Հա

Օրակարգ

11/10/2020 - 15:00

Եթէ կրկին սայթաքի դիւանագիտութիւնը...

Արցախեան ԱԶԱՏԱՄԱՐՏ-ը ընդդէմ թուրք-ադրբեջանական վայրագ պատերազմի, 15 օր անց՝ կրկին տեղափոխւեց դիւանագիտական դաշտ:

Դ. Մ.

 

Արցախեան ԱԶԱՏԱՄԱՐՏ-ը ընդդէմ թուրք-ադրբեջանական վայրագ պատերազմի, 15 օր անց՝ կրկին տեղափոխւեց դիւանագիտական դաշտ:

30 տարի անց՝ նոյն Արցախեան Ազատամարտը դարձեալ ապացուցեց, որ հակամարտութեան արդարացի լուծման հիմքը ոչ թէ ստալինա-թուրքական տարածքային դաւադիր ու շինծու բանաձեւումներն են, այլ՝ Արցախեան ժողովրդի ազգային բռնաբարւած իրաւունքի՝ ազատ ինքնորոշման պահանջատիրութեան իրացումը:

30 տարի շարունակ նոյն դիւանագիտութիւնը փորձեց ըստ ամենայնի հաւասար նժարի վրայ դնել ոչ-համաչափ ծանրաքարեր, բայց ձախողեց, որի արդիւնքում էլ երկար տարիներ ուրւագծւած մնաց ոչ-պատերազմ, ոչ-խաղաղութիւն իրավիճակ, ապաեւ՝ 2016-ի քառօրեայ, այնուհետեւ 2020-ի տաւուշեան հակամարտութիւն, եւ… անցնող 15-օրեայում էլ՝ թուրք-ադրբեջանական աննախադէպ ագրեսիայի շղթայազերծում…:

Եթէ վերստին նոյն դիւանագիտութիւնը սայթաքի այնպէս, որ դարձեալ հաւասար նժարների վրայ խաղաքարեր դէսուդէն անելով՝ «առեւտուր-սակարկութիւն» անել, ապա, պէտք է փաստել, որ Երիցս ձախողւելու է ու տեղը զիջելու՝ ռազմադաշտի:

Ռուսաստանի նախաձեռնութեամբ, ահա, ձեւաւորւած եւ փխրուն հրադադարի հաստատման ֆ‎ոնին նոյն Մինսկի խմբի ձեւաչափով բանակցային-դիւանագիտական քայլերը յաջողութեան երաշխիքներ կունենան, եթէ՝

ա. Յստակօրէն արձանագրւի ադրբեջանական զինուժի նախայարձակ ու ագրեսոր լինելու հանգամանքը,

բ. Արձանագրւի եւ դատապարտւի Թուրքիայի վայրագ ներգրաււածութիւնը՝ շղթայազերծւած պատերազմում,

գ. Արձանագրւի եւ դատապարտւի նոյն Թուրքիայի ուղղակի մեղսակցութեամբ ԴԱԷՇ-ական վարձկանների Ադրբեջան տեղափոխումն ու ռազմադաշտում դրանց տեղակայումը,

դ. Եւ որ ամենակարեւորն է՝ վերոգրեալ փաստերը հիմք ծառայեցնելով՝ բնակցութիւնների առանցքում առաջնահերթօրէն վերականգնել Արցախի ռազմաքաղաքական ներկայացուցիչների թէ՛ մասնակցութիւնը, որպէս լիիրաւ կողմ, եւ թէ՛ նրանց արդար ու մինչ այժմ անտեսւած ու չգործադրւած՝ ազգային ինքնորոշման անխախտ իրաւունքի վերահաստատումը, համապատասխան երաշխիքների մեխանիզների կիրառմամբ:

Այլապէս՝ հայութեան համազգային այլեւս գերզգաստացած ու գերպահանջատէր մաքառումները յանուն Արցախեան փառապանծ Ազատամարտի շարունակւելու են ընդհուպ՝ մինչեւ ռազմա-քաղաքական ու ի վերջոյ դիւանագիտական յաղթական աւարտ…

Յարակից լուրեր

  • Լռութեան ձայնը...
    Լռութեան ձայնը...

    Սրանից շուրջ երեք տարի առաջ պատիւ ու երջանկութիւնն ունեցանք Երեւանի Պետ. համալսարանի պատմութեան ամբիոնում վայելելու հայկական Շուշին ազատագրող լեգենդար Արկադի Տէր-Թադէոսեանի (Կոմանդոս) խրախուսիչ-խթանիչ ներկայութիւնը:

  • Սորոս-թաւիշ, Արցախ-Սիւնիք եւ…
    Սորոս-թաւիշ, Արցախ-Սիւնիք եւ…

    1997-8-ին ՀՀ առաջին նախագահ Լեւոն Տէր-Պետրոսեանը «Արցախի գլխացաւանքից» ազատւելու համար «ընդամէնը» մի ծաւալուն յօդւած գրեց՝ «Պատերազմ, թէ՞ խաղաղութիւն. լրջանալու պահը», սեփական թէզի հրապարակումով: Սակայն դա ինքնին բաւարար էր, որպէսզի իր իսկ մերձաւոր ուժայինները, Վազգէն Սարգսեանի գլխաւորութեամբ, համոզեն իրեն, որ առանց այդ էլ խախուտ իշխանութիւնից հեռանայ, տեղը զիջելով Արցախեան ազատագրական պայքարում յաղթանակած նոր իշխանութիւններին…

  • Յաղթական երթի եւ աւարտի մտասեւեռումով...
    Յաղթական երթի եւ աւարտի մտասեւեռումով...

    Հաշւած ժամերից յետոյ հրաժեշտ ենք տալու 2020 թւականին: Թւական, որի մասին յաջորդող սերունդները դեռ շատ երկար ժամանակ (չասելու համար յաւերժ) յիշելու եւ ուղղակի թէ անուղղակի առնչակից են լինելու՝ պատմա-հասարակական եւ հոգե-մտաւոր օրինաչափութիւնների թելադրանքներով:

  • Լաթաքիա- Քեսաբից՝ Շուշի-Հադրութ...
    Լաթաքիա- Քեսաբից՝ Շուշի-Հադրութ...

    Լաթաքիա- Քեսաբից՝ Շուշի-Հադրութ...

  • Մտահոգւէք ոչ թէ Սփիւռքի, այլ Սորոսի կառոյցների միջամտութիւնից...
    Մտահոգւէք ոչ թէ Սփիւռքի, այլ Սորոսի կառոյցների միջամտութիւնից...

    Անցնող շաբաթների ընթացքում սփիւռքահայ բազմաթիւ ազգային-հասարակական կառոյցներ ինչպէսեւ՝ քաղաքական կուսակցութիւններ հայաստանեան յետպատերազմական ճգնաժամային իրավիճակի առնչութեամբ հանդէս եկան պաշտօնական կոչ-յայտարարութիւններով, որոնցում գերազանցապէս առաջարկւում-պահանջւում էր վարչապետի եւ նրա գլխաւորած իշխանախմբի հրաժարականը: Այս իրողութեանը զուգահեռ, ահա, լրատւութիւն է տարածւում, թէ Հայաստանի իշխանախումբը մտահոգւած այդ կոչ-յայտարարութիւններից, սփիւռքեան երկրներում աշխատող դեսպանութիւններին հրահանգել է տւեալ երկրներում առկայ հայ համայնքներին համոզել, որպէսզի զերծ մնան նմանօրինակ դիրքորոշումներից ու դրանք բարձրաձայնել-հրապարակելուց:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։