Հա

Օրակարգ

16/12/2021 - 12:40

90-ամեակին ընդառաջ...

Հիմնադրութեան ակունքներում ու հետագային էլ՝ գործունէութեան 90-ամեայ ողջ ժամանակահատւածում տասնեակ, հարիւրաւոր եւ եթէ կուզէք՝ հազարաւոր մտաւորականներ՝ սկսեալ հայոց ազգային եկեղեցւոյ սպասաւորներից մինչեւ գիտութեան, արւեստի, մշակոյթի, գրականութեան, թատրոնի, դպրութեան ու կրթութեան, քաղաքականութեան եւ այլեւայլ բնագաւառներում փայլատակողներ, յարատեւօրէն վառ են պահել «ԱԼԻՔ»-ի հիւրընկալ էջերում մշտավառ կանթեղներն ու ջահերը…:

3

 

«ԱԼԻՔ»-ը՝ մտաւորականութեան ժամադրավայր

Դ. Մ.

 

2006 թ. նոյեմբերին Թեհրանում կայացած «Հայ Դատն այսօր» հերթական խորհրդաժողովի բացառիկ մասնակիցներից էր հայ իրականութեան մէջ մեծ սէր ու յարգանք վայելող, խիզախ ժուռնալիստ-մտաւորական, թուրքական դաւադիր գնդակի զոհ դարձած՝ Հրանտ Դինքը:

Այդ օրերին, թանկագին Դինքը 2-3 անգամ այցելեց «ԱԼԻՔ»-ի խմբագրութիւն, իսկ հրաժեշտի այցին «ԱԼԻՔ»-ի յիշատակի մատեանում հետեւեալ գրառումն արեց.-

«Ինծի համար մեծ պատիւ է լինել «ԱԼԻՔ»-ի խմբագրատան մէջ՝ Ձեզի հետ միասին, մօտիկից տեսնել ու զգալ այս կուռ ընտանիքի հայկականութեան բուրմունքը»:

Ինչ խօսք, «ԱԼԻՔ»-ի համար էլ էր մեծ պատիւ Հրանտ Դինք քաջակորով մտաւորականին հանդիպել-շփւելը, որն, ցաւօք յետայդու շարունակւեց լոկ հոգեմտաւոր եղանակով, բայց միշտ ուսանելի ու անմոռանալի…:

Եւ իրաւամբ, «ԱԼԻՔ»-ի 90-ամեայ կենսագրութիւնը ամբողջական ու իմաստաւորւած չէր լինի, եթէ դա ուղեկցւած չլինէր մտաւոր խաւերի ջերմ շնչով ու ուղղորդիչ-խրախուսիչ ներկայութեամբ:

Հիմնադրութեան ակունքներում ու հետագային էլ՝ գործունէութեան 90-ամեայ ողջ ժամանակահատւածում տասնեակ, հարիւրաւոր եւ եթէ կուզէք՝ հազարաւոր մտաւորականներ՝ սկսեալ հայոց ազգային եկեղեցւոյ սպասաւորներից մինչեւ գիտութեան, արւեստի, մշակոյթի, գրականութեան, թատրոնի, դպրութեան ու կրթութեան, քաղաքականութեան եւ այլեւայլ բնագաւառներում փայլատակողներ, յարատեւօրէն վառ են պահել «ԱԼԻՔ»-ի հիւրընկալ էջերում մշտավառ կանթեղներն ու ջահերը…:

Պատկառելի այդ մտաւորականութեան կառկառուն դէմքերն ու ներկայացուցիչները թէ՛ որպէս «ԱԼԻՔ»-ի խմբագրակազմերի անդամ, եւ թէ՛ դրանից զատ՝ հեղինակային յօդւածներով, բանաստեղծութիւններով ու հարցազրոյցներով, ուղղակիօրէն թէ՛ անուղղակի հանդիսացել են կրթիչ-դաստիարակիչ միաւորներ, յաջորդական սերունդների հաշւին:

Ներկայացուցչական այդ միաւորները քանակով ու որակով նոր թռիչքներ արձանագրեցին, երբ ի տես Հայաստանի անկախութեան վերականգնման, հայրենի հոգեհարազատ շնչի ու ոգու հաղորդման գործօնները եղան հէնց «ԱԼԻՔ»-ի էջերի ընդմիջից, Հայաստանի, Արցախի եւ Սփիւռքի եռամիասնութեան գաղափարով:

Եւ իհարկէ՝ «ԱԼԻՔ»-ը հէնց շնորհիւ հայ մտաւորականութեան տեւական ներկայութեան ու ներշնչանքի, մնաց ու մնալու է կառչած՝ որդեգրած 90-ամեայ ԱԶԳԱՅԻՆ ԳԱՂԱՓԱՐԱԽՕՍՈՒԹԵԱՆ-ը…:

 

Յարակից լուրեր

  • Ինչո՞ւ է գոհունակ Ադրբեջանը հայ-թուրքական Մոսկովեան բանակցութիւններից...
    Ինչո՞ւ է գոհունակ Ադրբեջանը հայ-թուրքական Մոսկովեան բանակցութիւններից...

    2009 թ. ՀՀ նախագահ Սերժ Սարգսեանի նախաձեռնած հայ-թուրքական հաշտեցման գործընթացի (ֆուտբոլային դիւանագիտութիւն‎) վիժեցման գործում մեծ ու որոշիչ դերակատարութիւն ունեցաւ Սփիւռքը, որի քաղաքական ու հասարակական հատւածները միահամուռ ընդդիմացան ժամանակի ՀՀ իշխանութիւնների վարած քաղաքականութեանը:

  • Կենսական հրամայականը...
    Կենսական հրամայականը...

    2021 թւականը իր բոլոր վերիվայրումներով, դրականով-լաւով, բացասականով-վատով ու արդէն կարծես մարդկային ու հասարակական կեանքում օրինաչափութիւն դարձած անակնկալներով ու անսպասելիներով… շուտով իր աւարտն է աւետելու...:

  • Սրբազան Հօր Նոր տարւայ շնորհաւորանքը «Ալիք»-ին
    Սրբազան Հօր Նոր տարւայ շնորհաւորանքը «Ալիք»-ին

    Մօտալուտ Նոր տարւայ եւ մեր Փրկչի Յիսուսի Քրիստոսի Հրաշափառ Ծննդեան ու Աստւածայայտնութեան տօների առիթով քրիստոնէական ջերմ սիրով եւ օրհնախառն աղօթքներով ողջունում եմ ձեզ եւ ձեր ընտանիքի բոլոր անդամներին շնորհաւորելով միանգամայն ձեզ՝ մաղթելով, որ սկսւող 2022 տարին մեր ժողովրդի եւ ողջ աշխարհի համար լինի խաղաղութեան, աստւածային օրհնութեամբ օծուն, արեւշատութեամբ եւ առողջութեամբ շաղախւած մի տարի։

  • Մամուլի հարցերով մշակոյթի փոխնախարարը «ԱԼԻՔ» օրաթերթ այցելեց
    Մամուլի հարցերով մշակոյթի փոխնախարարը «ԱԼԻՔ» օրաթերթ այցելեց

    Ամանորի եւ Ս. Ծննդեան տօների առիթով մշակոյթի նախարարութեան մամուլի եւ ԶԼՄ-ների հարցերով փոխնախարար դոկտ. Շամսային եւ տպագիր մամուլի արտօնութիւնների հարցերով գրասենեակի պետ՝ պրն. Սորուշն երկուշաբթի, դեկտեմբերի 27-ին այցելեցին օրաթերթիս խմբագրութիւն:

  • 90-ամեայ «Ալիք»-ը՝ նոր մաքառումների սեմին
    90-ամեայ «Ալիք»-ը՝ նոր մաքառումների սեմին

    Յարութիւն քհնյ. Շմաւոնեանի կողմից հայ լրագրութեան առաջնեկ «Ազդարար» ամսագրի (Մադրաս, 1794-1796 թթ.) հիմնադրումից շուրջ 100 տարի անց՝ հայ առաջին քաղաքական կուսակցութիւններից մէկը՝ Հ. Յ. Դաշնակցութիւնը, հայրենիքի ամենատարբեր հատւածներում, Սփիւռքի հեռաւոր եւ մօտ գաղթօջախներում սկզբնաւորելու էր տասնեակ, հետագայում՝ հարիւրաւոր պարբերականների ընթացքը, որոնք ՀՅԴ կազմակերպական կառոյցների, գաղափարական հնոցների հետ հայրենիքում եւ աշխարհի բազմաթիւ անկիւններում կռիւ էին տալու յանուն հայ ժողովրդի յարատեւման, հայկական շարունակականութեան ապահովման:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։