Հա

Օրակարգ

13/04/2020 - 14:40

ԽՕՍՔ-1 - Կորոնան եւ մարդկային արժէքների վերաիմաստաւորումը...

Շուրջ մէկամսեայ պարտադրեալ դադարից յետոյ, նորից Ձեզ հետ ենք «Ալիք»-ի սիրելի ընթերցողներ...

Իրանահայ միակ օրաթերթի 89-ամեայ կենսագրութիւնում հազւադէպ դադարներից էր այս վերջինը, երբ Նոռուզեան երկշաբաթեայ արձակուրդին հարկադրաբար աւելացաւ չարաբաստիկ կորոնայի համաճարակի բերումով «տնային արձակուրդը» եւս: Նման հարկադրանքի ենթարկւեց համաշխարհային ընտանիքը, թեւակոխած իր 3-րդ հազարամեակի 20-ական թւականի նորամուտ էջում արձանագրելով կորոնայական համաճարակի «Պանդեմիան»:

Դ. Մ.

 

Շուրջ մէկամսեայ պարտադրեալ դադարից յետոյ, նորից Ձեզ հետ ենք «Ալիք»-ի սիրելի ընթերցողներ...

Իրանահայ միակ օրաթերթի 89-ամեայ կենսագրութիւնում հազւադէպ դադարներից էր այս վերջինը, երբ Նոռուզեան երկշաբաթեայ արձակուրդին հարկադրաբար աւելացաւ չարաբաստիկ կորոնայի համաճարակի բերումով «տնային արձակուրդը» եւս: Նման հարկադրանքի ենթարկւեց համաշխարհային ընտանիքը, թեւակոխած իր 3-րդ հազարամեակի 20-ական թւականի նորամուտ էջում արձանագրելով կորոնայական համաճարակի «Պանդեմիան»:

Միջազգային փորձանքին դիմագրաւելու միեւնոյն միջազգային փորձը, սակայն, միանշանակ չարդիւնաւորւեց ու այդ իսկ պատճառով վճարւած ծանրակշիռ գինը՝ մարդկային կեանքերը նոյնինքն առաջադէմ եւրոպական երկրներում զարմանայարոյց դարձան...

Համաշխարհային «Պանդեմիան», սակայն ծանրագոյն գների վճարման պարտադրեց համապատասխան մակարդակներում՝ տնտեսական, աշխարհա-քաղաքական, հասարակագիտական ինչպէս տեղական ու շրջանային, այնպէս էլ միջազգային ու միջպետական գլոբալ յարաբերութիւններում, տակնուվրայ անելով մինչ այդ գործող օրինաչափութիւնները: Բացառութիւն էր միայն այն, որ կորոնան, ի հեճուկս մարդկային կեանքերի՝ Երկիր մոլորակին «պարգեւեց» նոյն մարդկային գործօնի ապիկարութեան հետեւանք՝ ապականւած կենսոլորտի վերաթարմացումը, իսկ միւս կողմից նոյն մարդկային թմրած մտքերում ու ուղեղներում վերակենդանացման նշոյլներ երեւացին՝ բարոյական մոռացւած ու ոտնահարւած արժէքները վերաիմաստաւորելու առումներով...:

Ահաւասիկ, Երկիր մոլորակի վրայ 8 միլիարդի հասնող մարդ-էակի առջեւ նորագոյն մարտահրաւէրը՝ կորոնայից առաւել դրա դիմագրաւմանն ու յաղթահարմանը յաջորդող հանգրւաններն են, որտեղ միեւնոյն մարդ-էակը խիստ անհրաժեշտութեամբ պարտաւորութիւն կունենայ թէ՛ անհատական, ընտանեկան, հասարակական եւ թէ՛ պետական ու համամարդկային իր միտքն ու կամքը ուղղորդի դէպի այնպիսի արժէքների վերարժեւորում ու վերականգնում, որոնք էլ երաշխաւորելու են նոյն մարդ-էակի ինչպէս նիւթաբարոյական, այնպէս էլ՝ հոգեմտաւոր բարօրութիւնը...:

Այդ հեռանկարով, ահա, մեր «Խօսք-2»-ով յաջորդիւ Ձեզ հետ սիրելի ընթերցողներ կը կիսւենք, առանցքում ունենալով իրանահայ համայնքում նոր համաճարակի եւ դրա ազդեցութիւնների թեման:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։