Հա

Օրակարգ

21/11/2022 - 13:40

Ակնարկ. Երբ քաղաքականացւած է ֆուտբոլը...

Երէկւանից աշխարհը սեւեռւած է մօտաւորապէս 4.5 միլիոն բնակչութիւն ունեցող, բայց նաւթով-գազով գեր-հարուստ Կատարում ֆուտբոլի Աշխարհի առաջնութեան իրադարձութեանը: Շատ առումներով իւրօրինակ այս առաջնութիւնը նաեւ իւրօրինակ է իր ծախսատարութեամբ, երբ պարզւում է, որ նոյն երկիրը աւելի քան 200 միլիարդ դոլար է յատկացրել, որպէսզի մեծագոյն մարզական իրադարձութեան հիւրընկալը լինի:

Դ. Մ.

 

Երէկւանից աշխարհը սեւեռւած է մօտաւորապէս 4.5 միլիոն բնակչութիւն ունեցող, բայց նաւթով-գազով գեր-հարուստ Կատարում ֆուտբոլի Աշխարհի առաջնութեան իրադարձութեանը: Շատ առումներով իւրօրինակ այս առաջնութիւնը նաեւ իւրօրինակ է իր ծախսատարութեամբ, երբ պարզւում է, որ նոյն երկիրը աւելի քան 200 միլիարդ դոլար է յատկացրել, որպէսզի մեծագոյն մարզական իրադարձութեան հիւրընկալը լինի:

Ցաւալի իրողութիւն է նաեւ ու մանաւանդ գերհզօր շինարարական աշխատանքների ընթացքում շուրջ 6500 բանւորի մահը՝ ստադիոնների եւ այլ կառոյցների աւարտական փուլ հասցնելու համար: Մարդասիրական շատ կազմակերպութիւններ եւ յատկապէս նոյն առաջնութեանը մասնակից երկրների ֆեդերացիաներ առաջարկել էին նոյնիսկ չեղարկել առաջնութիւնը՝ Կատարում, բայցեւայնպէս՝ ՖԻՖԱ-ն մնաց անդրդւելի:

Ինչեւէ, երէկ տւեալ խաղերի փառաշուք բացումն էր, որի աւարտին էլ առաջին խաղով հանդէս եկան հիւրընկալ Կատարն ու Էկւադորը,‎‎ վերջնիս 2-0 յաղթանակով:

Այսօր, սակայն, այստեղ՝ Իրանում շատերը սրտատրոփ սպասում են Կէյրոշի գլխաւորած Իրանի թիմի՝ Անգլիայի դէմ մրցմանը, տարատեսակ ակնկալիքներով: Բարդ է, սակայն, նախագունէ գուշակելը՝ նման խաղերի արդիւնքը, երբ յատկապէս դեռեւս մինչ խաղերի սկսելը, իրանցիների մօտ առկայ էր երկու կարծիք՝ առաջնութեանը մասնակցել-չմասնակցելու առումով:

Դա, անշուշտ պայմանաւորւած է եղել արդէն եռամսեայ փուլ թեւակոխած երկրում առաջացած անհանգստութիւններով ու բողոքի ցոյցերով, որոնց խոշոր տոկոսը հակւած էր նրան, որ Իրանի հաւաքականը չպէտք է մասնակցի խաղերին: Միւս կողմից էլ բնականօրէն գոյութիւն ունէր հակառակ կարծիք ունեցողների լայն զանգւածը, որոնք բացի մասնակցութեան անհրաժեշտութիւնից, մեծ յոյսեր են կապում հաւաքականի յաջողութիւնների հետ՝ աշխարհում երկրի հեղինակութիւնն ու վարկը բարձրացնելու տեսակէտից:

Թէ այս ամենին ինչպէս են վերաբերւելու Իրանի հաւաքականի անդամները՝ յատկապէս հոգե-մտաւոր առումներով, որոնք ինչ խօսք՝ ուղղակի ազդելու են խաղերի ու մրցումների ժամանակ խաղացողների վրայ, պէտք է սպասել ու տեսնել…:

Մինչ այդ, մաղթելի է սիրելի Իրանին ու Իրանի քաջարի ու գիտակից ժողովրդին համընդհանուր խաղաղութիւն՝ թէ՛ մարդկային ու հասարակական, եւ թէ՛ տւեալ դէպքում մարզական նոր յաղթանակներ գրանցելու համար:

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակութիւն © 2011-2022 «ԱԼԻՔ» Օրաթերթ։ Բոլոր իրավունքները պահպանւած են։