Հա

Համայնք

15/10/2019 - 09:30

Հ.Մ.Ա.Կ.-ի Թաւրիզի մասնաճիւղի մարզական յանձնախմբի ճաշկերոյթը Թաւրիզում

Ուրբաթ, 11 հոկտեմբեր 2019 թ.-ի կէսօրին, կազմակերպութեամբ Հ.Մ.Ա.Կ.-ի Թաւրիզի մասնաճիւղի մարզական յանձնախմբին, մասնաճիւղի կենտրոնատեղիում հասութաբեր ճաշկերոյթ տրւեց արարատականներին եւ առհասարակ թաւրիզահայերին, քաջալերելու համար վերոյիշեալ յանձնախմբի կատարած եւ ապագայում իրագործելի աշխատանքները:

«alikonline.ir» - Ուրբաթ, 11 հոկտեմբեր 2019 թ.-ի կէսօրին, կազմակերպութեամբ Հ.Մ.Ա.Կ.-ի Թաւրիզի մասնաճիւղի մարզական յանձնախմբին, մասնաճիւղի կենտրոնատեղիում հասութաբեր ճաշկերոյթ տրւեց արարատականներին եւ առհասարակ թաւրիզահայերին, քաջալերելու համար վերոյիշեալ յանձնախմբի կատարած եւ ապագայում իրագործելի աշխատանքները: Տեղեկացնում է Ատրպատականի ազգային առաջնորդարանը:

Ճաշկերոյթին ներկայ գտնւեց թեմակալ առաջնորդ՝ գերշ. Տ. Գրիգոր Ս. եպս. Չիֆթճեանը, ընկերակցութեամբ Պատգամաւորական ժողովի եւ Թեմական խորհրդի յարգոյ ներկայացուցիչների, ազգային բարերար տէր եւ տիկին Համազասպ եւ Սեդա Ոսկանեանների եւ հիւրերի:

Բացման խօսքով, մարզական յանձնախմբի անունից բարի գալուստ մաղթեց Լինէթ Գէորգեանը, ներկաների քաջալերանքը իրենց աշխատանքներին համարելով իրենց յաջողութեան գրաւական: Նա հակիրճ անդրադարձաւ Հայաստանի Համահայկական խաղերին, Միջմասնաճիւղային խաղերին, Սպահանի Գարնանային խաղերին եւ Իրանի Համահայկական խաղերին մասնաճիւղի մասնակցութեան:

Ճաշի սպասարկութիւնից յետոյ, մասնաճիւղի վարչութեան խօսքը արտասանեց ատենապետ՝ Նժդիկ Աբրահամեան: Նա ուրախութեամբ ողջունեց առաջնորդ Սրբազան Հօր եւ Ազգային իշխանութեան ներկայացուցիչների ներկայութիւնը իրենց կողքին: Հ.Մ.Ա.Կ.-ի Թաւրիզի մասնաճիւղի մարզամշակութային կեանքին անդրադառնալով, Նժդիկ Աբրահամեանը հպարտութեամբ յիշեց Թաւրիզի անւան յիշատակումը մարզական բոլոր ծրագրերի ընթացքում, ե՛ւ Հայաստանում, ե՛ւ Գեարդաբադում ե՛ւ Թեհրանում, յատկապէս շեշտելով որ այս տարի Թեհրանում կայացած 51-րդ համահայկական մարզախաղերը նւիրւած էին Կազմակերպութեան 75 եւ Թաւրիզի մասնաճիւղի 65 զոյգ ամեակներին: Վարչութեան ատենապետը նաեւ անդրադարձաւ Հայաստանում, Թեհրանում եւ Գեարդաբադ գիւղում մասնաճիւղի մարզիկներին մարզախաղերի մասնակցութեան, միշտ յիշելով հովանաւորներին եւ բարերարներին, որոնցից շատերը իրենց ծննդավայրի հանդէպ սրտանց կապւածութեան բերումով անպակաս էին անում քաջալերական նւիրատւութիւնները: Նա այս առիթով մեծարեց ճաշկերոյթին ներկայ տէր եւ տիկին Համազասպ եւ Սեդա Ոսկանեաններին, որոնք միշտ Կազմակերպութեան կողքին են կանգնում, քաջալերելով նոր սերնդին: Նոյն առիթով Նժդիկ Աբրահամեան յուշանւէր յանձնեց առաջնորդ Սրբազանին, յայտնելով որ մայր հայրենիքից բերւած փոքր յիշատակ է այդ, որը մարզիկները իրենց հետ էին բերել Երեւանից:

Սրբազան Հայրը իր եզրափակիչ եւ օրհնութեան խօսքը արտասանելով, բարձր գնահատեց Հ.Մ.Ա.Կ.-ի գործունէութիւնը ընդհանրապէս եւ Թաւրիզի մասնաճիւղի աշխատանքը մասնաւորաբար: Սրբազան հայրը երիտասարդութեան կեանքում մարզական աշխարհի բերած բարիքների կարեւորութեան անդրադարձաւ, դրա բարերար երեսները թւելով, սկսած առողջականից մինչեւ միջազգային յարաբերութեանց հարթակներ:

Մարզական յանձնախումբը նաեւ վիճակախաղ նկատի էր ունեցել, որի հասոյթը յատկացւելու էր մարզական ծրագրերին: Վիճակախաղի բախտաւոր թիւը վերցւեց նորածին Մոնթէ Անտոնեանի ձեռամբ եւ բախտաւոր հանդիսացաւ տէր եւ տիկին Համազասպ եւ Սեդա Ոսկանեան ամոլը: Նրանք այս առիթով եւս նւիրատւութեամբ իրենց քաջալերանքը արտայայտեցին Հ.Մ.Ա.Կ.-ի Թաւրիզի մասնաճիւղին:

Յարակից լուրեր

  • Թարգմանչաց տօնի հանդիսաւոր ժամերգութիւն եւ Հայ մշակոյթի օրւայ տօնակատարութիւն Թաւրիզում
    Թարգմանչաց տօնի հանդիսաւոր ժամերգութիւն եւ Հայ մշակոյթի օրւայ տօնակատարութիւն Թաւրիզում

    Շաբաթ, 12 հոկտեմբեր 2019 թ.-ի առաւօտեան ժամը 11-ին, հանդիսապետութեամբ Ատրպատականի հայոց թեմի առաջնորդ՝ գերշ. Տ. Գրիգոր Ս. եպս. Չիֆթճեանի, Թաւրիզի Լիլաւա հայաշատ թաղամասի Ս. Սարգիս եկեղեցում տեղի ունեցաւ հանդիսաւոր ժամերգութիւն, Սրբոց Թարգմանչաց Վարդապետաց տօնի առիթով:

  • Թաւրիզի Գ․ Հայագիտական գիտաժողով (Թաւրիզ-Ջուլֆա, 27 եւ 30 սեպտեմբեր 2019)
    Թաւրիզի Գ․ Հայագիտական գիտաժողով (Թաւրիզ-Ջուլֆա, 27 եւ 30 սեպտեմբեր 2019)

    Երրորդ տարին լինելով տեղի ունեցաւ Թաւրիզի հայագիտական գիտաժողովը, ուրբաթ 27 եւ երկուշաբթի 30 սեպտեմբեր 2019 թ.-ին, Ատրպատականի հայոց թեմի առաջնորդարանում՝ Թաւրիզի Հայ Համալսարանականների միութեան կենտրոնատեղիում եւ Մաղարդայ Ս․ Ստեփանոս Նախավկայի վանքում, թեմակալ առաջնորդ գերշ․ Տ․ Գրիգոր Ս․ եպս․ Չիֆթճեանի հովանաւորութեամբ եւ թեմի կազմակերպութեամբ, մասնակցութեամբ մէկ տասնեակ հայագէտների եւ յարակից բնագաւառների մասնագէտ ուսումնասէրների Թաւրիզից, Գերմանիայից, Անգլիայից, Ֆրանսիայից, Շւէյցարիայից եւ Թուրքիայից։

  • Հ.Մ.Ա.Կ.-ի Թաւրիզի մասնաճիւղի մարզիկները մեկնեցին Հայաստան
    Հ.Մ.Ա.Կ.-ի Թաւրիզի մասնաճիւղի մարզիկները մեկնեցին Հայաստան

    Կիրակի, 4 ոգոստոս 2019 թ.-ի գիշերը, Հայ մշակութային «Արարատ» կազմակերպութեան Թաւրիզի մասնաճիւղի 32 մարզիկները իրենց պատասխանատուների հետ միասին, գլխաւորութեամբ մասնաճիւղի նախագահ Նժդիկ Աբրահամեանի, մեկնեցին Երեւան, Հայաստան, իրենց մասնակցութիւնը բերելու Համահայկական մարզախաղերին, որին աշխարհի տարբեր երկրներից մասնակցում են հազարաւոր հայ մարզիկներ:

  • Հ.Մ.Ա.Կ.-ի Թաւրիզի Սկաուտական խորհրդի կազմակերպած բացօթեայ նախաճաշը
    Հ.Մ.Ա.Կ.-ի Թաւրիզի Սկաուտական խորհրդի կազմակերպած բացօթեայ նախաճաշը

    Ուրբաթ, 19 յուլիս 2019 թ.-ի առաւօտեան ժամը 9-ից սկսած ազգային առաջնորդարանի այգում, բացօթեայ նախաճաշ էր կազմակերպւած Հ.Մ.Ա.Կ.-ի Թաւրիզի մասնաճիւղի Սկաուտական խորհրդի խմբապետական կազմի նախաձեռնութեամբ, բարձր ճաշակով յարդարւած սեղաններով, համադամ տեսականիով որին ներկայ գտնւեցին թաւրիզահայեր:

  • Թաւրիզում գումարւեց Ատրպատականի հայոց թեմի Պատգամաւորական ժողովի հերթական նիստը
    Թաւրիզում գումարւեց Ատրպատականի հայոց թեմի Պատգամաւորական ժողովի հերթական նիստը

    Ուրբաթ, 3 մայիս 2019 թ.-ի առաւօտեան ժամը 10.30-ին, Ազգային առաջնորդարանի «Էմիլ Յակոբեան» դահլիճում, «Տէրունական աղօթք»-ով բացումը կատարւեց Ատրպատականի հայոց թեմի Պատգամաւորական ժողովի 21-րդ նստաշրջանի չորրորդ նիստը, նախագահութեամբ թեմակալ առաջնորդ՝ գերշ. Տ. Գրիգոր Ս. եպս. Չիֆթճեանի:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։