Հա

Օրակարգ

17/09/2017 - 14:20

Գաղափարները կեանքի կոչելու հրամայականը...

«Փոխադարձ վստահութիւն, միասնականութիւն եւ պատասխանատւութիւն»,- ահա վաղւանից մեկնարկող Հայաստան-Սփիւռք Համահայկական 6-րդ համաժողովի բնաբան-նշանաբանը...:

ԴԵՐԵՆԻԿ ՄԵԼԻՔԵԱՆ

 

«ԱԼԻՔ» - «Փոխադարձ վստահութիւն, միասնականութիւն եւ պատասխանատւութիւն»,- ահա վաղւանից մեկնարկող Հայաստան-Սփիւռք Համահայկական 6-րդ համաժողովի բնաբան-նշանաբանը...:

Եւ իրաւամբ, հայութեան մօտ այնքան փայփայւող ու չարչրկւած միասնականութիւնը շարունակելու է մնալ տեւական բաղձալի, եթէ, տւեալ դէպքում Հայաստան-Սփիւռքի միջեւ չգոյանայ ու չկայանայ փոխադարձ վստահութիւնը: Միասնականութիւնը, սակայն, ինքնանպատակ  արժէք չէ եւ որ դա էլ պէտք է ձեւաւորւի, իրականանայ՝ յանուն մէկ այլ գերնպատակի՝ հայոց անկախ պետականութեան կայացման ու հզօրացման:

Եւ ինչ խօսք՝ կայացած-հզօրացած պետութիւնն է երաշխիքը՝ բոլոր կարգի հիմնախնդիրների լուծման, որոնք նորովի դիմագրաւում է 21-րդ դար թեւակոխած ու ցայժմ 26-ամեայ անկախ պետականութեան փորձ ունեցող հայութիւնը եւ Հայաստանը:

Մէկ խօսքով՝ հայապահպանում, սոցիալական արդարութիւն, ազգային թէ՛ պետական անվտանգութիւն, Արցախեան հիմնահարցի հայանպաստ հանգուցալուծում, հայոց պահանջատիրութիւն ու այս ամէնն ընդգրկող՝ Հայ Դատի  ու հայոց ազգային գաղափարախօսութեան յաղթական աւարտը անմիջականօրէն պայմանաւորւած է Հայաշխարհի միջնաբերդ հզօր Հայաստանով ու նրա լիարժէքօրէն կայացած պետականութեամբ...:

....Ահաւասիկ 6-րդ համաժողովում առանցքային  օրակարգեր հանդիսացող՝

-Հայաստանի զարգացման հիմնախնդիրները,

-ՀՀ պաշտպանական քաղաքականութեան առանձնայատկութիւնները ժամանակակից մարտահրաւէրների պայմաններում,

-Արտաքին քաղաքականութեան օրակարգ, եւ

-Հայապահպանութեան հիմնախնդիրներ

ուղղութիւններն ու առնչակից բոլոր ենթաօրակարգերը լայն քննարկումների արդիւնքում պատշաճօրէն ուրւագծելու են վերոգրեալ գաղափարների արդիական բանաձեւումները, որոնք էլ պէտք է կեանքի կոչւեն համապատասխան մեխանիզմների որդեգրմամբ:

Իսկ այդ փուլը թեւակոխելու եւ այսպէս ասած՝ գաղափարներն ու խօսքերը կենսագործելու նպատակով 6-րդ համաժողովում կիրառւելու է՝ «Համազգային խորհուրդ» մարմնի ձեւաւորման նախնական քայլը, որն ոչ այլ ինչ է, եթէ ոչ նոյն միասնականութեանը բովանդակութիւն հաղորդելու յուսադրիչ եւ մօտակայ ձեռքբերում, յանուն միեւնոյն Հայաստանի ու հայութեան իրատեսական ու համապարփակ հզօրացման:

Յարակից լուրեր

  • Ինչո՞ւ է գոհունակ Ադրբեջանը հայ-թուրքական Մոսկովեան բանակցութիւններից...
    Ինչո՞ւ է գոհունակ Ադրբեջանը հայ-թուրքական Մոսկովեան բանակցութիւններից...

    2009 թ. ՀՀ նախագահ Սերժ Սարգսեանի նախաձեռնած հայ-թուրքական հաշտեցման գործընթացի (ֆուտբոլային դիւանագիտութիւն‎) վիժեցման գործում մեծ ու որոշիչ դերակատարութիւն ունեցաւ Սփիւռքը, որի քաղաքական ու հասարակական հատւածները միահամուռ ընդդիմացան ժամանակի ՀՀ իշխանութիւնների վարած քաղաքականութեանը:

  • Կենսական հրամայականը...
    Կենսական հրամայականը...

    2021 թւականը իր բոլոր վերիվայրումներով, դրականով-լաւով, բացասականով-վատով ու արդէն կարծես մարդկային ու հասարակական կեանքում օրինաչափութիւն դարձած անակնկալներով ու անսպասելիներով… շուտով իր աւարտն է աւետելու...:

  • «ԱԼԻՔ»-ի 24000-եակը…
    «ԱԼԻՔ»-ի 24000-եակը…

    Այսօրւայ թւով «ԱԼԻՔ»-ը, իր 90-րդ ամեակին զուգահեռ, հրատարկւեց 24000-րդ անգամ…

  • Եւ այս ամէնը յանուն «Բրիտիշ Փեթրոլիում»-ի...
    Եւ այս ամէնը յանուն «Բրիտիշ Փեթրոլիում»-ի...

    Անցեալ շաբաթ Թուրքիայի ԱԳ նախարար Չաւուշօղլուն յայտարարեց, որ թուրք-հայկական նոր յարաբերութիւնների ձեւաւորման համար ճշտորոշւել են երկու երկրների բանագնացները: Թուրքիայի կողմից՝ նոյն երկրի նախկին դեսպանը՝ ԱՄՆ-ում, իսկ Հայաստանի կողմից՝ Խորհրդարանի փոխխօսնակ Ռուբէն Ռուբինեանը, որոնք էլ համակարգելու են Չաւուշօղլուի մատնանշած յարաբերութիւնների ընթացակարգերը: Ի դէպ Չաւուշօղլուն խօսել է նոյնիսկ Երեւանում թուրքական դեսպանատուն բացելու մօտալուտ հնարաւորութիւնների մասին…

  • 90-ամեակին ընդառաջ...
    90-ամեակին ընդառաջ...

    Հիմնադրութեան ակունքներում ու հետագային էլ՝ գործունէութեան 90-ամեայ ողջ ժամանակահատւածում տասնեակ, հարիւրաւոր եւ եթէ կուզէք՝ հազարաւոր մտաւորականներ՝ սկսեալ հայոց ազգային եկեղեցւոյ սպասաւորներից մինչեւ գիտութեան, արւեստի, մշակոյթի, գրականութեան, թատրոնի, դպրութեան ու կրթութեան, քաղաքականութեան եւ այլեւայլ բնագաւառներում փայլատակողներ, յարատեւօրէն վառ են պահել «ԱԼԻՔ»-ի հիւրընկալ էջերում մշտավառ կանթեղներն ու ջահերը…:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։