Հա

Օրակարգ

30/12/2021 - 13:10

Կենսական հրամայականը...

2021 թւականը իր բոլոր վերիվայրումներով, դրականով-լաւով, բացասականով-վատով ու արդէն կարծես մարդկային ու հասարակական կեանքում օրինաչափութիւն դարձած անակնկալներով ու անսպասելիներով… շուտով իր աւարտն է աւետելու...:

Դ. Մ.

 

2021 թւականը իր բոլոր վերիվայրումներով, դրականով-լաւով, բացասականով-վատով ու արդէն կարծես մարդկային ու հասարակական կեանքում օրինաչափութիւն դարձած անակնկալներով ու անսպասելիներով… շուտով իր աւարտն է աւետելու...:

Առանձնապէս մեզ՝ իրանահայերիս համար համայնքային բնականոն աշխատանքների խոչընդոտը շարունակւեց մնալ կորոնան, իր տարբեր աստիճանների դրսեւորումներով: Բարեբախտաբար վերջին ամիսներին, երկրի իրավիճակին զուգընթաց, համաճարակը նահանջի նշոյլներ է արձանագրել, անշուշտ, եթէ նոր անակնկալներ չպատահեն, որով էլ մեր համայնքային՝ եկեղեցական, կրթական, միութենական եւ ընդհանրապէս յարաբերական աշխատանքներն ու գործունէութիւնը աւելի նպաստաւոր հարթակներում կընթանան:

Երկրի մակարդակով, ժողովրդական լայն խաւերին, ինչպէս վերջին տարիներին, դժւարագոյն վիճակի է մատնել սոցիալ-տնտեսական գրեթէ չկարգաւորւող կացութիւնը: Այս հիմքի վրայ էլ համապետական նախագահական ընտրութիւններում յաղթած նախագահ Ռէյիսին թէ՛ կարգախօսքերով ու արդէն ամիսներ ի վեր գործով, փորձում է արդարացնել իր յաղթանակը: Տւեալ դէպքում ժողովրդական անմիջական շփումներով ու նախանշած ծրագրերի հետեւողական գործադրմամբ, մասամբ յաջողւում են տարբեր ոլորտներում բացերը լրացնելու նրա եւ իր կառավարութեան ջանքերը: Սակայն, կարեւոր ու որոշիչ են լինելու յատկապէս արտաքին ճակատում եւս դիւանագիտական առաջընթաց ապահովող հանգամանքները, որոնք էլ մասնաւորապէս կը յաղթահարեն միջազգային տնտեսական սանկցիաները, որոնք ուղղակիօրէն թիրախաւորում ու վնասում են ներքին՝ տնտեսա-արդիւնաբերական ու շուկայական առանց այդ էլ անմխիթար վիճակն ու փոխյարաբերութիւններին…:

Եւ վերջապէս 2021-ը լի էր անակնկալներով հայութեան ու հայաշխարհի համար, թէ՛ Հայաստանեան, եւ թէ՛ առհասարակ համազգային հեռանկարների տրամաբանական ուրւագծումների նկատառմամբ: Ի վերջոյ խնդրոյ առարկան ինչպէս Սփիւռքի, այնպէս էլ ողջ հայութեան համար, դա Հայրենի Երկիր՝ Հայաստան-Արցախի լիակատար անվտանգութեան ապահովումն ու երաշխաւորումն է՝ 2020 թ. չարաբաստիկ 44-օրեայի վէրքերը սպիացնելու նպատակով: Այդ ճամբին, սակայն, յոյժ կարեւոր ու կենսական հրամայական է, որպէսզի ազգովի վերագնահատենք մեր ներուժ ու ներգործուն կարողականութիւնները, որոնք էլ ի սպաս պէտք է դրւեն վերոգրեալ անվտանգութիւնն ու խոցւած ազգային արժանապատւութիւնը վերականգնելու համար…:

Այդ մտասեւեռումով էլ, ահա, շնորհաւորում ու ընդառաջ ենք գնում Նոր տարւայ՝ 2022 թւականին…:

 

Յարակից լուրեր

  • Ինչո՞ւ է գոհունակ Ադրբեջանը հայ-թուրքական Մոսկովեան բանակցութիւններից...
    Ինչո՞ւ է գոհունակ Ադրբեջանը հայ-թուրքական Մոսկովեան բանակցութիւններից...

    2009 թ. ՀՀ նախագահ Սերժ Սարգսեանի նախաձեռնած հայ-թուրքական հաշտեցման գործընթացի (ֆուտբոլային դիւանագիտութիւն‎) վիժեցման գործում մեծ ու որոշիչ դերակատարութիւն ունեցաւ Սփիւռքը, որի քաղաքական ու հասարակական հատւածները միահամուռ ընդդիմացան ժամանակի ՀՀ իշխանութիւնների վարած քաղաքականութեանը:

  • «ԱԼԻՔ»-ի 24000-եակը…
    «ԱԼԻՔ»-ի 24000-եակը…

    Այսօրւայ թւով «ԱԼԻՔ»-ը, իր 90-րդ ամեակին զուգահեռ, հրատարկւեց 24000-րդ անգամ…

  • Եւ այս ամէնը յանուն «Բրիտիշ Փեթրոլիում»-ի...
    Եւ այս ամէնը յանուն «Բրիտիշ Փեթրոլիում»-ի...

    Անցեալ շաբաթ Թուրքիայի ԱԳ նախարար Չաւուշօղլուն յայտարարեց, որ թուրք-հայկական նոր յարաբերութիւնների ձեւաւորման համար ճշտորոշւել են երկու երկրների բանագնացները: Թուրքիայի կողմից՝ նոյն երկրի նախկին դեսպանը՝ ԱՄՆ-ում, իսկ Հայաստանի կողմից՝ Խորհրդարանի փոխխօսնակ Ռուբէն Ռուբինեանը, որոնք էլ համակարգելու են Չաւուշօղլուի մատնանշած յարաբերութիւնների ընթացակարգերը: Ի դէպ Չաւուշօղլուն խօսել է նոյնիսկ Երեւանում թուրքական դեսպանատուն բացելու մօտալուտ հնարաւորութիւնների մասին…

  • 90-ամեակին ընդառաջ...
    90-ամեակին ընդառաջ...

    Հիմնադրութեան ակունքներում ու հետագային էլ՝ գործունէութեան 90-ամեայ ողջ ժամանակահատւածում տասնեակ, հարիւրաւոր եւ եթէ կուզէք՝ հազարաւոր մտաւորականներ՝ սկսեալ հայոց ազգային եկեղեցւոյ սպասաւորներից մինչեւ գիտութեան, արւեստի, մշակոյթի, գրականութեան, թատրոնի, դպրութեան ու կրթութեան, քաղաքականութեան եւ այլեւայլ բնագաւառներում փայլատակողներ, յարատեւօրէն վառ են պահել «ԱԼԻՔ»-ի հիւրընկալ էջերում մշտավառ կանթեղներն ու ջահերը…:

  • 90-ամեակին ընդառաջ...
    90-ամեակին ընդառաջ...

    Լինելով իր հրատարակութեան վայրի՝ Թեհրանի շրջանի ՀՅԴ օրգան-թերթը, «ԱԼԻՔ»-ը ամենեւին էլ չի եղել լոկ կուսակցական խօսափող, հէնց սկսեալ հրապարակ իջնելու առաջին համարներից:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։