Հա

Օրակարգ

11/02/2021 - 08:00

«Պատմական Յիշողութեան» օրինաչափութիւնը...

Հայը ազգակերտման ուղի է հարթել դեռեւս իր սկզբնաւորման ակունքներում, երբ Հայկեան կերպարով ընդվզել է Բէլի դէմ…

Հետագային՝ 1500 տարի առաջ, նոյն հայը ինքնակերտման եւ ինքնիշխանութեան բացառիկ ոստիւն է կատարել՝ Վարդանանքի խիզախումով ընդդէմ Հազկերտների:

Դ. Մ.

 

Հայը ազգակերտման ուղի է հարթել դեռեւս իր սկզբնաւորման ակունքներում, երբ Հայկեան կերպարով ընդվզել է Բէլի դէմ…

Հետագային՝ 1500 տարի առաջ, նոյն հայը ինքնակերտման եւ ինքնիշխանութեան բացառիկ ոստիւն է կատարել՝ Վարդանանքի խիզախումով ընդդէմ Հազկերտների: Այստեղից էլ, ահաւասիկ, հայակերտման ու ազգակերտման հայ հանճարի բնութագիրը.- «…Աւարայրից ջանք առանք…» բազմիմաստ խորհրդով…: Ու հաստատապէս կարելի է, ինչպէս երբեւէ, փաստել, ու թէկուզ 1500-րդ անգամ, որ Աւարայրներն ու Վարդանանց խոյանքները լոկ յիշարժան թւականից առաւել դա հայ էթնոսի «Պատմական Յիշողութեան» սերտած դասի ապագայակերտ օրինաչափութիւնն է՝ նոյն պատմական եւ թէ՛ ժամանակակից ազգակործան պատւարները փշրելու -շրջանցելու համար:

* * *

Որպէս գաղափարախօսական հակոտնեաներ՝ ազգայինի ու հակազգայինի միջեւ ճակատումներն ու կռիւները ոչ միայն չեն լիցքաթափւել առնւազն վերջին հարիւրամեակում, այլեւ նոր կերպարանքներ ու դրսեւորումներ ստանալով՝ լիցքաւորել են ազգամիջեան տարատեսակ բախումները…

Մեր դէպքում ազգային-հակազգային հակադրութիւնները նոր ծաւալ ու բնաւորութիւն են կրել կրկին՝ նախորդ դարի 20-ականներից սկսեալ, երբ Անկախ Հայաստանի ազգային համակարգը փոխարինւեց հակազգային-ապազգային համակարգով: Խորքում նոյն հակազգային-ապազգային գաղափարախօսութիւնը մինչ համակարգային փլուզումը՝ 1990-ին, պատրաւորւել էր ծնկի գալ ազգայինի առջեւ, որի ամենախօսուն վկաները հանդիսացան միեւնոյն «Պատմական Յիշողութեան» ջատագովների «Սարդարապատեան խենթերի» կանչերը, ասել է թէ՝ նոյն Աւարայրներից ջանք առնելու վերաիմաստաւորումը…:

Ահաւասիկ, պետական անկախութեան ձեւաւորման ու կայացման անցնող 30-ամեայ մաքառումների առանցքում դարձեալ ազգայինի դէմ ապազգայինի կռիւը նորացւած կերպարանքով ու դրսեւորումներով, խանգարել է ազգի բնականոն ընթացքը թէ՛ ներքին, եւ թէ՛ արտաքին ճակատներում, պարտադրելով հային ու Հայաստանին ծանրագոյն գների վճարման…

Վայրի նէօ-լիբերալիզմն ու այսօր արդէն ոչ միայն ապազգային, այլեւ անհայրենիք պոպուլիստ-ամբոխավարները հիմնայատակ կործանման են կոչւել ազգայինի պահպանման գլխաւոր պատւանդան-երաշխիքի՝ պետականութեան ու հայի ինքնիշխանութեան դէմ, տեղ-տեղ ապիկարութեամբ, տեղ-տեղ էլ՝ ազգադաւութեամբ…:

Եւ հայութեան համար համազգային մասշտաբով գերազանցապէս օրհասական այս ժամանակաշրջանում կրկին ու կրկին վերականգնւելու յոյսի գրաւականը անկասկած լինելու է ազգի առողջ բնազդին՝ ազգային գաղափարախօսութեան փրկարար ձայնին կառչելը: Իսկ «Պատմական Յիշողութեան» օրինաչափութեան մերօրեայ թելադրանքը ոչ այլ ինչ է, եթէ ոչ նոյն այդ ձայնին ունկնդիր լինելը՝ Աւարայրների ու Վարդանանքների խորախորհուրդ ոգու կանչերով…

Յարակից լուրեր

  • Յաւերժ անառիկ Շուշին…
    Յաւերժ անառիկ Շուշին…

    Հայկական Շուշին հայոց ենթագիտակցութեան մէջ մշտապէս եղել է անառիկ: Պատմա-հոգեբանական սոյն փաստն ու իրողութիւնը խեղաթիւրւել ու նենգափոխւել է դեռեւս 100 տարի առաջ, երբ Ստալինեան Բոլշեւիզմի դաւադիր մատուցմամբ թուրք-թաթարական վոհմակը «տիրացաւ» Շուշին, ամբողջ 7-ը տասնամեակ:

  • Իրանը՝ Նոր տարւայ եւ նոր դարաշրջանի շեմին...
    Իրանը՝ Նոր տարւայ եւ նոր դարաշրջանի շեմին...

    Օրաթերթիս համար ոչ-աշխատանքային (արձակուրդային) իրավիճակի ամենաերկարատեւ պահերը, ըստ աւանդութեան, պայմանաւորւած են եղել Իրանական Նոր տարւայ (Նոռուզ) 15-օրեայ «Հանգստեան օրեր»-ով…

  • Լեզուն ոսկոր չունի, համացանցն էլ՝ բարոյութիւն...
    Լեզուն ոսկոր չունի, համացանցն էլ՝ բարոյութիւն...

    Նորագոյն ու հզօր տեխնոլոգիաների այս ժամանակաշրջանում, համացանցի բարիքներին ու առաւելութիւններին անխուսափելիօրէն զուգակցւում են չարիքներն ու ստորացումները…, անշուշտ, որպէս անհատական, հաւաքական եւ ընդհուպ՝ քաղաքական շահարկումների ընձեռած հարթակ:

  • Մեր սրբութեան սրբոց՝ Հայրենիք-Պետականութեան փրկութեան ի խնդիր...
    Մեր սրբութեան սրբոց՝ Հայրենիք-Պետականութեան փրկութեան ի խնդիր...

    Ու այսպէս.-

    Փաստ 1.

    Երէկ հայատեաց ու հայաստանատեաց Ալիեւը յայտարարելով այն մասին, որ Զանգեզուրը ադրբեջանական պատմական հող է, ուստի այդտեղից էլ անցնելու է հաղորդակցական ուղին՝ կապելով միմեանց Ադրբեջանը, Նախիջեւանն ու Թուրքիան (աւելի քան հարիւրամեայ երազի՝ պանթուրանիզմի միջանցքը):

  • «Մարդասէրների» խարանւած ճակատը...
    «Մարդասէրների» խարանւած ճակատը...

    Արտաքին ճակատում.-

    -44-օրեայ պատերազմի ողջ ընթացքում բազմաթիւ էին Հայաստանի եւ Արցախի քաղաքացիների բողոք-պահանջի այն ցոյցերը, որոնք կատարւում էին ՄԱԿ-ի, Եւրոմիութեան, ԱՄՆ-ի, Անգլիայի եւ այլ երկրների դեսպանատների առջեւ: 

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։