարի ու դրանից բխող հակադարձ դիւանագիտական աճպարարութիւնների մասին գերքաղաքականացւած հաղորդումներով…

Թողնենք, սակայն, համաշխարհային լրահոսի արդէն ձանձրոյթի վերածւած ելեւէջներն ու դառնանք մեր համայնքին…:

Թեհրանահայ համայնքի համար, անշուշտ, լրահոսային այսպէս ասած՝ նորոյթը դարձաւ «Ռոստոմ» ազգային տղ. դպրոցի ուսումնական գործունէութեան դադարեցումը, որի մասին մեր երէկւայ թիւով հրապարակւած հաղորդագրութեամբ ազգային առաջնորդարանի դիւանը յայտարարում էր.- «… Ժողովականները յետկարծիքների փոխանակման եւ մանրամասն քննութեան, մեկնելով օրւայ մեր կեանքի պայմաններից, որոշեցին 2019-2020 դպրոցական տարեշրջանից դադարեցնել դպրոցի ուսումնական դասընթացները…»:

Ինչ խօսք, դեռեւս նախորդ տարեշրջանից խնդրոյ անպաշտօն թէ պաշտօնական առարկայ է հանդիսացել «Ռոստոմ» դպրոցի կարգավիճակը, որի վերաբերեալ առանձնայատուկ մտահոգւած էին, բնականաբար, տւեալ դպրոցի ծնողները, որոնց ներկայացուցիչները բազմիցս էին դիմել հէնց մեզ, որպէս լրատւամիջոցի, իրենց ձայնը հասանելի դարձնելու ուր որ անկ է…:

Անկախ նրանից, որ նախորդ թէ գալիք տարեշրջանում հասունացել էր կամ կը հասունանար դպրոցի գործունէութեան դադարեցման հանգամանքը, հարկաւոր էր պատկան մարմինները (Կրթական-Թեմական խորհուրդներ եւ Պատգ. ժողով), իրենց համատեղ վերջին նիստի օրինակով՝ «Կարծիքների փոխանակման եւ մանրամասն քննութեան» լրացուցիչ հանդիպումներ ունենային դպրոցականների ծնողների եւ ծնողական խորհուրդների հետ, որպէսզի վերջիններիս մօտ, թէեւ դժւարութեամբ, բայց փարատւէին մտահոգութիւնները եւ հաւանական թիւրիմացութիւնները, որոնք այսպէս թէ՛ այնպէս առաջանում են հէնց անիրազեկութիւնից ու երկխօսութեան անբաւարարութիւնից:

Ինչեւէ, աւելորդ չենք համարում մեր կողմից հանդէս գալ դարձեալ կրկնւող այն առաջարկով, որ ազգային իշխանութեանց պատկան մարմինները, լիարժէք փոխհասկացութեան նպատակով, նախ դժգոհ եւ մտահոգ ծնողներին հրաւիրեն լուսաբանական հանդիպման, իսկ նմանօրինակ հանդիպումների ծրագիր ուրւագծեն՝ առհասարակ մեր կրթական համակարգի ներկայ ու անխուսափելիօրէն գալիք բազմապիսի դժւարութիւններն ու խնդիրները համադրւած եւ հարթ եղանակներով լուծելու հեռանկարով…:

Յարակից լուրեր

  • Ճգնաժամերը դիմագրաւելու ծանրագոյն հանգրւանը...
    Ճգնաժամերը դիմագրաւելու ծանրագոյն հանգրւանը...

    1- 2020 թւականի հէնց սկզբից Իրանի Իսլ. Հանրապետութիւնը պետական ողջ համակարգով, ահա, դիմագրաւում է արտաքին՝ քաղաքական, տնտեսական եւ քարոզչական եթէ ոչ աննախադէպ, բայց ծանրագոյն ճգնաժամեր, որոնք յաջորդեցին Բաղդադում յունւարի 3-ի գեներալ Սոլէյմանիի տեռորին՝ ԱՄՆ նախագահի անմիջական հրահանգի արդիւնքում…

  • Ադրբեջանական կեղծարարութեան հետքերով...
    Ադրբեջանական կեղծարարութեան հետքերով...

    Գեներալ Սոլէյմանիի զոհւելուց յետոյ Իրանում խոր ցասումի ու սգոյ պայմաններում, ահա, ադրբեջանական մամուլը իւրայատուկ քստմնելիութեամբ «տեղեկատւութիւն» է տարածում ու պահի չարաշահմամբ՝ հակահայ քարոզչութիւն իրականացնում, թէ իբր ՀՀ վարչապետը շնորհաւորել է ԱՄՆ նախագահին՝ Բաղդադում վերջին գործողութիւնների կապակցութեամբ…

  • Վերահաստատելով մեր համոզմունքն ու յանձնառութիւնը...
    Վերահաստատելով մեր համոզմունքն ու յանձնառութիւնը...

    Երէկ «Ալիք»-ի ընտանիքը աւանդոյթի կարգով դիմաւորեց նոր՝ 2020 մօտալուտ տարին:

  • Ես միշտ ձեզ հետ եմ, ձեր մէջ եմ...
    Ես միշտ ձեզ հետ եմ, ձեր մէջ եմ...

    Ամենայն հայոց բանաստեղծ Յովհաննէս Թումանեանի ստեղծագործութիւնների պարսկերէնի թարգմանւած գրքի շնորհանդէսի նախօրեակին, բարեկամիս հետ «Հայի ու Հայաստանի ճակատագրի՜» մասին համեստ ու ոչ-յաւակնոտ մտքերի փոխանակումն հանգուցալուծւեց խօսակցիս այսպէս ասած հռետորական հարցադրումով՝ «…Պէտք է հիմնովին, ազգովի (ինչպէս որ յաջողակ ազգերն են արել) գիտակցենք թէ ո՞րն է մեր ինքութիւնն ու ո՞վ ենք մենք…»:

  • «Արարատ»-ի տօնավաճառի բեկանման առիթով…
    «Արարատ»-ի տօնավաճառի բեկանման առիթով…

    Ինչպէս արդէն պարզորոշ է դառնում նոյն այս էջում հրապարակւած Հ. Մ. «Արարատ» Կ.-ի «Տեղեկանք»-ից, ամենամեայ կարգով եւ ինչ-որ տեղ աւանդոյթի վերածւած՝ նոյն կազմակերպութեան նախաամանորեան տարեկան վաճառքը բեկանւել է:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։