Print this page
28/12/2019 - 15:10

Ես միշտ ձեզ հետ եմ, ձեր մէջ եմ...

Ամենայն հայոց բանաստեղծ Յովհաննէս Թումանեանի ստեղծագործութիւնների պարսկերէնի թարգմանւած գրքի շնորհանդէսի նախօրեակին, բարեկամիս հետ «Հայի ու Հայաստանի ճակատագրի՜» մասին համեստ ու ոչ-յաւակնոտ մտքերի փոխանակումն հանգուցալուծւեց խօսակցիս այսպէս ասած հռետորական հարցադրումով՝ «…Պէտք է հիմնովին, ազգովի (ինչպէս որ յաջողակ ազգերն են արել) գիտակցենք թէ ո՞րն է մեր ինքութիւնն ու ո՞վ ենք մենք…»:

Դ. Մ.

 

Ամենայն հայոց բանաստեղծ Յովհաննէս Թումանեանի ստեղծագործութիւնների պարսկերէնի թարգմանւած գրքի շնորհանդէսի նախօրեակին, բարեկամիս հետ «Հայի ու Հայաստանի ճակատագրի՜» մասին համեստ ու ոչ-յաւակնոտ մտքերի փոխանակումն հանգուցալուծւեց խօսակցիս այսպէս ասած հռետորական հարցադրումով՝ «…Պէտք է հիմնովին, ազգովի (ինչպէս որ յաջողակ ազգերն են արել) գիտակցենք թէ ո՞րն է մեր ինքութիւնն ու ո՞վ ենք մենք…»: Տողերիս գրողի պատասխանը եղաւ հետեւեալը. -«Ես այդ հարցի պատասխանը ստանալու եւ ամբոջովին վերապրելու եմ վաղը՝ դեկտ. 27-ի երեկոյեան, Յովհաննէս Թումանեանի պարսկալեզու ընթերցողի համար հրատարակւած գրքի շնորհանդէսին…»: Թէ՛ ինձ, եւ թէ՛ խօսակցիս ու եթէ՛ կուզես, քեզ համար սիրելի ընթերցող, ամէն ինչ պարզ է ու մեկին…:

Եւ այսպէս, Համբօ Գիքորի տան օրինակով դեկտ. 27-ի երեկոյեան «կռիւ էր ընկել» աւելի քան մէկդարեայ Հայ ակումբի սրահում, որտեղ բոլորն անխտիր՝ նախաձեռնողները, բանախօսները եւ ողջ լսարանը ամենայն հոգեհարազատութեամբ ու ներշնչանքներով վերապրում էին Թումանեան երեւոյթը, որի ընդմիջից իսկ երիցս պարզորոշ էր դառնում սեփական ազգի՝ հայի ինքնութիւնը, ով լինելը, մեր տեսակը, կենսագրութիւնն ու կեսնակերպը եւ մէկ խօսքով՝ մեր ազգային ինքնատիպ անձնագիրը…

Ահաւասիկ, եւ տւեալ դէպքում, այս ամէնը պարսիկ ընթերցողի դատին յանձնելը, ինչպէս դիպուկ կերպով բնութագրեց Ամենայն հայոց բանաստեղծի հարազատ շառաւիղն, նոյնինքն՝ Իրանում՝ ՀՀ դեսպան Թումանեանը, կարդիւնաւորւի հայեւպարսիկ ու հայ-իրանական դրական բոլոր առնչութիւնների առաւել հարստացմամբ ու կրկնակի փոխճանաչելիութեան արգասիքներով…

Մեզ, սակայն, որպէս Թումանեան երեւոյթի մարդկային, ազգային ու իսկական հայի (տայ Աստւած՝ հաւատարիմ) ժառանգորդներ, մնում է՝ սեփական ազգի ամբողջական նկարագրի վերարծարծողը լինենք՝ պարսիկ եւ իրանցի բարեկամներին, ու քաղաքակիրթ, մշակութասէր հասարակայնութեանը նորատիպ այս գիրք-հրատարակութիւնը յաւուր պատշաճի տարածելով ու ներկայացնելով ուր որ անկէ:

Յարակից լուրեր