Print this page
02/05/2020 - 14:20

Մայիսեան յաղթանակների գաղափարա-քաղաքական մշտանորոգ պատգամը…

Առնւազն անցնող հարիւրամեակում Հայաստան երկրի ու Հայաշխարհի համար մշտապէս «Յաղթանակների ամիս» նշանաւորւող ՄԱՅԻՍ-ը, ինչպէս երբեւէ, այս տարի եւս մուտքագրւեց Մայիսմէկեան՝ աշխատաւորութեան փառապանծ տօնով…

Դ. Մ.

Առնւազն անցնող հարիւրամեակում Հայաստան երկրի ու Հայաշխարհի համար մշտապէս «Յաղթանակների ամիս» նշանաւորւող ՄԱՅԻՍ-ը, ինչպէս երբեւէ, այս տարի եւս մուտքագրւեց Մայիսմէկեան՝ աշխատաւորութեան փառապանծ տօնով…

Տօն, որին այս տարի յայտնի պատճառներով ընդառաջ գնաց նաեւ հայութիւնը, այսպէս ասած՝ «առցանց» կարգավիճակով:

Առջեւում, սակայն, միեւնոյն յաղթանակների (զուտ հայկական) ամիսը խորհրդանշելու եւ վերաիմաստաւորելու ենք մօտալուտ՝ Մայիս 9-եան եւ ամսավերջում՝ Մայիս 28-եան անդառնալի յաղթանակների համազգային նշանակութեան գաղափարային արժեհամակարգերը:

1992 թ. մայիսի 9-ին արծւաբոյն Արցախի ազատագրութեան բարձրակէտում վերանւաճւեց ու տայ Աստւած՝ ընդմիշտ՝ անառիկ բերդի վերածւեց հայկական Շուշին:

Շուշիի ազատամարտի անկրկնելի սերունդները, ինչ խօսք՝ հոգեհարազատօրէն էին սերտել Սեւակեան խորիմաստ պատգամն առ այն, որ.- «Սերունդնե՛ր, դուք ձեզ ճանաչէք Սարդարապատից»:

Ահաւասիկ, Շուշիի բերդից մինչեւ Սարդարապատեան ամրակուռ պարիսպներ ու դեռ Հայկական հողերի ողջ երկայնքով, Հայոց յաղթական բանակի մերօրեայ սերունդներն են կանգնած ամուր ու արթուն, որպէսզի սերտած դասերին ու աւանդած պատգամներին արժանավայել կեցւածքով ընդառաջ գնանք ազգովի, մէկ անգամ եւս վերարժեւորել-վերաիմաստաւորելով սեփական Յաղթանակների ամիս՝ Մայիսը…:

Յարակից լուրեր