Հա

Օրակարգ

01/08/2022 - 14:30

ԽՕՍՔ. Հակադաշնակցութիւն հուժկու գրոհների մերօրեայ անճարակութիւնը...

Հետաքրքիր եւ միաժամանակ սպասելի է այս ժամանակաշրջանում հակադաշնակցութիւն գրոհների սաստկացումը։ Առաւել հետաքրքիր է, երբ գրոհների ակունքը գալիս է, ինչ-որ տեղ պատմական «օրինաչափական» հիմունքներով՝ թուրանական (նէօ-օսմանական) մերօրեայ ճամբարի ամենատարբեր շերտերից։

Դ. Մ.

 

Հետաքրքիր եւ միաժամանակ սպասելի է այս ժամանակաշրջանում հակադաշնակցութիւն գրոհների սաստկացումը։ Առաւել հետաքրքիր է, երբ գրոհների ակունքը գալիս է, ինչ-որ տեղ պատմական «օրինաչափական» հիմունքներով՝ թուրանական (նէօ-օսմանական) մերօրեայ ճամբարի ամենատարբեր շերտերից։

Պարզ է չէ՞, եւ միաժամանակ փաստ, որ Արցախեան դաւադիր պատերազմից ի վեր ձեւաւորւած թուրք-ադրբեջանական պիղծ դաշինքը հետեւողականօրէն թիրախաւորում է Հայաստանի ընդդիմութեանը՝ ներքին, իսկ Սփիւռքեան ազգային ուժերին՝ արտաքին ճակատներում, որոնց էլ համարում է հայ-թուրքա-ադրբեջանական խաղաղ գոյակցութեան ու միմեանց միջեւ հաշտութեան ցանկալի պայմանագիրը կնքելու խանգարիչ-ռեւանշիստներ։

Եւ ի՞նչ ունեցանք ու ինչի՞ ականատեսը եղանք նոյն ամիսների ընթացքում: Զորօրինակ՝ պատերազմը տանուլ տւած իշխանութեան կողմից

ա- Ընդդիմութեան շարժման դէմ աննախադէպ բիրտ ուժի կիրառում,

բ- Շարժման ակտիւիստների, որպէս քաղբանտարկեալներ, կալանաւորում,

գ- Ընդդիմադիր ԶԼՄ-ների ու քարոզչական միջոցների դէմ քրէական գործերի յարուցում, հակաիշխանական ուժերի միջեւ պառակտման սերմանում,

դ- Միաժամանակ Սփիւռքեան համայնքներում փաշինեանամէտ (աւելի ճիշտ հակադաշնակցական բարդոյթներով տառապողներ) ապազգային շերտերի ակտիւացումը՝ «ֆէյսբուք»-ային տեռորների, լուտանքների ու հայհոյանքների տեխնոլոգիայի կիրառմամբ,

ե- Եւ վերջին օրինակներով ամենազաւեշտալի հակադաշնակցականութիւնը՝ Բիւրոյի անդամ Մուրադ Փափազեանի Հայրենիք մուտքի արգելումը..., նոյնը՝ ՀՅԴ Երիտ.- կառոյցների նկատմամբ...

Սակայն, ի տես թուրքական ճամբարի հակահայկական ու հակահայաստան կեցւացքի անբաւարարւածութեան, տեսնում ենք նաեւ հէնց օրերս թուրք ադրբեջանական դաշինքի լկտի, ու փաշինեանական իշխանութեան կողմից անպատասխան մնացող կեցւացքներ, որոնք դարձեալ փաշինեանական իշխանախմբից պահանջում են՝ ռեւանշիստների ու ազգային ուժերի դէմ ճնշումը սաստկացնել, այլապէս, ուղղակիօրէն սպառնում են, որ իրենք ՀՀ-ի դէմ «կը պաշտպանւեն» զինւորական ուժի կիրառմամբ:

Ահա, այս օրի են հասցրել Մեր Երկիր-Հայրենին, որի վերջնարդիւնքն թուրքա-ադրբեջանական նպատակներում՝ Հայաստանն ու Հայութեանն լաւագոյն դէպքում թուրքական ծայրագոյն արեւելեան մի վիլայէթ դարձնելն է, կամ էլ՝ ինչպէս կրտսեր թուրքն է ասում՝ արեւմտեան ադրբեջանի ազատագրւած տարածքի վերածելը...:

....Թէեւ ցաւոտ ու ժամանակաւորապէս նահանջ պարտադրող, բայցեւ այնպէս ի զուր են լինելու նոյնիսկ համաթուրանական, համացանցային արտաքին ու թուլամորթ-անհայրենիք ներքին դաւադիրների ընդհանրապէս հակազգային եւ մասնաւորապէս հակա-ՀՅԴ-ական անճարակ ու խելակորոյս գրոհները, քանզի դրանք բոլորը փշրւելու են օրէօր արթնացող հայ ժողովրդի եւ նրա իրական ու հարազատ զաւակների դեռ գալիք զոհողութիւնների շնորհիւ, յար եւ նման պատմական անբեկանելի բազմաթիւ օրինաչափութիւնների...

 

Յարակից լուրեր

  • ԱԿՆԱՐԿ. Իրանը՝ Թուրքիայի լարախաղացութեան անխուսափելի պատնէշ...
    ԱԿՆԱՐԿ. Իրանը՝ Թուրքիայի լարախաղացութեան անխուսափելի պատնէշ...

    Թեհրանեան եռակողմ հանդիպմանն (առաջինն կայացել է 3 տարի առաջ) Թուրքիան հիմնական օրակարգ՝ Սիրիայի խնդրում այս անգամ էլ մնաց ձեռնունայն։ Հարցը կայանում է նրանում, որ ինչպէս նախորդ եռակողմում, այս անգամ էլ Իրանի ու Ռուսաստանի Դաշնութեան մօտեցումներն Սիրիայի մասով գրեթէ ամբողջապէս համընկնում էին իրար, հակառակ Թուրքիայի, որն ստիպւած հանդէս եկաւ ընդհանուր՝ այսպէս ասած՝ հակաահաբեկչական պայքարում միւս երկու երկրներին համագործակցութեան հրաւիրելը...

  • Կատարւած է Չաւուշօղլուի հրահանգը…
    Կատարւած է Չաւուշօղլուի հրահանգը…

    Ամիսներից ի վեր ադրբեջանա-թուրքական վերնախաւը դժգոհում էր առ այն, որ իբր ՀՀ-ն հետամուտ չէ տարածաշրջանում խաղաղութեան հաստատման… մինչդեռ Հայաստանի կապիտուլիանտ իշխանութիւնն ամէն կարգի զիջումների էլ գնում էր՝ թէ’ քաղաքական, թէ’ տարածքային եւ թէ առանց այն էլ անգոյ դիւանագիտական ասպարէզներում։

  • ԽՕՍՔ. Չաւուշօղլուն Հայաստանի վարչապետի պաշտպա՞ն...
    ԽՕՍՔ. Չաւուշօղլուն Հայաստանի վարչապետի պաշտպա՞ն...

    Հայոց Ցեղասպանութիւնը իրագործած, անպատիժ մնացած ու Մեծ Եղեռնը ժխտող թուրք բորենիների ժառանգութիւնն ամենայն «սրբութեամբ» պահող ու փառաբանող մերօրեայ Թուրքիայի դիւանագիտութեան թիւ-1 լարախաղաց Չաւուշօղլուն կրկին դատապարտում է Սփիւռքահային ու Հայաստանի ընդդիմադիրներին։

  • ԽՕՍՔ. Խորհրդարանական ընդդիմութիւնը՝ քաւութեան նոխազ...
    ԽՕՍՔ. Խորհրդարանական ընդդիմութիւնը՝ քաւութեան նոխազ...

    2017 թ. սկսեալ, ՀՀ Սահմանադրութեամբ ամրագրւած առաջնահերթ դրոյթներից է՝ ՀՀ կառավարման ՊԱՌԼԱՄԵՆՏԱԿԱՆ համակարգի գործարկումը։ Այսինքն նոյն ԱԺ-ի կողմից ընտրւող վարչապետի գլխաւորած կառավարութիւնն ըստ էութեան պատասխանատու է խորհրդարանին։

  • ԽՕՍՔ. Խախտւած չափանիշների աղէտալի հետեւանքները...
    ԽՕՍՔ. Խախտւած չափանիշների աղէտալի հետեւանքները...

    2018 թւականի ապրիլի թաւշեայ յեղաշրջումից ի վեր խախտւել են բոլոր կարգի ու բնագաւառների ազգային ու պետական չափանիշներն ու քիչ թէ շատ ընկալեալ ստանդարտները՝ ինչպէս Հայաստանում, այնպէս էլ աշխարհասփիւռ հայութեան համար...

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։