Հա

Օրակարգ

15/09/2021 - 13:40

ՄԵՆՔ ԵՒ ՄԵՐ ԴԻՐՔՈՐՈՇՈՒՄՆԵՐԸ...

Մեր ԽՕՍՔ-ի այսօրւայ սիւնակում փորձել ենք նախորդ օրերի անդրադարձումներին որպէս լրացուցիչ քննարկում, ամփոփել մեր համընդհանուր կարծիքը առհասարակ հայաստանեան լրջագոյն եւ մարտահրաւէրային իրավիճակների առնչութեամբ:

3

Դ. Մ.

 

Մեր ԽՕՍՔ-ի այսօրւայ սիւնակում փորձել ենք նախորդ օրերի անդրադարձումներին որպէս լրացուցիչ քննարկում, ամփոփել մեր համընդհանուր կարծիքը առհասարակ հայաստանեան լրջագոյն եւ մարտահրաւէրային իրավիճակների առնչութեամբ:

Մինչ այդ, սակայն, անհրաժեշտ է կատարել հետեւեալ յստակեցումը.-

Ոմանց կարծիքով միանշանակ Սփիւռքը պէտք է խուսափի ու զերծ մնայ Հայաստանի ներքին հարցերին միջամտելուց, քանզի արտերկրացիները այնտեղ չեն բնակւում։ Այս հիմքով նաեւ տւեալ կարծիքի տէր մարդիկ խիստ ծանր են տանում «դրսի տաքուկ պայմաններում ապրող» սփիւռքահայերի բողոք-քննադատութիւնները՝ ուղղւած իրենց համակրած իշխանութիւններին…

Անկեղծ լինելու համար պէտք է ընդգծել, որ կան իրաւացիութեան ինչ-որ հիմքեր տւեալ կարծիքում, բարոյական չափանիշների տեսանկիւնից…բայց նաեւ ու մանաւանդ պարտաւոր ենք փաստել հետեւեալը.-

Այդ բարոյական օրինաչափութիւնն ու պարտաւորութիւնն առաջնահերթօրէն գործարկելի է, երբ երկրի ներքին թէ՛ արտաքին հասարակա-քաղաքական իրավիճակը բնականոն ստանդարտներին է համապատասխանում։ Աւելի պարզ ասած՝ Հայաստանեան վերջին 3.5 տարւայ եւ յատկապէս անցնող մէկ ամեակի պատերազմական ու յետպատերազմեան ծանրագոյն իրավիճակն առաջ է բերել այնպիսի հիմնահարցեր, որոնք ինչպէս վերում նշեցինք, կրում են բացառիկ մարտահրաւէրային ոչ միայն տեղական, այլ որ անհերքելի է՝ համազգային մասշտաբների ամբողջական բնութագիր… ու դեռ բազմաթիւ փորձագէտ-վերլուծաբանների ասութեամբ՝ քաոսային համընդհանուր վիճակ։

Ահաւասիկ. Հայրենիքի, Պետականութեան ու ժողովրդի անվտանգութեանը, ինքնիշխանութեանը սպառնացող իրական վտանգների առկայութեան դէպքում եւ յատկապէս դրանցից բխող ազգային արժանապատւութեան ու ազգի ինքնութեան դէմ դարաւոր թշնամիների նոր ոտնձգութիւնների իրողութիւնն ինքնըստինքեան արդարացնում է այն հիմնաւոր դրդապատճառը, որ ազգովի՝ Հայաստանով-Սփիւռքով դիմագրաւենք մերօրեայ մարտահրաւէրները, ճիշտ այնպէս, երբ նոյն պատերազմի ժամանակաշրջանում Սփիւռքը իր ամբողջական ներուժով (նիւթական, բարոյական եւ քաղաքական) նեցուկ էր կանգնում Հայրենիքին, իրաւացիօրէն եւ անխուսափելիօրէն «Միջամտելով» Հայաստանի ներքին եւ արտաքին հարցերին...

Եւ այսպէս, սիրելի ընթերցող, ազգովի դիմագրաւում ենք ու դէմ-յանդիման ենք համազգային ու համահայկական մարտահրաւէրների, որոնք նպատակայարմար եղանակով չյաղթահարելու դէպքում ազգովի՛ էլ տուժելու ենք…:

Ո՞րն է մեր դիրքորոշումը

Իրենց կառավարութեան ժամանակ պատերազմում ծանր պարտութիւն կրած ՀՀ իշխանութիւնները այնուամենայնիւ (փակագծերը այստեղ չենք բացում) յունիսի 20-ի արտահերթ Խորհրդարանական ընտրութիւնների արդիւնքում, որպէս մեծամասնութիւն վերընտրւեցին ու կրկին միահեծան կառավարութիւն կազմեցին:

Կառչելով աւելի քան 600000 քւէներին, իշխանութիւններն ամենօրեայ բարձրաձայնում են, թէ Հայաստանի շահերի օգտին են ծառայեցնելու վստահութեան այդ քւէն…

Իշխանութիւնների նմանօրինակ բարձրաձայնումներին թերահաւատ են շուրջ 300000 քւէ ստացած ընդդիմութիւնը, իսկ այսպէս ասած «թաքուն քւէներ» էլ կան՝ Հայաստանում ու արտերկրում, շուրջ 10-ը միլիոնի հասնող…

Իրաւապէս ընտրւած եւ համարե՜նք, թէ ժողովրդավար հիմունքներով ձեւաւորւած մեծամասնական իշխանութիւնը Հայաստանեան ներքին թէ՛ արտաքին հասարակական, տնտեսական (ռազմա)-քաղաքական եւ առաջին հայեացքից չերեւացող՝ տարածաշրջանի աշխարհագրա-քաղաքական խմորւող ու առկայ մարտահրաւէրները դիմագրաւելու համար, մարտավարական կարճաժամկէտ ու ռազմավարական երկարաժամկէտ ինչպիսի՞ ծրագրային-գործադրական քայլերի է գնում…, թերեւս ամենօրեայ ջղաձգութեամբ ու ստրեսներով տեսնում, լսում-կարդում ենք, որպէս մտահոգ սփիւռքահայեր…: Իսկ թէ որքանով են այդ քայլերը համահունչ՝ Հայաստանեան եւ դեռ աւելին՝ համազգային մարտահրաւէրների նպատակասլաց ու յաջող դիմագրաւելուն, թող գնահատի գիտակից ու անաչառ ընթերցողը… թէկուզ կրկնութեան գնով մեր յաջորդ համարում թւարկւող հարցերի մասին խորհելով...:

 

Յարակից լուրեր

  • Կենսական հրամայականը...
    Կենսական հրամայականը...

    2021 թւականը իր բոլոր վերիվայրումներով, դրականով-լաւով, բացասականով-վատով ու արդէն կարծես մարդկային ու հասարակական կեանքում օրինաչափութիւն դարձած անակնկալներով ու անսպասելիներով… շուտով իր աւարտն է աւետելու...:

  • «ԱԼԻՔ»-ի 24000-եակը…
    «ԱԼԻՔ»-ի 24000-եակը…

    Այսօրւայ թւով «ԱԼԻՔ»-ը, իր 90-րդ ամեակին զուգահեռ, հրատարկւեց 24000-րդ անգամ…

  • Եւ այս ամէնը յանուն «Բրիտիշ Փեթրոլիում»-ի...
    Եւ այս ամէնը յանուն «Բրիտիշ Փեթրոլիում»-ի...

    Անցեալ շաբաթ Թուրքիայի ԱԳ նախարար Չաւուշօղլուն յայտարարեց, որ թուրք-հայկական նոր յարաբերութիւնների ձեւաւորման համար ճշտորոշւել են երկու երկրների բանագնացները: Թուրքիայի կողմից՝ նոյն երկրի նախկին դեսպանը՝ ԱՄՆ-ում, իսկ Հայաստանի կողմից՝ Խորհրդարանի փոխխօսնակ Ռուբէն Ռուբինեանը, որոնք էլ համակարգելու են Չաւուշօղլուի մատնանշած յարաբերութիւնների ընթացակարգերը: Ի դէպ Չաւուշօղլուն խօսել է նոյնիսկ Երեւանում թուրքական դեսպանատուն բացելու մօտալուտ հնարաւորութիւնների մասին…

  • 90-ամեակին ընդառաջ...
    90-ամեակին ընդառաջ...

    Հիմնադրութեան ակունքներում ու հետագային էլ՝ գործունէութեան 90-ամեայ ողջ ժամանակահատւածում տասնեակ, հարիւրաւոր եւ եթէ կուզէք՝ հազարաւոր մտաւորականներ՝ սկսեալ հայոց ազգային եկեղեցւոյ սպասաւորներից մինչեւ գիտութեան, արւեստի, մշակոյթի, գրականութեան, թատրոնի, դպրութեան ու կրթութեան, քաղաքականութեան եւ այլեւայլ բնագաւառներում փայլատակողներ, յարատեւօրէն վառ են պահել «ԱԼԻՔ»-ի հիւրընկալ էջերում մշտավառ կանթեղներն ու ջահերը…:

  • 90-ամեակին ընդառաջ...
    90-ամեակին ընդառաջ...

    Լինելով իր հրատարակութեան վայրի՝ Թեհրանի շրջանի ՀՅԴ օրգան-թերթը, «ԱԼԻՔ»-ը ամենեւին էլ չի եղել լոկ կուսակցական խօսափող, հէնց սկսեալ հրապարակ իջնելու առաջին համարներից:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։