Հա

Օրակարգ

05/01/2023 - 12:40

ԽՕՍՔ. «Արցա՜խն է մեզ կանչում...»...

Եւ ահա՝ ակամայ ռազմահայրենասիրական յայտնի երգի իրական պահերն ենք այս օրերին եւս վերապրում, երբ դրանով հնչեցւում է.-

«Հայեր միացէք, միացէ՜ք հայեր, Արցախն է մեզ կանչում՝ օգնութեան հասէ՜ք...»:

Դ. Մ.

 

Եւ ահա՝ ակամայ ռազմահայրենասիրական յայտնի երգի իրական պահերն ենք այս օրերին եւս վերապրում, երբ դրանով հնչեցւում է.-

«Հայեր միացէք, միացէ՜ք հայեր, Արցախն է մեզ կանչում՝ օգնութեան հասէ՜ք...»:

Շրջափակւած Արցախի մասին ցայժմ տեղեկատւական-բարոյական աջակցութեանը, պէտք է ասել, որ Սփիւռքեան խոշոր համայնքներում ու գաղթօջախներում հայկական ինչպէս քաղաքական, այնպէս էլ մարդասիրական-հասարակական կազմակերպութիւն-կուսակցութիւններ շաբաթներից ի վեր գործի են լծւել...

Այս ամենին, իհարկէ, աւելի հնչեղութիւն է հաղորդում Քիմ Քարդաշեանի ուղերձ-կոչը, որն ինչպէս միշտ՝ ոգեւորիչ է ու քաջալերական՝ ըստ ամենայնի...

Իսկ մինչ այդ՝ մի հարց.-

Ո՞ւր է ԱՄՆ-ում Հայաստանի ու հայութեան շահերը պաշտպանելու կոչւած դեսպանուհի Մակունցը:

-Ժամանակին, իր ապաշնորհութեան դէմ կապիտուլիումի (կոնգրես) առջեւ հայ ցուցարար երիտասարդներից «պաշտպանւելու» համար Ամերիկացի ոստիկանութեանը դիմող դեսպանուհին արդեօք Արցախի 120000 հայերի շրջափակման մասին ոչինչ չունի ասելու նոյն կոնգրեսականներին կամ ԱՄՆ ԱԳՆ-ի պետքարտուղարութեանը: Թէ՞ դա էլ է վերապահւած NCO Հայ Դատի յանձնախմբերին ու «CELEBRITY» Քարդաշեաններին...:

Ամենաազդեցիկ ու հուժկու քայլն, սակայն, կը լինէր՝ Ստեփանակերտի Վերածնունդի հրապարակում Արցախցիների հանրահաւաքի մասշտաբով Երեւանում հարիւրհազարաւորների ժողովրդական համահաւաքի պետական կազմակերպումը, որն էական նշանակութիւն կունենար թէ՛ ներազգային ճակատի ամրապնդման, եւ թէ՛, որն խիստ կարեւոր էր՝ արտաքին ճակատի ռէալ սպառնալիքները շրջանցելու համար։ Աւաղ՝ դա եւս տեղի չունեցաւ, բայց ամենեւին էլ չի նշանակում, որ գալիքում իր վերջին խօսքն չի ասելու ի վերջոյ դանակը ոսկորին հասած գիտակից երեւանցին...

Արցախին օգնութեան հասնելու մասին մեր խնդրոյ առարկայ երգի ոգով օրեր առաջ իր իրաւացիօրէն վրդովւած ձայնը հնչեցրեց Արցախի ԱԺ-ի պատգամաւոր Մետաքսէ Յակոբեանը, ասելով թէ՝ «Որտե՞ղ էք հայեր, Արցախը պաշարւած է...»:

Սիրելի ընթերցող,

... Խիստ հետաքրքրական է, երբ ի տես այդ պաշարման՝ հէնց նախօրեակին ականատես ենք դառնում Իրանի Խուզիստան նահանգի կենտրոն՝ Ահւազի գեներալ Չամրանի անւան համալսարանի պարսիկ ուսանողութեան խիստ յուզառատ յայտարարութեանն, որով բարոյականից առաւել՝ քաղաքական պատգամ էր պարունակում իր մէջ, երբ երկու ժողովուրդների բնական ու բարեկամական համերաշխութիւնը տւեալ դէպքում համարւում է Հայոց Արցախի շրջափակումը կոտրելու ազդեցիկ գործօն։ Այս գծով հարկ է փաստենք, որ ամիսներից ի վեր իրանական պետական, դիւանագիտական, քաղաքական, փորձագիտական ու ԶԼՄ-ական լայն շրջանակները Հայոց Արցախի շուրջ ստեղծւած ընդհանուր իրավիճակին արձագանգում են հայամէտ դիրքերից։ Երեւոյթ, որին մենք ականատես չեղանք նոյնինքն ՄԱԿ-ի Անվտանգութեան խորհրդի համապատասխան նիստում...:

Ահաւասիկ, այսօր իսկ ողջ հայութեան եւ յատկապէս հայաստանեան մեր քոյր-եղբայրների ինչպէս բարոյական, այնպէս էլ՝ քաղաքական-գիտակցական պարտաւորութիւնն է՝ արձագանգել Մետաքսէ Յակոբեանների ՕԳՆՈՒԹԵԱՆ ԿԱՆՉԻՆ..., որպէսզի ապացուցւի, որ միայնակ ու լքւած չէ հայութեան հպարտանքի խորհրդանիշ արծւաբոյն Արցախը...:

 

Յարակից լուրեր

  • ԽՕՍՔ. Իրանահայի բաժին-մասնակցութիւնն ու պատասխանատւութիւնը...
    ԽՕՍՔ. Իրանահայի բաժին-մասնակցութիւնն ու պատասխանատւութիւնը...

    Թեհրանի առաջնորդանիստ Ս. Սարգիս եկեղեցում թեհրանահայ հայորդիների համախմբութիւնն թէ՛ ձեւով, եւ թէ՛ բովանդակութեամբ բացառիկ էր, վերջին տարիներում կայացած նմանատիպ համահաւաքների համեմատութեամբ։ Ապրիլեան պահանջատիրութեան ժողովրդական հաւաք-ցոյցերը վերյիշեցնող որպէս մերօրեայ իրադարձութիւն, ի պաշտպանութիւն Արցախի թեհրանահայութեան յունւարի 27-ի համահաւաքը նոր մղում ու նոր ոգեւորութիւն ստեղծեց:

  • ԽՕՍՔ. «Ելք ու ճար» է հարկաւոր. այլապէս…
    ԽՕՍՔ. «Ելք ու ճար» է հարկաւոր. այլապէս…

    Երէկ՝ դեկտ. 25-ին թէպէտ վիրաւոր, բայց Արծւաբոյն Արցախը տասնեակ հազարաւոր հայորդիների հաշւառելի նեցուկով կոչ-ուղերձ յղեց աշխարհին եւ մասնաւորապէս՝ թուրքին, ադրբեջանցուն, սրանց հովանաւոր՝ Անգլօ-սաքսոններին ու հրէական սիոնիզմին, որ Հայոց Արցախը առաւել քան երբեւէ կառչած է մնալու իր անբեկանելի ինքնորոշման իրաւունքի իրացմանը: Այդ ճամբին, սակայն, Արցախը պատգամեց, թէ ժամանակաւոր ռազմա-քաղաքական հաշւարկները դիմագրաւելի են ու յաղթահարելի:

  • Ո՛Վ ՄԱՐԴԿԱՅԻՆ ԱՐԴԱՐՈՒԹԻՒՆ, ԹՈՂ ԵՍ ԹՔՆԵ՛Մ ՔՈՒ ՃԱԿԱՏԻՆ»...
    Ո՛Վ ՄԱՐԴԿԱՅԻՆ ԱՐԴԱՐՈՒԹԻՒՆ, ԹՈՂ ԵՍ ԹՔՆԵ՛Մ ՔՈՒ ՃԱԿԱՏԻՆ»...

    1- Հակա-Արցախեան 44-օրեայ պատերազմի արդիւնքում մեր համազգային աղէտի (մարդկային ու հայրենական տարածքների ահռելի կորուստ, իսկ մինչ այդ էլ, սկսած 2018 թ.-ից ներազգային պառակտումը) շարունակման նորագոյն ցուցանիշն է՝ Արցախը Հայաստանին միացնող միակ ճանապարհի արգելափակումը՝ թուրք-ադրբեջանական սպասելի սադրանքի ու դաւադրութեան բերումով:

  • ԽՕՍՔ. Յարատեւ կռւի մնայուն հաւատամքը...
    ԽՕՍՔ. Յարատեւ կռւի մնայուն հաւատամքը...

    132 տարի առաջ Դաշնակցութիւնը հիմնադրւեց ու այդ առիթով հրապարակեց իր առաջին խօսքը՝ ՄԱՆԻՖԵՍՏ-ը, որով կոչ էր անում պաշտպանել իրաւազուրկ հայութեան ինչպէս սոցիալ-տնտեսական, այնպէս էլ մարդկային ու ազգային եւ մինչեւ իսկ ֆիզիկական անվտանգութեան ոտնահարւող իրաւունքներն ու օտարի լծից ազատագրումը...

  • ԽՕՍՔ. «Հակա-ահաբեկչութեան» թուրքական աւանդոյթը ...
    ԽՕՍՔ. «Հակա-ահաբեկչութեան» թուրքական աւանդոյթը ...

    1- Անտարակուսօրէն Թուրքիայի նախագահ Էրդողանի համար քաղաքական մեծագոյն ձեռքբերում էր 2015 թ.-ի «յեղաշրջման սցենարով» ինքնահաստատւելու նպատակադրումը: Այսպէս ասած՝ կրօնա-քաղաքական մրցակից գիւլէնականութիւնից ձերբազատւելուն զուգընթաց, նրան յաջողւեց պետական-կառավարման եւ յատկապէս զինւորական մասշտաբներով կադրային իսկական ջարդ կազմակերպել՝ դրանց բանտեր առաջնորդելով: Այս երեւոյթը մինչ օրս նոյնիսկ շարունակւում է…

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակութիւն © 2011-2022 «ԱԼԻՔ» Օրաթերթ։ Բոլոր իրավունքները պահպանւած են։