Հա

Օրակարգ

14/11/2020 - 16:00

ԽՕՍՔ. Խրիմեանական ոգու առկայծում է հարկաւոր...

Օրհաս է ապրում Հայաշխարհը...

Հայաստան-Արցախ-Սփիւռք Եռամիասնութիւնը՝ խոցւած...

Դ. Մ.

 

«Ես միշտ այստեղ եմ լինելու, մի պատ էլ մնայ` նստելու եմ այդ պատի տակ»

Խոցւած Արցախի հերոս

առաջնորդ Պարգեւ Սրբազան

 

Օրհաս է ապրում Հայաշխարհը...

Հայաստան-Արցախ-Սփիւռք Եռամիասնութիւնը՝ խոցւած...

Եռամիասնութեան ողնաշար՝ Արցախն են խոցել...

Հայաշխարհը՝ ընդվզած...

Ազատութեան հրապարակից է հնչում ազգի ցասումը, բողոքն ու պահանջը:

Ցասում՝ խաբւած-նսեմացւած լինելու, բողոք՝ անտեսւելու ե՛ւ պահանջ՝ Հայրենազրկումը կանխելու համար:

Այս ամէնն է խտացւած ու բանաձեււած, ահա, Արցախի թեմի առաջնորդ Պարգեւ Սրբազանի ահազանգող խօսք-պատգամում, հնչած՝ յաւիտեանս անառիկ Շուշիի Ղազանչեցոցից...

Ահաւասիկ.

.... Վեհափառ Հայրեր՝ Ամենայն Հայոց Գարեգին 2-րդ եւ Մեծի Տանն Կիլիկիոյ Արամ Առաջին, հրապարակ իջէք... կանգնէք ազգի մերօրեայ պոռթկումի առաջնագծում եւ ազգի ոգին, հոգին ու սիրտը ողողէք Համազգային առաւել հուժկու Պահանջատիրութեամբ, յաչս աշխարհի:

Վերապրելով ճակատագրական պահը, մերօրեայ Խրիմեան Հայրիկ դառնալ է հարկաւոր, որպէսզի թղթէ շերեփների ձախորդ ճակատագրի պատրանքները չուղեկցւեն հայրենազրկմամբ:

Թուրք ոսոխի դէմ Ս. Էջմիածինը պաշտպանող Գէորգ 5-րդի օրինակով սատար կանգնէք Ղազանչեցոցն ու Դադիվանքը չլքող Պարգեւ Սրբազանին:

Մի մոռացէք, որ ազգին հայրենազուրկ դարձնող մերօրեայ Վասակները նոյն այն ազգադաւկռապաշտներն են, ովքեր դեռ երէկ իրենց առաջին թիրախն էին դարձրել Ս. Էջմիածինն ու քարկոծում հայոց կաթողիկոսին, ծանակելով հայութեան ոգու առկայծման հաւատոյ հանգանակ՝ Հայոց Առաքելական Եկեղեցին...

Արդ, ո՞ւր են եկեղեցական-հոգեւորական թափօրները՝ Երեւանեան ըմբոստացած հրապարակներում ու փողոցներում...

Պատնէշին կանգնածը, բայց միայնակ՝ մերօրեայ Խրիմեան Հայրիկն է, Գէորգ 5-րդը եւ ազգի ողնաշարին կառչած, հերոս հոգեւորական Պարգեւ Սրբազանը:

Նա պատգամում է մեզ՝ բոլորիս.- մի թողէք կոտրեն ազգի լինելիութեան ու գոյապայքարի առանցքն ու դրա ողնաշարը հանդիսացող Հայոց Արցախը:

Վեհափառ Հայրեր,

Ընդառաջ եղէք՝ ազգովի յարատեւ պայքար մղելու, ամրապնդելու համար առաւել քան երբեւէ Հայի տոկունութիւնն ու ոտնահարւած խիղճը փոխհատուցելու՝ յանուն համազգային արժանապատւութեան վերականգնման ու յանուն գալիք յաղթող սերունդների արժանավայել Հայրենակերտման ... :

Յարակից լուրեր

  • Վճռորոշ ընտրութիւններ Իրանում եւ Հայաստանում...
    Վճռորոշ ընտրութիւններ Իրանում եւ Հայաստանում...

    Վաղն՝ Իրանում, իսկ երեք օր անց հարեւան ու բարեկամական Հայաստանում վճռորոշ ընտրութիւններ են կայանալու:

    Իրանում համապետական մասշտաբով ընտրւելու է նոր նախագահ՝ նոր կառավարութեան ձեւաւորմամբ, իսկ Հայաստանում եւս թէեւ համապետական, բայց արտահերթ կերպով, պէտք է ձեւաւորւի նոր խորհրդարան՝ Ազգային ժողով, յետպատերազմական եօթամսեայ նոյնչափ արտակարգ ներ-քաղաքական ու արտաքին քաղաքականութեան ու յատկապէս անվտանգութեան պայմաններում:

  • Ռազմական գործողութիւնները Հիւսիսային Իրանում եւ քրիստոնեայ բնակչութեան (հայերի եւ ասորիների) կոտորածները 1914-1916թթ.
    Ռազմական գործողութիւնները Հիւսիսային Իրանում եւ քրիստոնեայ բնակչութեան (հայերի եւ ասորիների) կոտորածները 1914-1916թթ.

    Առաջին աշխարհամարտի նախօրեակին, ըստ գերմանական եւ թուրքական հրամանատարութիւնների մշակած ծրագրի, ռազմական գործողութիւններ էին նախատեսւել նաեւ Իրանում, որի տարածքը Գերմանիան եւ Թուրքիան մտադիր էին օգտագործել որպէս միջանցք՝ Բաքւի նաւթային շրջաններն ու այնուհետեւ Միջին Ասիան գրաւելու համար: Ուստի Հիւսիսային Իրանը եւս վերածւեց հակամարտող երկու ճամբարների ռազմական գործողութիւնների թատերաբեմի : «Թուրքերու ընդհանուր ծրագիրն էր,- գրում է Ա. Խատիսեանը,- գրաւել Պաթում-Պաքու երկաթուղագիծը, տիրել Պաքւի նաւթահանքերուն, փոխադրել զօրքերը Թուրքէստան եւ այնտեղէն սպառնալ Անգլիոյ: Միաժամանակ անոնք կը շարունակէին մօտենալ Ալեքսանդրապոլին, որպէսզի այնտեղէն երթան Պաքու, Ջուլֆա, Պարսկաստան, իսկ այդ տեղէն ալ սպառնալ Պաղտատի՝ անգլիացիներուն»:

  • Ո՞ւր են պետականամէտ ստանդարտները...
    Ո՞ւր են պետականամէտ ստանդարտները...

    Հայաստանի Հանրապետութեան թանկագին բարեկամներ, քաղաքացիներ.

    Մենք՝ Իրանահայերս ապրում ենք աւելի քան 2500-ամեայ պետականութեան ժառանգութեամբ մի երկրում, որն վերջին 40 տարիների ընթացքում ճաշակել է բառի ամենալայն իմաստով յեղափոխութիւն եւ սրան անմիջապէս յաջորդած՝ արեւմտեան գերուժերի հովանաւորութիւնը վայելող Սադդամեան Իրանքի պարտադրեալ 8-ամեայ աւերիչ պատերազմը:

  • Յաւերժ անառիկ Շուշին…
    Յաւերժ անառիկ Շուշին…

    Հայկական Շուշին հայոց ենթագիտակցութեան մէջ մշտապէս եղել է անառիկ: Պատմա-հոգեբանական սոյն փաստն ու իրողութիւնը խեղաթիւրւել ու նենգափոխւել է դեռեւս 100 տարի առաջ, երբ Ստալինեան Բոլշեւիզմի դաւադիր մատուցմամբ թուրք-թաթարական վոհմակը «տիրացաւ» Շուշին, ամբողջ 7-ը տասնամեակ:

  • Իրանը՝ Նոր տարւայ եւ նոր դարաշրջանի շեմին...
    Իրանը՝ Նոր տարւայ եւ նոր դարաշրջանի շեմին...

    Օրաթերթիս համար ոչ-աշխատանքային (արձակուրդային) իրավիճակի ամենաերկարատեւ պահերը, ըստ աւանդութեան, պայմանաւորւած են եղել Իրանական Նոր տարւայ (Նոռուզ) 15-օրեայ «Հանգստեան օրեր»-ով…

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։