Հա

Օրակարգ

02/10/2021 - 14:30

«Թուրքիայի դրական ազդակները» եւ հարեւան Իրանի արձագանգը...

Իրանի հիւսիս-արեւմտեան սահմանի (ներառեալ Հայաստանի եւ Ադրբեջանի սահմանները) երկայնքով երկրի զինւած վիթխարի ուժերի աննախընթաց տեղակայումը գերազանցապէս յուշում է այն մասին, որ տւեալ ուժի ցուցադրումը ոչ թէ սոսկ ինչ-որ թուրք-ադրբեջանական հակաիրան վայրահաչութիւններով են պայմանաւորւած, այլեւ կրում են առաւել՝ տարածաշրջանի գլոբալ եւ ստրատեգիական հեռահար նպատակների շուրջ միջազգային գերուժերի ու դերակատարների հաւանական նկրտումներով…

Դ. Մ. 

 

Իրանի հիւսիս-արեւմտեան սահմանի (ներառեալ Հայաստանի եւ Ադրբեջանի սահմանները) երկայնքով երկրի զինւած վիթխարի ուժերի աննախընթաց տեղակայումը գերազանցապէս յուշում է այն մասին, որ տւեալ ուժի ցուցադրումը ոչ թէ սոսկ ինչ-որ թուրք-ադրբեջանական հակաիրան վայրահաչութիւններով են պայմանաւորւած, այլեւ կրում են առաւել՝ տարածաշրջանի գլոբալ եւ ստրատեգիական հեռահար նպատակների շուրջ միջազգային գերուժերի ու դերակատարների հաւանական նկրտումներով…

Ադրբեջանական լկտիութիւնն իր հերթին դրսեւորւում է լոկ թուրքական նեցուկով մէկ կողմից, իսկ միւս կողմից էլ ոչ այնքան ակներեւ՝ իսրայէլական ըստ ամենայնի հակաիրան ծրագրերի համատեքստում։ Այնպէս որ այստեղ ադրբեջանական գործօնը իրանական ընդհանուր քաղաքականութեան տեսադաշտում ընդամէնը մի չնչին պարազիտ է համարւում, որին, ինչպէս իրանցի վերլուծաբան դոկտ. Շոէյբ Բահմանն է ասում. «հնարաւոր է միմիայն ԱՇՈՒՐԱ զօրաջոկատով վնասազերծել.…»։

Իրանը իր սկզբունքային դիրքորոշումն կապւած հայ-իրանական սահմանի անխախտելիութեան մասին բարձրաձայնել է յստակ, դա բնութագրելով որպէս միջազգային ճշտորոշւած սահման։ Այսինքն՝ հայաստանեան Գորիս-Կապան ստրատեգիական ճանապարհը փակելու ադրբեջանական արկածախնդրութիւնը եւ Թուրքիայի դրդումով՝ երկուստեք շահագրգռւած հարիւրամեայ վաղեմութիւն ունեցող երազանքի՝ «Զանգեզուրի միջանցքի» ձեւաւորումը, Իրանի կողմից դիտւում է որպէս իր համար գէոպոլիտիկ մեծ նշանակութիւն ունեցող սահմանի փակմանը միտող դաւադիր գործարք, որին, ինչպէս վերը նշեցինք, ուղղակիօրէն կամ անուղղակի ներգրաււած են արտատարածաշրջանային ուժային կենտրոններն ու մասնաւորապէս Իսրայէլի սիոնիստական վարչախումբը…։

Ահա՛, Իրանի համար ընդգծւած այն կարմիր գիծը, որն, թուրանականութեան դարաւոր երազանքով տառապողները հատելու կամ ոտնձգելու աններելի սխալի դէպքում, անհատոյց ու ծանրագոյն գին պէտք է վճարեն…

Նաեւ ու մանաւանդ, հարեւան ու բարեկամ Իրանի խիստ տրամաբանւած զգայնութիւնների հաշւին, Հայաստանի ներկայիս իշխանութիւնները անհրաժեշտաբար պէտք է համարժէք հետեւութիւններ անեն յետպատերազմեան նոր իրողութիւնների շրջագծում:

Զորօրինակ, հրաժարւեն այսպէս ասած՝ «Թուրքիայից դրական ազդակներ ստանալու» անհեռանկար ու պոպուլիստական յայտարարութիւններից…

 

Յարակից լուրեր

  • ԵՌԱԲԼՈՒՐԻ ՊԱՏԳԱՄԸ…
    ԵՌԱԲԼՈՒՐԻ ՊԱՏԳԱՄԸ…

    Հարիւրամեակների կենսագրութեան երկայնքում հայութեանը, որպէս ազգային ուրոյն միաւոր, ուղեկից են եղել ազգի ամենափառաբանւած հասկացութիւն-գերաժէքներ` Անկախութիւնը, Ինքնիշխանութիւնը, Հայրենիք-Պետականութիւնը…

  • ՄԵՆՔ ԵՒ ՄԵՐ ԴԻՐՔՈՐՈՇՈՒՄՆԵՐԸ...
    ՄԵՆՔ ԵՒ ՄԵՐ ԴԻՐՔՈՐՈՇՈՒՄՆԵՐԸ...

    Փաստօրէն, որպէս սփիւռքահայեր ու մեր դէպքում՝ որպէս Հայաստանամերձ հինաւուրց համայնք, խորը մտահոգւած եւ ինչու չէ՝ անորոշ ապագայի հաշւին ծանր ենք տանում Հայաստան երկրին եւ բնականաբար դրանից բխող համազգային նշանակութեան որեւիցէ սպառնալիքի առկայութիւնը։

  • ՄԵՆՔ ԵՒ ՄԵՐ ԴԻՐՔՈՐՈՇՈՒՄՆԵՐԸ...
    ՄԵՆՔ ԵՒ ՄԵՐ ԴԻՐՔՈՐՈՇՈՒՄՆԵՐԸ...

    Մեր ԽՕՍՔ-ի այսօրւայ սիւնակում փորձել ենք նախորդ օրերի անդրադարձումներին որպէս լրացուցիչ քննարկում, ամփոփել մեր համընդհանուր կարծիքը առհասարակ հայաստանեան լրջագոյն եւ մարտահրաւէրային իրավիճակների առնչութեամբ:

  • ՄԵՆՔ ԵՒ ՄԵՐ ԴԻՐՔՈՐՈՇՈՒՄՆԵՐԸ...
    ՄԵՆՔ ԵՒ ՄԵՐ ԴԻՐՔՈՐՈՇՈՒՄՆԵՐԸ...

    Որպէս շարունակութիւն մեր երէկւայ ԽՕՍՔ-ի, հարկաւոր ենք համարում անդրադառնալ հայկական հանրոյթում շրջանառւող մէկ այլ երեւոյթի, որն էլ համացանցային «քննարկումների» տիրոյթում է գտնւում եւ որ փաստօրէն միտւած է վարկաբեկել Հայոց Ազգային գաղափարախօսութիւնն ու նրա 130-ամեայ պաշտպան ՀՅԴ-ին...

  • ՄԵՆՔ ԵՒ ՄԵՐ ԴԻՐՔՈՐՈՇՈՒՄՆԵՐԸ...
    ՄԵՆՔ ԵՒ ՄԵՐ ԴԻՐՔՈՐՈՇՈՒՄՆԵՐԸ...

    Սիրելի ընթերցող, յանուն անկեղծութեան ու անաչառութեան պարտաւորեցնող է, թէկուզ հպանցիկ, բայց մի քանի շրջանառւող երեւոյթների անդրադառնալ, աւելի պարզորոշ դարձնելու մեր՝ որպէս լրատւամիջոցի դիրքորոշումները: Մեր կարծիքով՝ այսպէս ուղիղ ու անմիջական հաղորդակցումը յարգելի ընթերցողի հետ, փարատում-քողազերծում է հաւանական, կամ էլ՝ Աստւած մի արասցէ՝ միտումնաւոր չարաշահումները, որոնք յատկապէս ապակողմնորոշիչ միջոցների են վերածւում համացանցային տեղեկատւութիւններում…:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։