Հա

Օրակարգ

31/12/2020 - 13:40

Յաղթական երթի եւ աւարտի մտասեւեռումով...

Հաշւած ժամերից յետոյ հրաժեշտ ենք տալու 2020 թւականին: Թւական, որի մասին յաջորդող սերունդները դեռ շատ երկար ժամանակ (չասելու համար յաւերժ) յիշելու եւ ուղղակի թէ անուղղակի առնչակից են լինելու՝ պատմա-հասարակական եւ հոգե-մտաւոր օրինաչափութիւնների թելադրանքներով:

Դ. Մ.

 

Հաշւած ժամերից յետոյ հրաժեշտ ենք տալու 2020 թւականին: Թւական, որի մասին յաջորդող սերունդները դեռ շատ երկար ժամանակ (չասելու համար յաւերժ) յիշելու եւ ուղղակի թէ անուղղակի առնչակից են լինելու՝ պատմա-հասարակական եւ հոգե-մտաւոր օրինաչափութիւնների թելադրանքներով:

1- Որպէս հինաւուրց համայնք, իրանահայութիւնը եւս անմասն չմնաց գրեթէ հէնց անցնող տարեսկզբից իր հրեշաւոր գլուխը բարձրացրած կորոնավարակի համաշխարհային պանդեմիայից: Ֆիզիկական ցաւալի կորուստներից զատ, պարտաւորւեցինք դիմագրաւել համայնքային ու հասարակական աննախադէպ բացերը, որոնք առաջացան ինչպէս անհատական-ընտանեկան, այնպէս էլ եւ յատկապէս մեր հաւաքական կեանքում ու փոխյարաբերութիւններում, որոնք, ինչ խօսք՝ կարեւոր նախադրեալներն են համայնքային կենսունակ կեանքի յարատեւմանը: Եւ իրաւամբ պէտք է փաստել, որ մեր աւանդական փոխյարաբերութիւնները, որոնք տասնամեակներ շարունակ դաջւած էին մեր հոգեւոր, կրթական-դպրոցական  ու մարզա-մշակութային եւ միութենական ապրելակերպում, փոխարինւեցին արհեստական, անհարազատ եւ այսպէս ասած՝ առցանց փոխյարաբերութիւններով, որոնք, յուսանք վերստին կը փոխարինւեն մեր համայնքին հոգեհարազատ՝ աւանդականով...:

2- Դարձեալ որպէս հինաւուրց եւ յատկապէս ամենահայաստանամերձ համայնք, ազգային արժանապատւութեան եւ համազգային նշանակութեան օրինաչափութիւններից մղւած՝ պարտաւորւել ենք ծանրագոյն մարտահրաւէրներ դիմագրաւել հայրենական՝ Արցախա-հայաստանեան առգոյ իրողութեանց բախտորոշ-ճակատագրական եւ իրաւամբ տատասկոտ ճանապարհին:

Եւ այսպէս՝ լոկ պամտութեան գրքերում տեսած-կարդացած հայրենազրկման ցաւագին դրւագների առարկայօրէն ականատեսը դարձանք նոյն՝ 2020 թ.-ի վերջին ամիսներին ու օրերին, ամենաթանակագին մարդկային կորուստների՝ հազարաւոր նահատակներ զոհասեղանի վրայ տեսներով…: Դրանից բացի, ապրում ենք ծանրագոյն վիշտը համազգայնօրէն, ի տես բազմահազար վիրաւորների, հաշմանդամների, անհետ կորածների եւ գերիների դառնագոյն ճակատագրի:

Ապագայի հաշւին մեծագոյն մարտահրաւէր, որը հայը փորձում եւ որ պարտաւո՛ր է դիմագրաւել համազգայնօրէն, նախ՝ սրբագրելու համար յատկապէս ապիկար ու անձնատուր իւրայինի կողմից նսեմացւած-խոցւած ազգային արժանապատւութիւնը, եւ ապա՝ վերականգնելու համար հայրենական-պետական անվտանգութիւնը, արժանապատիւ ինքնիշխանութիւնը եւ հող-հայրենիի անսակարկելի ամբողջականութիւնը…:

Ահաւասիկ, այս համընդհանուր օրակարգով է, որ բովանդակ հայութիւնը դիմաւորման է գնում Նոր տարւան, յարատեւ պայքարի յաղթական երթի ու աւարտի մտասեւեռումով…:

 

Յարակից լուրեր

  • Լռութեան ձայնը...
    Լռութեան ձայնը...

    Սրանից շուրջ երեք տարի առաջ պատիւ ու երջանկութիւնն ունեցանք Երեւանի Պետ. համալսարանի պատմութեան ամբիոնում վայելելու հայկական Շուշին ազատագրող լեգենդար Արկադի Տէր-Թադէոսեանի (Կոմանդոս) խրախուսիչ-խթանիչ ներկայութիւնը:

  • Սորոս-թաւիշ, Արցախ-Սիւնիք եւ…
    Սորոս-թաւիշ, Արցախ-Սիւնիք եւ…

    1997-8-ին ՀՀ առաջին նախագահ Լեւոն Տէր-Պետրոսեանը «Արցախի գլխացաւանքից» ազատւելու համար «ընդամէնը» մի ծաւալուն յօդւած գրեց՝ «Պատերազմ, թէ՞ խաղաղութիւն. լրջանալու պահը», սեփական թէզի հրապարակումով: Սակայն դա ինքնին բաւարար էր, որպէսզի իր իսկ մերձաւոր ուժայինները, Վազգէն Սարգսեանի գլխաւորութեամբ, համոզեն իրեն, որ առանց այդ էլ խախուտ իշխանութիւնից հեռանայ, տեղը զիջելով Արցախեան ազատագրական պայքարում յաղթանակած նոր իշխանութիւններին…

  • Լաթաքիա- Քեսաբից՝ Շուշի-Հադրութ...
    Լաթաքիա- Քեսաբից՝ Շուշի-Հադրութ...

    Լաթաքիա- Քեսաբից՝ Շուշի-Հադրութ...

  • Մտահոգւէք ոչ թէ Սփիւռքի, այլ Սորոսի կառոյցների միջամտութիւնից...
    Մտահոգւէք ոչ թէ Սփիւռքի, այլ Սորոսի կառոյցների միջամտութիւնից...

    Անցնող շաբաթների ընթացքում սփիւռքահայ բազմաթիւ ազգային-հասարակական կառոյցներ ինչպէսեւ՝ քաղաքական կուսակցութիւններ հայաստանեան յետպատերազմական ճգնաժամային իրավիճակի առնչութեամբ հանդէս եկան պաշտօնական կոչ-յայտարարութիւններով, որոնցում գերազանցապէս առաջարկւում-պահանջւում էր վարչապետի եւ նրա գլխաւորած իշխանախմբի հրաժարականը: Այս իրողութեանը զուգահեռ, ահա, լրատւութիւն է տարածւում, թէ Հայաստանի իշխանախումբը մտահոգւած այդ կոչ-յայտարարութիւններից, սփիւռքեան երկրներում աշխատող դեսպանութիւններին հրահանգել է տւեալ երկրներում առկայ հայ համայնքներին համոզել, որպէսզի զերծ մնան նմանօրինակ դիրքորոշումներից ու դրանք բարձրաձայնել-հրապարակելուց:

  • Ո՞ւր մնաց մարդկային ամօթն ու ազգային արժանապատւութիւնը...
    Ո՞ւր մնաց մարդկային ամօթն ու ազգային արժանապատւութիւնը...

    Կարծես քիչ էր ողջ հայութեան համազգային հպարտութեան ու յաղթանակի խորհրդանիշ Արցախեան տարածքների դաւաճանական յանձնումը հայատեաց Ադրբեջանին, հիմա էլ նոյն աղաղակող պետական դաւաճանական արարքը արդարացնելու համար նոր արշաւներ են սկսել ինստագրամային նիկոլասէրները…

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։