Հա

Օրակարգ

13/02/2021 - 15:00

Իշխանութիւն-պետութիւն տարանջատման հասկացութեան մասին...

Յարգելի ընթերցող, նախ եւ առաջ արձանագրենք այն փաստը, որ ինչպէս միշտ՝ Հայաստանեան թէ հայրենական (Արցախ, Ջաւախք եւ Արեւմտեան Հայաստան ներառեալ) որեւէ հիմնախնդիր, լինի դա քաղաքական, տնտեսական, հասարակական ու յատկապէս անվտանգութեանը առնչւող, կրում է գերազանցապէս համազգային ու համահայկական բնոյթ:

Դ. Մ.

 

Յարգելի ընթերցող, նախ եւ առաջ արձանագրենք այն փաստը, որ ինչպէս միշտ՝ Հայաստանեան թէ հայրենական (Արցախ, Ջաւախք եւ Արեւմտեան Հայաստան ներառեալ) որեւէ հիմնախնդիր, լինի դա քաղաքական, տնտեսական, հասարակական ու յատկապէս անվտանգութեանը առնչւող, կրում է գերազանցապէս համազգային ու համահայկական բնոյթ:

Ասել է թէ՝ սփիւռքեան ու արտերկրային տարատեսակ պայմաններում հայութեան գոյութեան պահպանումը եւ որպէս հայկական հանրոյթ (այն էլ շուրջ 8 միլիոն հաշւող) հաշւառելի դրամագլուխ դառնալու հիմնական գրաւականը՝ Հայրենիքի վերոգրեալ ոլորտների առաջընթացն ու յուսալիութիւնն է: Այլ խօսքով, եւ որ դա շատ էական է ազգային-հայրենասիրական արժէքներին կառչած մնալու համար, դա միեւնոյն համազգային արժանապատւութեան եւ որպէս այդպիսին համաշխարհային ընտանիքի կողմից ընկալւելու հիմնահարցն է:

2-րդ արձանագրելիք փաստը, դա սկսեալ 2020 թ.-ի նոյ. 10-ից ի վեր Հայաստան-Արցախի համար ստեղծւած այն ձախորդ իրավիճակն է, որն ըստ էութեան բովանդակ հայութեանը Համազգային մասշտաբով մեծ արհաւիրքի առջեւ կանգնեցրեց, որից էլ համաչափօրէն տուժել ենք ու խոցւել՝ հայրենազրկման, մարդկային վիթխարի կորուստների (ներառեալ հազարաւոր վիրաւոր-հաշմանդամներ) եւ բարոյա-հոգեբանական ծանրակշիռ բացասական ցուցանիշերի որպէս արդիւնք՝ մեր ազգային արժանապատւութեան առումներով:

Այս համընդհանուր իրավիճակի, կարելի է ասել քաոսային պայմաններում, Հայաստանում բնակւող եւ դեռեւս շոկային պայմաններում գտնւող քաղաքացիները անմիջականօրէն քննադատութեան եւ բողոքի թիրախ են դարձրել իշխանութիւններին, նրանց վերագրելով կապիտուլիանտ (անձնատուր-պարտւողական,- եւ սա այն դէպքում, երբ ամբողջ 44 օր հայաշխարհին հրամցնում էին «յաղթելու ենք» լոզունգը…):

Սփիւռքում, սակայն, բողոքները, քննադատութիւնները կրում են ցայսօր, նախընտրաբար ներկայացուցչական բնոյթ, որոնք արտայայտւել են տասնեակ կառոյցների՝ հոգեւոր-եկեղեցական միաբանութիւնների, հասարակական կազմակեպութիւնների, քաղաքական կուսակցութիւնների եւ մինչեւ իսկ մշակութային-բարեսիրական միութիւն ու կազմակերպութիւնների համապատասխան պաշտօնական հաղորդագրութիւններով…:

Անշուշտ, թէ՛ Հայաստանում, եւ թէ՛ Սփիւռքում գտնւեցին խումբ-խմբակցութիւն-անհատներ եւս, որոնք որպէս հակընդդէմ բողոքողներ այն կարծիքի են, որ… այնուամենայնիւ չպէտք է քննադատել ու դատապարտել Հայաստանի իշխանութիւններին, որպէսզի վերջիններս կարողանան վերականգնել բնականոն կեանքը…: Աւելի ծայրայեղականները լոկ թիրախ դարձնելով իշխանութեան ընդդիմադիր ուժերին ու յատկապէս ՀՅԴ-ին ու նրա աշխարհասփիւռ մամուլին, նրանց պիտակաւորում են որպէս հակահայաստանեաններ եւ այլն եւ այլն…: (Այստեղ առաջին զաւեշտը այն է, որ ծայրայեղականներին զուգահեռ եւ միաժամանակեայ ադրբեջանական հակաքարոզչութիւնն է՝ նոյն ՀՅԴ-ի դէմ, իսկ 2-րդ զաւեշտը այն է, որ մեր խնդրոյ առարկայ «Հայաստանասէրնե՜րը» ճգնում են հայրենասիրութեան դասեր տալ 130-ամեայ քաղաքական կազմակերպութեանը...):

Ամենեւին էլ այդ կարգի մեղադրանքներին (ի դէպ՝ վաղուց սպառւած) անդրադառնալու մտադրութիւն չունենալով, հարցը քննարկում ենք այլ տեսանկիւնից: Պարզ ու յստակ հասկացութիւն է այն, որ (տւեալ դէպքում Հայաստանի) պետութիւնն ու իշխանութիւնը նոյնանում են լոկ այն դէպքում, երբ իշխանութիւնները գործում, աշխատում եւ ընթանում են բացառապէս պետութեան ու պետականութեան շահերին համընթաց:

Նաեւ պարզ է ու յստակ, որ որեւիցէ երկրի պետականութիւն ամբողջովին կրում է նպատակային, իսկ որեւիցէ իշխանութիւն ստորադասային է պետականութեան համեմատ եւ կրում է ժամանակաւոր, միջոցային ու ոչ ինքնանպատակ բնոյթ:

Այպիսով՝ քննադատելին, այսինքն՝ իշխանութիւնը (կառավարութիւն, խորհրդարան, դատական ատեաններ) թիրախ է դառնում այն պահին, երբ թէ՛ որպէս միջոց, ու թէ՛ որպէս ներկայացուցիչը՝ պետականութեան, իրեն չի արժեցրել նոյն պետականութեան ամրապնդման ու դրա ամբողջական շահերին…:

Այս հասկացութիւնները, անշուշտ, այսպէս թէ այնպէս կիրառւում են բնականոն ստանդարտներով ընթացող երկիր-պետութիւններում, իսկ Հայաստանի դէպքում, երբ համընդհանուր խօսւում ու բարձրաձայնւում է պետականութեանը թիկունքից հարւածած իշխանութեան դաւադրական քայլերի մասին, արդէն խնդիրը դառնում է երիցս բարդ ու խրթին, իսկ պետականութեան պահպանման հիմնահարցը դառնում անյետաձգելի, յատկապէս որ դրա պահանջարկը կրում է համազգային մասշտաբ ու տարողութիւն…:

Ահաւասիկ, հարկաւոր է ըստ ամենայնի տարանջատել միմեանցից իշխանութիւն-պետութիւն հասկացութիւնները եւ մէկ անգամընդմիշտ արձանագրել, որ յանուն մնայուն Պետականութեան ու Հայրենիքի, հնարաւոր է զիջել գնայունը՝ իշխանութիւնը, մանաւանդ երբ այս վերջինը անառարկելիօրէն իրեն դրսեւորում է՝ պետութեանը անխտիր բոլոր ոլորտներում աննախադէպ հարւածների թիրախը դարձնել...:

Յարակից լուրեր

  • Յաւերժ անառիկ Շուշին…
    Յաւերժ անառիկ Շուշին…

    Հայկական Շուշին հայոց ենթագիտակցութեան մէջ մշտապէս եղել է անառիկ: Պատմա-հոգեբանական սոյն փաստն ու իրողութիւնը խեղաթիւրւել ու նենգափոխւել է դեռեւս 100 տարի առաջ, երբ Ստալինեան Բոլշեւիզմի դաւադիր մատուցմամբ թուրք-թաթարական վոհմակը «տիրացաւ» Շուշին, ամբողջ 7-ը տասնամեակ:

  • Իրանը՝ Նոր տարւայ եւ նոր դարաշրջանի շեմին...
    Իրանը՝ Նոր տարւայ եւ նոր դարաշրջանի շեմին...

    Օրաթերթիս համար ոչ-աշխատանքային (արձակուրդային) իրավիճակի ամենաերկարատեւ պահերը, ըստ աւանդութեան, պայմանաւորւած են եղել Իրանական Նոր տարւայ (Նոռուզ) 15-օրեայ «Հանգստեան օրեր»-ով…

  • Լեզուն ոսկոր չունի, համացանցն էլ՝ բարոյութիւն...
    Լեզուն ոսկոր չունի, համացանցն էլ՝ բարոյութիւն...

    Նորագոյն ու հզօր տեխնոլոգիաների այս ժամանակաշրջանում, համացանցի բարիքներին ու առաւելութիւններին անխուսափելիօրէն զուգակցւում են չարիքներն ու ստորացումները…, անշուշտ, որպէս անհատական, հաւաքական եւ ընդհուպ՝ քաղաքական շահարկումների ընձեռած հարթակ:

  • Մեր սրբութեան սրբոց՝ Հայրենիք-Պետականութեան փրկութեան ի խնդիր...
    Մեր սրբութեան սրբոց՝ Հայրենիք-Պետականութեան փրկութեան ի խնդիր...

    Ու այսպէս.-

    Փաստ 1.

    Երէկ հայատեաց ու հայաստանատեաց Ալիեւը յայտարարելով այն մասին, որ Զանգեզուրը ադրբեջանական պատմական հող է, ուստի այդտեղից էլ անցնելու է հաղորդակցական ուղին՝ կապելով միմեանց Ադրբեջանը, Նախիջեւանն ու Թուրքիան (աւելի քան հարիւրամեայ երազի՝ պանթուրանիզմի միջանցքը):

  • «Մարդասէրների» խարանւած ճակատը...
    «Մարդասէրների» խարանւած ճակատը...

    Արտաքին ճակատում.-

    -44-օրեայ պատերազմի ողջ ընթացքում բազմաթիւ էին Հայաստանի եւ Արցախի քաղաքացիների բողոք-պահանջի այն ցոյցերը, որոնք կատարւում էին ՄԱԿ-ի, Եւրոմիութեան, ԱՄՆ-ի, Անգլիայի եւ այլ երկրների դեսպանատների առջեւ: 

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։