Հա

Օրակարգ

13/09/2021 - 14:30

ՄԵՆՔ ԵՒ ՄԵՐ ԴԻՐՔՈՐՈՇՈՒՄՆԵՐԸ...

Սիրելի ընթերցող, յանուն անկեղծութեան ու անաչառութեան պարտաւորեցնող է, թէկուզ հպանցիկ, բայց մի քանի շրջանառւող երեւոյթների անդրադառնալ, աւելի պարզորոշ դարձնելու մեր՝ որպէս լրատւամիջոցի դիրքորոշումները: Մեր կարծիքով՝ այսպէս ուղիղ ու անմիջական հաղորդակցումը յարգելի ընթերցողի հետ, փարատում-քողազերծում է հաւանական, կամ էլ՝ Աստւած մի արասցէ՝ միտումնաւոր չարաշահումները, որոնք յատկապէս ապակողմնորոշիչ միջոցների են վերածւում համացանցային տեղեկատւութիւններում…:

1

Դ. Մ.

 

Սիրելի ընթերցող, յանուն անկեղծութեան ու անաչառութեան պարտաւորեցնող է, թէկուզ հպանցիկ, բայց մի քանի շրջանառւող երեւոյթների անդրադառնալ, աւելի պարզորոշ դարձնելու մեր՝ որպէս լրատւամիջոցի դիրքորոշումները: Մեր կարծիքով՝ այսպէս ուղիղ ու անմիջական հաղորդակցումը յարգելի ընթերցողի հետ, փարատում-քողազերծում է հաւանական, կամ էլ՝ Աստւած մի արասցէ՝ միտումնաւոր չարաշահումները, որոնք յատկապէս ապակողմնորոշիչ միջոցների են վերածւում համացանցային տեղեկատւութիւններում…:

Ահաւասիկ.-

Ամիսներ ի վեր մեր բոլորի ուշադրութեան եւ յատկապէս մտահոգութիւնների կիզակէտը հանդիսացող Հայաստանի Հանրապետութեան նորընտիր խորհրդարանի երեք ընդդիմադիր պատգամաւոր, ժողովրդաընտիր մանդատ ունենալով հանդերձ՝ կալանաւորւած են: Ըստ յիշեալների փաստաբան-պաշտպանների, ինչպէս նաեւ ՀՀ մարդու իրաւունքների պաշտպանի (ՄԻՊ) զեկոյցների եւ յատկապէս հասարակա-քաղաքական անկախ շրջանակների, երեք պատգամաւորների (երկուսը՝ Սիւնիքի շրջանից են) նկատմամբ յարուցւած դատական հետապնդումը բացառապէս քաղաքական ենթատեքստ ունի՝ տկարացնելու ընդդիմադիր ճակատի գործունէութիւնը խորհրդարանի օրէնսդրական եւ արտախորհրդարանական աշխատանքներում…

Սա, անշուշտ, քիչ թէ շատ օրինաչափ երեւոյթ է այլեւայլ երկրների ներքաղաքական անցուդարձերում եւ ուշ կամ շուտ իրաւական առումով եւս պարզորոշ կը դառնայ (քանզի իրական առումով ամէն ինչ պարզ է), թէ ով է իրաւացին եւ ով՝ անիրաւը…

Այստեղ մենք կուզենք ընդգծել 3 պատգամաւորներից մէկի՝ պրոֆ.-բժիշկ Արմէն Չարչեանի նկատմամբ ակնբախօրէն կատարւող անմարդկային վերաբերմունքի մասին, որի առնչութեամբ ոչ միայն ընդդիմադիր գործըկերներն են բողոքում-քննադատում, այլեւ հասարակա-քաղաքական եւ ժողովրդական-մտաւորական ամենատարբեր շրջանակները…:

Շաքարային դիաբետով հիւանդ ու կալանավայրում սրտի ինֆարկտ ստացած եւ այժմ էլ թոքաբորբով տառապող Չարչեանին դեռեւս կալանաւորւած են համարում իշխանութիւնները, կրելով հանդերձ պատգամաւորի առողջութեանը սպառնացող ամբողջական պատասխանատւութիւնը…:

Զաւեշտալին, սակայն, մարդկային իրաւունքների ու ժողովրդավարութեան մասին տասնամեակներ նոյն մարդկութեանը խաբող ու մոլորեցնող արեւմտա-եւրոպական դիւանագէտ-դեսպաններն են, որոնք էլ այսպէս ասած «նախկինների» օրօք, բաց չէին թողնում մինչեւ իսկ մի պարզ բնապահպան ակտիւիստի մարդկային իրաւունքների մասին բարձրաձայնելը, իսկ հիմա պապանձւել են՝ ակնյայտօրէն ոտնահարւող մարդկային իրաւունքների խնդրում:

Սրանց դէմքին, սիրելի ընթերցող, դեռ 100-ամեակ առաջ իմ ու քո Ազգային գաղափարի ու մարդկային իրաւունքի իրական պաշտպան ու ջատագով Սիամանթօներն են թքնել…

 

Յարակից լուրեր

  • ԵՌԱԲԼՈՒՐԻ ՊԱՏԳԱՄԸ…
    ԵՌԱԲԼՈՒՐԻ ՊԱՏԳԱՄԸ…

    Հարիւրամեակների կենսագրութեան երկայնքում հայութեանը, որպէս ազգային ուրոյն միաւոր, ուղեկից են եղել ազգի ամենափառաբանւած հասկացութիւն-գերաժէքներ` Անկախութիւնը, Ինքնիշխանութիւնը, Հայրենիք-Պետականութիւնը…

  • ՄԵՆՔ ԵՒ ՄԵՐ ԴԻՐՔՈՐՈՇՈՒՄՆԵՐԸ...
    ՄԵՆՔ ԵՒ ՄԵՐ ԴԻՐՔՈՐՈՇՈՒՄՆԵՐԸ...

    Փաստօրէն, որպէս սփիւռքահայեր ու մեր դէպքում՝ որպէս Հայաստանամերձ հինաւուրց համայնք, խորը մտահոգւած եւ ինչու չէ՝ անորոշ ապագայի հաշւին ծանր ենք տանում Հայաստան երկրին եւ բնականաբար դրանից բխող համազգային նշանակութեան որեւիցէ սպառնալիքի առկայութիւնը։

  • ՄԵՆՔ ԵՒ ՄԵՐ ԴԻՐՔՈՐՈՇՈՒՄՆԵՐԸ...
    ՄԵՆՔ ԵՒ ՄԵՐ ԴԻՐՔՈՐՈՇՈՒՄՆԵՐԸ...

    Մեր ԽՕՍՔ-ի այսօրւայ սիւնակում փորձել ենք նախորդ օրերի անդրադարձումներին որպէս լրացուցիչ քննարկում, ամփոփել մեր համընդհանուր կարծիքը առհասարակ հայաստանեան լրջագոյն եւ մարտահրաւէրային իրավիճակների առնչութեամբ:

  • ՄԵՆՔ ԵՒ ՄԵՐ ԴԻՐՔՈՐՈՇՈՒՄՆԵՐԸ...
    ՄԵՆՔ ԵՒ ՄԵՐ ԴԻՐՔՈՐՈՇՈՒՄՆԵՐԸ...

    Որպէս շարունակութիւն մեր երէկւայ ԽՕՍՔ-ի, հարկաւոր ենք համարում անդրադառնալ հայկական հանրոյթում շրջանառւող մէկ այլ երեւոյթի, որն էլ համացանցային «քննարկումների» տիրոյթում է գտնւում եւ որ փաստօրէն միտւած է վարկաբեկել Հայոց Ազգային գաղափարախօսութիւնն ու նրա 130-ամեայ պաշտպան ՀՅԴ-ին...

  • «Չարչեանի նկատմամբ իրականացւող քաղաքական հետապնդումը վերածւել է վերջինիս կեանքին եւ առողջութեանն ուղղւած սպառնալիքի». «Հայաստան» դաշինք
    «Չարչեանի նկատմամբ իրականացւող քաղաքական հետապնդումը վերածւել է վերջինիս կեանքին եւ առողջութեանն ուղղւած սպառնալիքի». «Հայաստան» դաշինք

    «Հայաստան» խմբակցութեան պատգամաւորները վերջին մէկ շաբաթւայ ընթացքում մի քանի անգամ այցելել են մեր գործընկերոջը եւ հրապարակավ յայտարարել, որ պրոֆեսորի առողջական վիճակը անհամատեղելի է ընտրւած խափանման միջոցի հետ, եւ կալանաւորումը անյապաղ պէտք է վերացւի: Այս մասին յայտարարութիւն է տարածել «Հայաստան» դաշինքը։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։