Հա

Օրակարգ

22/11/2022 - 14:00

ԽՕՍՔ. «Հակա-ահաբեկչութեան» թուրքական աւանդոյթը ...

1- Անտարակուսօրէն Թուրքիայի նախագահ Էրդողանի համար քաղաքական մեծագոյն ձեռքբերում էր 2015 թ.-ի «յեղաշրջման սցենարով» ինքնահաստատւելու նպատակադրումը: Այսպէս ասած՝ կրօնա-քաղաքական մրցակից գիւլէնականութիւնից ձերբազատւելուն զուգընթաց, նրան յաջողւեց պետական-կառավարման եւ յատկապէս զինւորական մասշտաբներով կադրային իսկական ջարդ կազմակերպել՝ դրանց բանտեր առաջնորդելով: Այս երեւոյթը մինչ օրս նոյնիսկ շարունակւում է…

Դ. Մ.

 

1- Անտարակուսօրէն Թուրքիայի նախագահ Էրդողանի համար քաղաքական մեծագոյն ձեռքբերում էր 2015 թ.-ի «յեղաշրջման սցենարով» ինքնահաստատւելու նպատակադրումը: Այսպէս ասած՝ կրօնա-քաղաքական մրցակից գիւլէնականութիւնից ձերբազատւելուն զուգընթաց, նրան յաջողւեց պետական-կառավարման եւ յատկապէս զինւորական մասշտաբներով կադրային իսկական ջարդ կազմակերպել՝ դրանց բանտեր առաջնորդելով: Այս երեւոյթը մինչ օրս նոյնիսկ շարունակւում է…

2- Վերոգրեալի հէնքի վրայ էլ սահուն կերպով փոփոխութեան ենթարկւեց էրդողանական կուսակցութեան մեծամասնութեամբ համալրւած մեջլիսում սահմանադրական տւեալ կէտն ու վերականգնւեց երկրում նախագահական իշխանակարգը, որով էլ Էրդողանը մինչ այժմ գործադիրից բացի վերահսկում է նաեւ օրէնսդիր ու դատական ատեանները:

3- Կադրային ջարդը կարծես այժմէականութիւնը կորցնելով, Էրդողանը այժմ դիմում է «նոր հնարքների»՝ յաջորդ տարւայ խորհրդարանական եւ յատկապէս նախագահական ընտրութիւններում ցանկալի յաղթանակը ապահովելու համար:

4- Նոր եղանակներով, բայց աւանդոյթի համաձայն նշւած հնարքը ոչ աւել-ոչ պակաս՝ «ահաբեկչութեան դէմ պայքարն է», թէ՛ երկրից ներս՝ «Իսթիկլալ» մարդաշատ փողոցում ենթադրեալ քուրդ ահաբեկչուհու ձերբակալմամբ, եւ թէ՛ երկրի սահմաններից դուրս՝ Սիրիայի հողերում քուրդ ահաբեկիչներին հետապնդելով…: Դա Էրդողանի համար գրեթէ փրկօղակ է, որպէսզի իրենից արդէն երես թեքած լայն հասարակայնութեան միտքը տնտեսական ներկայիս վատագոյն վիճակից շեղելու համար, որն էլ բացասական մեծ վարկանիշի է կարող վերածւել իր համար գալիք ընտրութիւններում:

5- Չի բացառւում նաեւ լայնամասշտաբ պատերազմների հրահրում՝ Հարաւային Կովկասում (ի վնաս ՀՀ-ի եւ ինչու ոչ Իրանի), կամ էլ՝ Էգէեան ծովերում՝ ՆԱՏՕ-ական «ոխերիմ բարեկամ» մէկ այլ անդամի՝ Յունաստանի, ինչպէս նաեւ՝ նոյն Սիրիայի եւ Իրաքի դէմ:

Այս ներքին թէ՛ արտաքին արկածախնդրութիւններին խիստ կարիքը ունի նէօ-օսմանականութեամբ յղփացած Էրդողանը, 2023 թ.-ին տւեալ յաղթանակները ապահովելու համար, յատկապէս երբ այդ թւականը համընկնում է միւս ազգերի ու ժողովուրդների հողերի հաշւին զաւթողական երկարամեայ քաղաքականութիւնների ու հնարքների արդիւնքում ստեղծւած թուրքական հանրապետութեան 100-րդ տարելիցին…

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակութիւն © 2011-2022 «ԱԼԻՔ» Օրաթերթ։ Բոլոր իրավունքները պահպանւած են։