Հա

Օրակարգ

01/03/2020 - 14:10

Կորոնավիրուսը եւ մենք...

Մեր, եւ ոչ միայն, հանապազօրեայ կենսակերպի անբաժանելի հոգսն ու գերխնդիրն է դարձել, ահա, կորոնավիրուսը…

Դ. Մ.

 

Մեր, եւ ոչ միայն, հանապազօրեայ կենսակերպի անբաժանելի հոգսն ու գերխնդիրն է դարձել, ահա, կորոնավիրուսը…

Մարդկային էակներից առաւել համաճարակով «վարակւել» են նոյնինքն համացանցային հաղորդակցական տարատեսակ միջոցները, որոնք էլ ֆիզիկականից աւելի վտանգաւոր՝ սպառնալիք են դարձել մեր հոգե-մտաւոր առանց այն էլ խոցելի ապահովութեանը…:

Անշուշտ, կայ դրական կողմը եւս. համացանցերի միջոցով իսկ արագօրէն եւ անմիջականօրէն դառնում ենք տեղեկացւած եւ համալրւում են մեր գիտելիքները, որոնք էլ առաջնային օժանդակողներն են՝ համաճարակի կանխարգելման յոյժ կարեւոր գործում: Երեւի մինչ այժմ շատ-շատերը նոյն համացանցային հաղորդակցութիւնից իրազեկւել են նոյնինքն Չինաստանի (որտեղից էլ գլուխ բարձրացրեց կորոնավիրուսը) պետական ռադիօ-հեռուստատեսութեան պարսկերէն բաժնի թողարկմանը, որտեղ չինացի հաղորդավարները իրանական լսարանի համար առողջապահական, սննդակարգի անհրաժեշտ եւ մասնաւորապէս կորոնավիրուսից հնարաւորինս զերծ մնալու համար իրենց իսկ կենսափորձից ելած՝ կանխարգելիչ գործօնների մասին են խօսում:

Սիրելի ընթերցող, համացանցային դրական թէ՛ բացասական երեւոյթների մասին տարակարծիք լինելուց առաւել՝ գերկարեւոր է խուճապային պահերի ու մթնոլորտի չմատնւելը, որն էլ իրագործելի է, եթէ մենք՝ բոլորս, որպէս համացանցային օգտատէրեր անհարկի չտրւենք այսպէս ասած՝ «ֆէյք» հաղորդագրութիւնների, որոնց հեղինակներն, ցաւօք, քիչ չեն այս գերգլոբալացւած աշխարհում…:

Ահաւասիկ, մեզ բոլորիս մնում է զգօնութիւնը՝ անհատապէս, ընտանիքով եւ ինչու ոչ՝ համայնքային մասշտաբով, որպէսզի միմեանց նեցուկ լինելով դիմագրաւենք այսօրեայ ախտավարակ՝ կորոնավիրուսին, թէ՛ ֆիզիկական, եւ որ կարեւոր է՝ հոգե-մտաւո՛ր ամրութեամբ ու հաստատակամութեամբ:

Ուստիեւ՝ անհրաժեշտ է եւ խիստ անհրաժեշտ, որ համայնքիս յարգարժան իշխանութիւնը օր առաջ կեանքի կոչի համարժէք մի յանձնախումբ, համադրելու-վերահսկելու տարատեսակ երեւոյթները՝ կորոնավիրուսի պատճառած խուճապները նւազագոյնի հասցնելու համար:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։