Հա

Օրակարգ

31/12/2019 - 13:20

Վերահաստատելով մեր համոզմունքն ու յանձնառութիւնը...

Երէկ «Ալիք»-ի ընտանիքը աւանդոյթի կարգով դիմաւորեց նոր՝ 2020 մօտալուտ տարին:

Դ. Մ.

 

Երէկ «Ալիք»-ի ընտանիքը աւանդոյթի կարգով դիմաւորեց նոր՝ 2020 մօտալուտ տարին:

Հոգեհարազատ, բարեկամական ու ընկերական համերաշխ մթնոլորտում 90-ամեակի շեմին կանգնած «Ալիք»-ի աշխատակազմը՝ իր հաստատութեան, վարչութեան, խմբագրութեան նախկին թէ՛ ներկայ միաւոր-անդամներով, մէկ անգամ եւս վերահաստատեց ազգային-հասարակական, քաղաքական ու կարեւորը՝ գաղափարական լայն ընդգրկում ունեցող ծառայութիւնների շարունակականութեան ու յարատեւութեան համոզմունք-յանձնառութիւնը:

Եւ որպէս նոր հանգրւան թեւակոխելու յանձնառու միաւորներ, ինչու ոչ՝ առաջնահերթօրէն ինքնաքննադատաբա՛ր վերյիշեցինք անցնող տարում իսկ սեփական բացթողում-վրիպումները: Դրանք, անշուշտ, նւազագոյնի բերելու մեր պարտաւորութեան կենսագործման ճամբին ինչպէս միշտ՝ կառչած ենք մնալու ե՛ւ գիտակից ընթերցողի ե՛ւ առհասարակ մեր հինաւուրց համայնքի ազնիւ ու ատենահաս վերաբերմունքին:

Վերահաստատեցինք երիցս՝ որ յատկապէս իբրեւ օրաթերթ, մեր տպագիր թէ՛ կայքէջային հնարաւութիւնները առաւել քան երբեք ի սպաս ենք դնելու հանրութեան ու հասարակայնութեան շիտակ ու մասնաւորաբար ոչ ամբոխահաճոյ մտքի ու գաղափարի ձեւաւորմանը առաջնորդող արդէն 90-ամեայ անշեղ ուղղութեամբ:

Ուղղութիւն, որի նպատակասլացութեանը հաւատացած ենք: Նպատակը, սակայն, ոչ այլ ինչ է, եթէ ոչ.-

ա- Հինաւուրց իրանահայ համայքի կենսունակութեան պահպանում,

բ- Հայ-իրանական բազմոլորտ առնչութիւնների վերաիմաստաւորում ու արդիականացում,

գ- Հայաստան-Իրան միջպետական եւ տնտեսա-քաղաքական փոխյարաբերութիւնների ջատագովում,

դ- Հայոց համազգային պահանջատիրութեան զօրեղացումն ու Հայոց արդար դատի մշտարծած հետապնդումը...

…Վերոգրեալների կենսագործման մտասեւեռումներով, ահա, «Ալիք»-ի ողջ ընտանիքը ընդառաջ է գնում նոր եւ տայ Աստւած ողջ հայութեան համար, նոր յաղթանակներով պսակւող 2020 թւականին:

Յարակից լուրեր

  • Մեր ընթերցողների ուշադրութեան
    Մեր ընթերցողների ուշադրութեան

    Յունիսի 3-ից 5-ը, պետական արձակուրդի առիթով կայքը չի աշխատելու:

  • Մեր ընթերցողների ուշադրութեան
    Մեր ընթերցողների ուշադրութեան

    Մայիսի 23-ից 25-ը, պետական արձակուրդի առիթով կայքը չի աշխատելու:

  • Մայիսեան յաղթանակների գաղափարա-քաղաքական մշտանորոգ պատգամը…
    Մայիսեան յաղթանակների գաղափարա-քաղաքական մշտանորոգ պատգամը…

    Առնւազն անցնող հարիւրամեակում Հայաստան երկրի ու Հայաշխարհի համար մշտապէս «Յաղթանակների ամիս» նշանաւորւող ՄԱՅԻՍ-ը, ինչպէս երբեւէ, այս տարի եւս մուտքագրւեց Մայիսմէկեան՝ աշխատաւորութեան փառապանծ տօնով…

  • «Լռութեան» աղաղակող ձայնը…
    «Լռութեան» աղաղակող ձայնը…

    Յարգելի ընթերցողները հաստատապէս արդէն իրազեկւած են, որ Հայոց Ցեղասպանութեան 105-րդ տարելիցին նւիրւած ոգեկոչման ու պահանջատիրական համայնքային ձեռնարկներն ու միջոցառումները կայանալու են ամենեւին նոր իրավիճակի՝ կորոնավիրուսից բխող արտակարգ դրութեան պայմաններում…

  • Կորոնան եւ իրանահայ համայնքը... (2)
    Կորոնան եւ իրանահայ համայնքը... (2)

    Եւ այսպէս, ահա, համաշխարհային ընտանիքի հետ բազմադարեայ Իրանն ու նրա անբաժան մասնիկ հինաւուրց իրանահայութիւնը եւս 2020 թ.-ի տարեմուտին դէմ-յանդիման կանգնեց նոր ու ինչ որ տեղ առեղծւածային համաճարակ՝ «կորոնավիրուսին»…:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։