Հա

Համայնք

28/08/2018 - 11:00

«Աշխատութիւնն ու վարժութիւնը յաղթանակի գրաւական» դասախօսութիւն՝ Հ.Մ.Ա.Կ.-ի Թաւրիզի մասնաճիւղում

Կիրակի, 26 օգոստոս 2018-ի երեկոյեան, Հ.Մ.Ա.Կ.-ի Թաւրիզի մասնաճիւղի կազմակերպութեամբ, դասախօսութիւն տեղի ունեցաւ, «Աշխատութիւնն ու վարժութիւնը յաղթանակի գրաւական» նիւթով: 

«alikonline.ir» - Կիրակի, 26 օգոստոս 2018-ի երեկոյեան, Հ.Մ.Ա.Կ.-ի Թաւրիզի մասնաճիւղի կազմակերպութեամբ, դասախօսութիւն տեղի ունեցաւ, «Աշխատութիւնն ու վարժութիւնը յաղթանակի գրաւական» նիւթով: Տեղեկացնում է Ատրպատականի ազգային առաջնորդարանը:

Իրանում Համահայկական 50-րդ մարզախաղերի մասնակցելու նախօրեակին, Թեհրան մեկնումից առաջ, Հ.Մ.Ա.Կ.-ի Թաւրիզի մասնաճիւղի վարչութիւնը հրաւիրել էր Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանին, հանդիպում ունենալու այն 31 մարզիկ-ուհիների հետ, որոնք Թաւրիզի մասնաճիւղն էին ներկայացնելու սոյն մարզախաղերին:

Հ.Մ.Ա.Կ.-ի կենտրոնատեղիի հաւաքավայրում տեղի ունեցած հանդիպմանը, բացման խօսքով հանդէս եկաւ Կազմակերպութեան մասնաճիւղի նախագահ՝ Հենրիկ Աբրահամեանը, շեշտելով, որ Սրբազան Հօր հետ իւրաքանչիւր հանդիպում լինում է հարստացուցիչ: Նա այս առիթով զեկուցեց մասնակիցների խաղատեսակների մասին, ինչպէս նաեւ հարկ եղած թելադրութիւնները կատարեց մարզիկ-ուհիներին, Թեհրանում «Արարատ» մարզաւանում կայանալիք խաղերի առնչութեամբ:

Առաջնորդ Սրբազանը, երիտասարդութեան հետ սոյն հանդիպումը կարեւորելով, շեշտեց անխոնջ աշխատութեան եւ յուսադիր վարժութեան գաղափարները, որոնք աննահանջ պայքարի են առաջնորդում յատկապէս նոր սերնդին, մինչեւ նրանց երազների եւ ձգտումների իրականացումը. «Ամէնից ծանր բեռը աշխարհում՝ բեռ չունենալն է»,- ասաց Սրբազանը, ցոյց տալով որ Աստծու օրհնութիւնն է մարդու ճակատի քրտինքը, որով նա հասնում է յաջողութիւնների: Նա արւեստի աշխարհից օրինակներ վեր հանելով, ցոյց տւեց, որ «գլուխ գործոցները ծոյլ արւեստագէտների աշխատութիւնը չեն կարող լինել, եւ մեծերը մեծ են դառնում աշխատութեամբ, տքնելով, ջանք ի գործ դնելով, նեղութիւն քաշելով: Նոյնն է նաեւ մարզական աշխարհում: Ֆուտբոլասէրը կամ համակիրը կարող է հեռատեսիլից նայելով քննադատել կամ ի զուր թելադրանքներ կատարել մարզադաշտում վազողին, սակայն այնտեղ վազողը եւ յոգնութիւնը քաշողը՝ մարզիկն է, որը փաստօրէն գտնւում է մարզադաշտում»,- ասաց Սրբազանը, յաւելելով, թէ յարատեւ վարժութիւնն ու առաւել ճիգը միշտ իրենց դրական արդիւնքն են ունենալու խաղի վերջում:

Առաջնորդ Սրբազանը այս առիթով բարձր գնահատեց Հ.Մ.Ա.Կ.-ի Թաւրիզի վարչութեանը եւ բոլոր մարզիկ-ուհիների, որոնք սիրողական մակարդակով վարժւելով, իրենց ազատ ժամերին «Արարատ»-ի դաշտում նախապատրաստւել էին սոյն մարզախաղերին: Ի վերջոյ, նա յաջողութիւն մաղթեց բոլորին, յուսալով, որ յաղթանակած կը վերադառնան Թաւրիզ:

Հանդիպման աւարտին, մասնաճիւղի վարչութեան եւ Թեհրան մեկնող խմբի պատասխանատու Վահիկ Բաղդասարեանի կողմից գործնական ուղղութիւններ տրւեցին մարզիկ-ուհիներին, արդիւնաշատ մասնակցութեան համար, որից յետոյ Սրբազան Հօր ճանապարհի աղօթքով փակւեց երեկոն:

Յարակից լուրեր

  • Ատրպատականի հայոց թեմի առաջնորդը Ղարադաղի Լումա գիւղում
    Ատրպատականի հայոց թեմի առաջնորդը Ղարադաղի Լումա գիւղում

    Տեղագրական եւ ազգագրական աշխատանքի հետամուտ եւ ուսումնասիրելու համար իր թեմում գտնւող նախկին հայաբնակ գաւառներն ու գիւղերը, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը ուրբաթ, 8 նոյեմբեր 2019 թ.-ին մեկնեց Ղարադաղի նախկին հայաբնակ Լումա գիւղը, տեղի եկեղեցու եւ գերեզմանատան ներկայ դրութիւնը արձանագրելու, ինչպէս նաեւ հայկական շինութեան որեւէ մնացորդաց փնտռելու նպատակով:

  • Ատրպատականի հայոց թեմի առաջնորդը Ղարադաղի Գիրմնաւուն գիւղում
    Ատրպատականի հայոց թեմի առաջնորդը Ղարադաղի Գիրմնաւուն գիւղում

    Տեղագրական եւ ազգագրական իր հետազօտութիւնների աշխատանքը շարունակելով թեմում, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը ուրբաթ, 1 նոյեմբեր 2019 թ.-ին մեկնեց Ղարադաղի նախկին հայաբնակ Գիրմնաւուն գիւղը, եկեղեցու եւ գերեզմանատան ներկայ դրութիւնը արձանագրելու, ինչպէս նաեւ հայկական որեւէ հետք փնտռելու նպատակով:

  • Կոմիտաս վարդապետի ծննդեան 150-ամեակը նշւեց Թաւրիզում թատերահամերգային ներշնչող կատարումներով
    Կոմիտաս վարդապետի ծննդեան 150-ամեակը նշւեց Թաւրիզում թատերահամերգային ներշնչող կատարումներով

    Ուրբաթ, 22 նոյեմբեր 2019 թ.-ին, Ատրպատականի հայոց թեմի ազգային առաջնորդարանի «Համազասպ Ոսկանեան» սրահի բեմի վարագոյրը բացւեց Հայ մշակութային գործիչների փեթակը խորհրդանշող թիֆլիսեան նշանաւոր «Վերնատուն»-ի խորհրդալից պատկերով:

  • Ատրպատականի հայոց թեմի առաջնորդի պետական հանդիպումները՝ Խոյ քաղաքում
    Ատրպատականի հայոց թեմի առաջնորդի պետական հանդիպումները՝ Խոյ քաղաքում

    Երեքշաբթի, 19 նոյեմբեր 2019-ի վաղ առաւօտեան Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը մեկնեց Խոյ քաղաքը, նախապէս առնւած ժամադրութիւնների հերթականութեամբ հանդիպումներ ունենալու կուսակալին, քաղաքապետին ինչպէս նաեւ Մշակութային Ժառանգութիւնների պահպանութեան կենտրոնի տնօրէնի հետ:

  • Ատրպատականի հայոց թեմի առաջնորդը Ղարադաղի Նեփեշթ գիւղում
    Ատրպատականի հայոց թեմի առաջնորդը Ղարադաղի Նեփեշթ գիւղում

    Տեղագրական եւ ազգագրական իր հետազօտութիւնների աշխատանքը շարունակելով թեմում, Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանը հինգշաբթի 31 հոկտեմբեր 2019 թ.-ին մեկնեց Ղարադաղի նախկին հայաբնակ Նեփեշթ գիւղը, եկեղեցու եւ գերեզմանատան ներկայ դրութիւնը արձանագրելու, ինչպէս նաեւ հայկական որեւէ հետք գտնելու նպատակով:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։