Հա

Օրակարգ

19/02/2020 - 14:20

Փոխան խմբագրականի

Իրանի Իսլ. Հանրապետութեան 11-րդ խորհրդարանի կեանքի կոչման գործընթացը (յատկապէս նախընտրական փուլում), ուղեկցւեց գրեթէ սպասւած առանձնայատկութեամբ, ի համեմատ նախորդող շրջանների…

Դ. Մ.

 

Իրանի Իսլ. Հանրապետութեան 11-րդ խորհրդարանի կեանքի կոչման գործընթացը (յատկապէս նախընտրական փուլում), ուղեկցւեց գրեթէ սպասւած առանձնայատկութեամբ, ի համեմատ նախորդող շրջանների…

Առանձնայատկութիւն, որն ոչ աւել, ոչ պակաս բնութագրելի է հասարակական համընդհանուր պասիւութիւն հասկացութեամբ: Դա, անշուշտ, պայմանաւորւած էր երկրի մասշտաբով առկայ սոցիալ-տնտեսական ու քաղաքական-հոգեբանական գործօններով, որոնք էլ հասարակայնութեան առաւել եւս տնտեսապէս խոցելի խաւերի շրջանակում առաջացրել էր ընդհանուր անտարբերութիւն՝ հասարակական-քաղաքական գերակայ իրադարձութեան նկատմամբ:

Ինչեւէ, հազարաւոր թեկնածուների առկայութեամբ հանդերձ ակներեւ չեղան այսպէս ասած՝ բարեկարգչական-պահպանողական, ձախ թէ աջ հոսանքների առանց այն էլ չկայացած ինստիտուցիոնալ (կազմակերպական-կուսակցական-կառուցային) մրցակցութիւններ, որոնք էլ կարելի է լրացուցիչ պատճառ համարել առ այն, որ վերոնշեալ ժողովրդական խաւերը տւեալ հոսանքների նկատմամբ եւս, նախկինի համեմատ վստահութիւն չեն տածում…:

Գալով իրանահայ համայնքին, պէտք է արձանագրել, որ համընդհանուր իրավիճակից օրինաչափօրէն ազդւած, մեր համայնքն եւս չէր կարող անմասն լինել վերոգրեալ առանձնայատկութիւնից: Աւելին, համայնքիս Հիւսիսային հատւածի ընտրազանգւածների համար նախընտրական քարոզարշաւը մեկնարկեց տհաճ անակնկալով, երբ գործող պատգամաւոր եւ գալիք ընտրութեան թեկնածու դոկտ. Կարէն Խանլարեանը առողջական պատճառներով ստիպւած եղաւ ինքնաբացարկ յայտնել, իր տեղը զիջելով աւելի երիտասարդ թեկնածուի, ի դէմս հասարակագիտութեան մագիստրոս, ազգային գործիչ Արա Շահվերդեանի, որն էլ մրցակցային ասպարէզ է մտել հիւսիսային շրջանի միւս երեք թեկնածուների հետ:

Ահաւասիկ, ուրբաթ, փետրւարի 21-ին երկրով մէկ կայանալու են խորհրդարանական ընտրութիւնները եւ անկախ թւային մասնակցութիւնից, բայց երկրի համընդհանուր՝ ազգային ու պետական շահերից ու անվտանգութիւնից ելնելով՝ կեանքի է կոչւելու Իրանի օրէնսդիր իշխանութիւնը՝ խորհրդարանը:

Իրանահայութիւնը եւս, ինչպէս միշտ, անսալով համընդհանուր՝ երկրի ու պետական շահերին, եւ առաւել եւս որպէս ուրոյն միաւոր, նաեւ իր համայնքային շահերի նկատառումով ու գիտակցմամբ, ընտրական հրապարակ է իջնելու, որպէսզի իր անխախտ եւ անբեկանելի իրաւունքին տէր կանգնելով՝ իր արժանավայել կամքն արտայայտի:

Յարակից լուրեր

  • «Թուրքիայի դրական ազդակները» եւ հարեւան Իրանի արձագանգը...
    «Թուրքիայի դրական ազդակները» եւ հարեւան Իրանի արձագանգը...

    Իրանի հիւսիս-արեւմտեան սահմանի (ներառեալ Հայաստանի եւ Ադրբեջանի սահմանները) երկայնքով երկրի զինւած վիթխարի ուժերի աննախընթաց տեղակայումը գերազանցապէս յուշում է այն մասին, որ տւեալ ուժի ցուցադրումը ոչ թէ սոսկ ինչ-որ թուրք-ադրբեջանական հակաիրան վայրահաչութիւններով են պայմանաւորւած, այլեւ կրում են առաւել՝ տարածաշրջանի գլոբալ եւ ստրատեգիական հեռահար նպատակների շուրջ միջազգային գերուժերի ու դերակատարների հաւանական նկրտումներով…

  • ԵՌԱԲԼՈՒՐԻ ՊԱՏԳԱՄԸ…
    ԵՌԱԲԼՈՒՐԻ ՊԱՏԳԱՄԸ…

    Հարիւրամեակների կենսագրութեան երկայնքում հայութեանը, որպէս ազգային ուրոյն միաւոր, ուղեկից են եղել ազգի ամենափառաբանւած հասկացութիւն-գերաժէքներ` Անկախութիւնը, Ինքնիշխանութիւնը, Հայրենիք-Պետականութիւնը…

  • ՄԵՆՔ ԵՒ ՄԵՐ ԴԻՐՔՈՐՈՇՈՒՄՆԵՐԸ...
    ՄԵՆՔ ԵՒ ՄԵՐ ԴԻՐՔՈՐՈՇՈՒՄՆԵՐԸ...

    Փաստօրէն, որպէս սփիւռքահայեր ու մեր դէպքում՝ որպէս Հայաստանամերձ հինաւուրց համայնք, խորը մտահոգւած եւ ինչու չէ՝ անորոշ ապագայի հաշւին ծանր ենք տանում Հայաստան երկրին եւ բնականաբար դրանից բխող համազգային նշանակութեան որեւիցէ սպառնալիքի առկայութիւնը։

  • ՄԵՆՔ ԵՒ ՄԵՐ ԴԻՐՔՈՐՈՇՈՒՄՆԵՐԸ...
    ՄԵՆՔ ԵՒ ՄԵՐ ԴԻՐՔՈՐՈՇՈՒՄՆԵՐԸ...

    Մեր ԽՕՍՔ-ի այսօրւայ սիւնակում փորձել ենք նախորդ օրերի անդրադարձումներին որպէս լրացուցիչ քննարկում, ամփոփել մեր համընդհանուր կարծիքը առհասարակ հայաստանեան լրջագոյն եւ մարտահրաւէրային իրավիճակների առնչութեամբ:

  • ՄԵՆՔ ԵՒ ՄԵՐ ԴԻՐՔՈՐՈՇՈՒՄՆԵՐԸ...
    ՄԵՆՔ ԵՒ ՄԵՐ ԴԻՐՔՈՐՈՇՈՒՄՆԵՐԸ...

    Որպէս շարունակութիւն մեր երէկւայ ԽՕՍՔ-ի, հարկաւոր ենք համարում անդրադառնալ հայկական հանրոյթում շրջանառւող մէկ այլ երեւոյթի, որն էլ համացանցային «քննարկումների» տիրոյթում է գտնւում եւ որ փաստօրէն միտւած է վարկաբեկել Հայոց Ազգային գաղափարախօսութիւնն ու նրա 130-ամեայ պաշտպան ՀՅԴ-ին...

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։