Հա

Օրակարգ

18/03/2020 - 15:00

Ի խնդիր աւելի համերաշխ, մարդկային աշխարհի...

Եւ ահա, այսպէս, սիրելի ընթերցող, իրանական «Նոռուզի» շեմին եւ սկսեալ վաղւանից մինչեւ 15 օր թեւակոխում ենք հարկադիր՝ ոչ աշխատանքային փուլ:

ԽՕՍՔ

Ի խնդիր աւելի համերաշխ, մարդկային աշխարհի...

«Բիոլոգիական ԴԱԷՇ»-ի սպառնալիքը

Դ. Մ.

 

Եւ ահա, այսպէս, սիրելի ընթերցող, իրանական «Նոռուզի» շեմին եւ սկսեալ վաղւանից մինչեւ 15 օր թեւակոխում ենք հարկադիր՝ ոչ աշխատանքային փուլ:

Ու թեւակոխում ենք ամենեւին այլ եւ եթէ կուզէք՝ չափազանց տարօրինակ պայմաններում, այսպէս ասած՝ աշխարհակուլ կորոնավիրուսի համավարակին դէմ-յանդիման…:

Համաշխարհային մասշտաբներով ամէն երեւոյթ ու հասկացութիւն, ահա, ստւերւած է կորոնայի համախտանիշով… Ամէն, ամէն ինչ՝ քաղաքական, տնտեսական, դիւանագիտական, աշխարհագրական, հասարակական, մարդկային առօրէական կենցաղ ու յարաբերութիւն արգելակւել, սահմանափակւել ու մի խօսքով կերպափոխւել է: Խախտւել են մինչ այդ՝ թւարկած բոլոր ոլորտներում առկայ չափանիշերի ու օրինաչափութիւնների հաշւեկշիռն ու հաւասարակշռութիւնը…:

Ահաւասիկ, արեւմտեան թէ՛ արեւելեան կողմն աշխարհի գերտէրութիւնները եւ մասնաւորապէս աշխարհը գլոբալացրած նէոլիբերալիզմը՝ ԱՄՆ-ն, Եւրոմիութիւնը, ՆԱՏՕ-ն ու սրանց շրջանային արբանեակները այլեւս ի զօրու չեն իրենց «ստանդարտ» խաղերը տալու՝ գէթ ժամանակաւորապէս աւելի գերհզօր, աւելի առաջադէմ, աւելի խաղաղասէր ու յատկապէս աւելի ժողովրդավար երեւալու համար… ընդամենը մի ինչ-որ կորոնայի պատճառով ու ինչպէս ընդունւած է ասել՝ չարիքից՝ բարիքին հասնելու օրինաչափութեան բերումով:

Ու բոլորը այժմ համախմբւում են ՄԱԿ-ի եւ նրա հովանու ներքոյ աշխատող՝ Առողջապահութեան համաշխարհային կազմակերպութեան (ԱՀԿ) շուրջ, դիմագրաւել-յաղթահարելու-եթէ լինի այսպէս բնութագրել-«բիոլոգիական ԴԱԷՇ»-ին…:

* * *

Սիրելի ընթերցող, վստահ ենք ու համոզւած, որ մեզ հետ միասին, որպէս բազմահազարամեայ իրանական այս հողի ու յատկապէս իբրեւ ամենահինաւուրց՝ իրանահայ համայնքի ազնիւ անդամ-քաղաքացի, ամենայն զգօնութեամբ ու յանձնառութեամբ ցուցաբերելու ես տոկունութիւն ու համբերատար վերաբերմունք՝ հաւասարապէս թէ՛ անհատական, եւ թէ՛ ընտանեկան ու քաղաքացիական-ընկերական մակարդակներում, որպէսզի որեւէ կարգի ձախողութիւն եւ Աստւած մի արասցէ՝ կորուստ նւազագոյնի հասցւի:

Մաղթում ենք միաժամանակ, որ մեր համայնքի եռեակ թեմերում ապրող օրինապաշտ հայորդիները, ինչպէսեւ՝ իրանական մեր երկրի բազմաչարչար, սակայն մշտապէս տոկուն ժողովուրդը եւ հարեւան, բարեկամ ու հայրենական Հայաստանի ժողովուրդը եւ առհասարակ համաշխարհային ընտանիքը ամենադոյզն կորուստներով ու վնասներով յաղթահարեն 3-րդ հազարամեակի ցայժմ ամենաահաւոր սպառնալիքը, ի խնդիր աւելի մարդկային, աւելի միասնական ու աւելի համերաշխ աշխարհի…:

Յարակից լուրեր

  • Կորոնայի դէմ պայքարելու է նաեւ հայկական շտաբը...
    Կորոնայի դէմ պայքարելու է նաեւ հայկական շտաբը...

    Այսօր իսկ պաշտօնական հաղորդագրութեամբ Առողջապահութեան նախարարութիւնը զգուշացրեց հասարակայնութեանը, որ հնարաւորինս խուսափեն քաղաքային երթեւեկութիւնից եւ նախընտրաբար՝ խիստ անհրաժեշտութեան դէպքում միայն բացակայեն բնակարաններից, որպէսզի աւելի անվտանգ լինեն կորոնավիրուսի համաճարակից…

  • Կորոնավիրուսը եւ մենք...
    Կորոնավիրուսը եւ մենք...

    Մեր, եւ ոչ միայն, հանապազօրեայ կենսակերպի անբաժանելի հոգսն ու գերխնդիրն է դարձել, ահա, կորոնավիրուսը…

  • Փոխան խմբագրականի
    Փոխան խմբագրականի

    Իրանի Իսլ. Հանրապետութեան 11-րդ խորհրդարանի կեանքի կոչման գործընթացը (յատկապէս նախընտրական փուլում), ուղեկցւեց գրեթէ սպասւած առանձնայատկութեամբ, ի համեմատ նախորդող շրջանների…

  • Խամրած վստահութիւնը վերականգնելու հեռանկարով…
    Խամրած վստահութիւնը վերականգնելու հեռանկարով…

    Պահապան խորհրդի կողմից երկփուլ քննարկումներից յետոյ Մեջլիսի թեկնածուների վաւերականութիւնը հաստատւելով, կարելի է ասել, որ արդէն պաշտօնական փուլ են թեւակոխել խորհրդարանական առաջիկայ ընտրութիւնները…:

  • Ճգնաժամերը դիմագրաւելու ծանրագոյն հանգրւանը...
    Ճգնաժամերը դիմագրաւելու ծանրագոյն հանգրւանը...

    1- 2020 թւականի հէնց սկզբից Իրանի Իսլ. Հանրապետութիւնը պետական ողջ համակարգով, ահա, դիմագրաւում է արտաքին՝ քաղաքական, տնտեսական եւ քարոզչական եթէ ոչ աննախադէպ, բայց ծանրագոյն ճգնաժամեր, որոնք յաջորդեցին Բաղդադում յունւարի 3-ի գեներալ Սոլէյմանիի տեռորին՝ ԱՄՆ նախագահի անմիջական հրահանգի արդիւնքում…

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։