Հա

Օրակարգ

09/03/2021 - 14:20

Լեզուն ոսկոր չունի, համացանցն էլ՝ բարոյութիւն...

Նորագոյն ու հզօր տեխնոլոգիաների այս ժամանակաշրջանում, համացանցի բարիքներին ու առաւելութիւններին անխուսափելիօրէն զուգակցւում են չարիքներն ու ստորացումները…, անշուշտ, որպէս անհատական, հաւաքական եւ ընդհուպ՝ քաղաքական շահարկումների ընձեռած հարթակ:

Դ. Մ.

 

Նորագոյն ու հզօր տեխնոլոգիաների այս ժամանակաշրջանում, համացանցի բարիքներին ու առաւելութիւններին անխուսափելիօրէն զուգակցւում են չարիքներն ու ստորացումները…, անշուշտ, որպէս անհատական, հաւաքական եւ ընդհուպ՝ քաղաքական շահարկումների ընձեռած հարթակ:

Համացանցային նմանատիպ շահարկման վերջին օրինակն է հանդիսացել այսպէս ասած՝ «Հայաստան հիմնադրամին» իրանահայութեան նւիրատւութիւնների իւրացումը՝ ՀՅԴ-ի կողմից …:

Ահաեւ՝ համացանցային օրւայ «հերոսները», որոնք անբարոյութիւնը այս մակարդակի հասցնելու ոչ ամօթն են ունեցել, ոչ էլ՝ դոյզն իսկ խելամտութիւնը, քանզի յիմար պիտի լինել չմբռնելու, որ տւեալ նւիրատւութիւնները յատկապէս խիստ փաստաթղթաւորւած են ու դժւար սակարկելի: Սակայն «հերոսների» նպատակը եղել է սոսկ ՀՅԴ-ին վարկաբեկելը, որն հայաստանեան ներքաղաքական իրավիճակից ելնելով ձեռնտու է իրենց պատւիրատուներին:

Խորհելու տեղիք է տալիս նաեւ այն, թէ ինչո՞ւ թիրախ է դարձել լոկ Իրանի ՀՅԴ կառոյցը… Չէ՞, որ պատերազմական շրջանում «Հիմնադրամին» օժանդակելու բազմաթիւ այլ սփիւռքեան համայնքներ են լծւել այդ գործին, որին ուղղակի, թէ՛ անուղղակի տարբեր կառոյցների հետ միասին, աջակցութիւն է ցուցաբերել մանաւանդ ՀՅԴ-ն ու նրան յարակից այլեւայլ կառոյցներ: Չնայած, որ նոյն աշխարհասփիւռ կառոյցների մօտ հետագայում խիստ հիասթափութիւն առաջացաւ ի տես «Հիմնադրամին» փոխանցւած աւելի քան 100 միլիոն դոլարի մեղմ ասած՝ աննպատակասլաց օգտագործման…:

Ինչեւէ, համացանցային հակադաշնակցութիւն վերջին յերիւրանքներին արժանի պատասխանը տւեցին ինչպէս հայաստանեան ՀՅԴ կառոյցի պատասխանատուները (տեսնել մեր երէկւայ մարտի 8-ի համարի Ա էջում), այնպէս էլ մեր այսօրւայ թւով՝ մեր համայնքում նւիրատւութիւնների համակարգող՝ ազգային իշխանութեան գործադիր մարմին՝ Թեմական խորհուրդը, որն էլ յստակ լուսաբանութեամբ վերահաստատեց մեր հինաւուրց համայնքի անդամների բարձր գիտակցութիւնը:

Ամփոփելով՝ հարկ ենք համարում բարձրաձայնել նաեւ այն պարագան, որ լայն շրջանառութեան մէջ դրած համացանացային հերթական ստերի ու կեղծիքների «հեղինակ-հերոսները» յականէ-յանւանէ նշել են ոմն իրանահայի, որի «վկայութիւններն» էլ (ըստ նոյն հեղինակների) հիմք են հանդիսացել այդ լկտի ու անբարոյ զրպարտութիւնների:

Ուստիեւ տեղին է, որպէսզի նշւած իրանահայը լինելով Թեհրանի հայոց թեմի Պատգամաւորական ժողովի անդամ, պատասխանատւութիւն կրի իր արդէն հերթական զրպարտութեան համար, նոյն ժողովի եւ ինչու չէ՝ հանրութեան առջեւ…:

Յարակից լուրեր

  • Իրանը՝ Նոր տարւայ եւ նոր դարաշրջանի շեմին...
    Իրանը՝ Նոր տարւայ եւ նոր դարաշրջանի շեմին...

    Օրաթերթիս համար ոչ-աշխատանքային (արձակուրդային) իրավիճակի ամենաերկարատեւ պահերը, ըստ աւանդութեան, պայմանաւորւած են եղել Իրանական Նոր տարւայ (Նոռուզ) 15-օրեայ «Հանգստեան օրեր»-ով…

  • Մեր սրբութեան սրբոց՝ Հայրենիք-Պետականութեան փրկութեան ի խնդիր...
    Մեր սրբութեան սրբոց՝ Հայրենիք-Պետականութեան փրկութեան ի խնդիր...

    Ու այսպէս.-

    Փաստ 1.

    Երէկ հայատեաց ու հայաստանատեաց Ալիեւը յայտարարելով այն մասին, որ Զանգեզուրը ադրբեջանական պատմական հող է, ուստի այդտեղից էլ անցնելու է հաղորդակցական ուղին՝ կապելով միմեանց Ադրբեջանը, Նախիջեւանն ու Թուրքիան (աւելի քան հարիւրամեայ երազի՝ պանթուրանիզմի միջանցքը):

  • «Մարդասէրների» խարանւած ճակատը...
    «Մարդասէրների» խարանւած ճակատը...

    Արտաքին ճակատում.-

    -44-օրեայ պատերազմի ողջ ընթացքում բազմաթիւ էին Հայաստանի եւ Արցախի քաղաքացիների բողոք-պահանջի այն ցոյցերը, որոնք կատարւում էին ՄԱԿ-ի, Եւրոմիութեան, ԱՄՆ-ի, Անգլիայի եւ այլ երկրների դեսպանատների առջեւ: 

  • Ազգայինի յաւերժական հրամայականով... Փետրւարեան ապստամբութեան 100-ամեակի առիթով
    Ազգայինի յաւերժական հրամայականով... Փետրւարեան ապստամբութեան 100-ամեակի առիթով

    Հայութեան ու Հայաստանի պատմութեան անցքերի ու վճռորոշ դրւագների մասին մերօրեայ գիտահետազօտական փորձերն ու մեկնաբանութիւնները, ինչ խօսք՝ խիստ անհրաժեշտ են ու օգտաւէտ: Դա արդէն տարիներ ի վեր կիրառւել է Հայաստանի Հանրապետութեան ակադեմական-գիտական շրջանակների մակարդակում: 

  • Իշխանութիւն-պետութիւն տարանջատման հասկացութեան մասին...
    Իշխանութիւն-պետութիւն տարանջատման հասկացութեան մասին...

    Յարգելի ընթերցող, նախ եւ առաջ արձանագրենք այն փաստը, որ ինչպէս միշտ՝ Հայաստանեան թէ հայրենական (Արցախ, Ջաւախք եւ Արեւմտեան Հայաստան ներառեալ) որեւէ հիմնախնդիր, լինի դա քաղաքական, տնտեսական, հասարակական ու յատկապէս անվտանգութեանը առնչւող, կրում է գերազանցապէս համազգային ու համահայկական բնոյթ:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։